Ki ou pwennvi lo Labib?
Eski ou pou dir ki i . . .
-
en liv lasazes imen?
-
en liv zistwar ek lezann?
-
Parol Bondye?
SA KI LABIB I DIR
“Tou Lekritir i enspire par Bondye.”
KI SA I VEDIR POUR OU
Nou bann kestyon pou ganny reponn.
Bon gidans dan nou lavi tou le zour.
En vre lespwar pour lavenir.
ESKI NOU VREMAN KAPAB KRWAR SA KI LABIB I DIR?
Wi, pour omwen trwa rezon:
-
Son larmoni ekstraordiner. I ti pran plis ki 1,600 an pour apepre 40 zonm ekrir Labib. Laplipar zot pa’n zanmen zwenn kanmarad. Pourtan, bann diferan parti dan Labib pa kontredir kanmarad, i annan en sel tenm!
-
Son lonnekte. Souvandfwa bann istoryen i kasyet bann defo zot pep. Me, bann ekriven Labib pa ti kasyet nanryen enkli zot bann defo personnel ek defo zot pei.
—2 Kronik 36:15, 16; Psonm 51:1-4. -
Son bann profesi i diny konfyans. Labib ti predir destriksyon ansyen lavil Babilonn plis ki 200 an davans. (Izai 13:17-22) I pa ti zis predir lafason ki Babilonn ti pou tonbe me menm non sa dimoun ki ti pou konkerir li!
—Izai 45:1-3. Plizyer lezot profesi Labib osi ti ganny akonplir ziska son pli pti detay. Pa sanmenm ki nou ekspekte avek Parol Bondye?
—2 Pyer 1:21.
POUR REFLESIR LO LA
Ki mannyer Parol Bondye i kapab amelyor ou lavi?
Labib i reponn sa kestyon dan IZAI 48:17, 18 ek 2 TIMOTE 3:16, 17.
Ou pou kapab kontan sa osi
ESSENTIAL BIBLE TEACHINGS
Ki mannyer nou kapab asire ki Labib i vre?
Si loter Labib i Bondye, i pa devret parey lezot liv ki’n deza ganny ekri.
KONSERNAN NOU
Akoz i bon etidye Labib?
Labib pe ed plizyer milyon dimoun dan lemonn trouv larepons bann kestyon enportan dan lavi. Eski ou ti a kontan konn larepons ou osi?
KONSERNAN NOU
Eski ou ti a kontan en vizit?
Diskit en kestyon lo Labib oubyen aprann plis lo Temwen Zeova.
