Lalis bann portre
Ek zot paz
Lo kouvertir Pol, Tabita, Galyon, Lik, en zofisye tanp avek bann zapot, en Sadiseen, Pol pe ganny anmennen Sezare e predikasyon dan nou letan avek en sound car ek en granmofonn.
Paz 1 Pol i dan lasenn e i avek Lik lo en bato kargo ki pe al Ronm.
Paz 2, 3 Frer J. E. Barr ek Frer T. Jaracz ki ti lo Konsey Direkter o bor en map lemonn.
Paz 11 Zezi i donn lord son 11 zapot fidel ek lezot disip lo en montanny Galile.
Paz 14 Zezi i mont dan lesyel e bann zapot pe get li.
Paz 20 Zour Lapannkot, bann disip i konmans koz avek bann dimoun ki’n vin vizit Zerizalenm dan zot prop langaz.
Paz 36 Bann zapot pe debout devan Kaif ki byen ankoler. Bann zofisye tanp pe esper Sannedren donn lord pour aret sa bann zapot.
Paz 44 Portre anba: Apre Dezyenm Lager Mondyal, en lakour dan les Lalmanny ti kondann bann Temwen Zeova e dir ki zot ti bann espyon Ameriken.—Zournal Neue Berliner Illustrierte, le 3 Oktob 1950.
Paz 46 Sannedren i akiz Etyenn. Bann Sadiseen ki ris i lo kote gos e bann Farizyen ki vreman strik konsernan zot bann tradisyon i lo kote drwat.
Paz 54 Pyer i poz son lanmen lo en nouvo disip. Simon pe debout avek en sak larzan.
Paz 75 Pyer ek bann dimoun ki ti pe vwayaz ansanm avek li i antre dan lakaz Korney. Korney dan son lenz spesyal ki pas lo son zepol kote gos pour montre ki i en zofisye larme.
Paz 83 En lanz i fer Pyer sorti dan prizon. Petet Latour Antonia i sa landrwa kot sa prizon i ete.
Paz 84 Portre anba: En lafoul ki ankoler o bor Montreal, Quebec, an 1945.—Zournal Weekend Magazine, Zilyet 1956.
Paz 91 Pol ek Barnabas i ganny pouse dan lavil Antyos, Pisidi. Par deryer, i annan en nouvo pon ki zot in konstri pour fer delo ariv dan lavil e petet i ti ganny konstrir o konmansman premye syek.
Paz 94 Pol ek Barnabas pa kontan ler bann dimoun dan lavil Lis i met tro bokou latansyon lo zot. Bann dimoun i abitye ofer bann sakrifis an piblik e zot zwe en kantite lanmizik.
Paz 100 Portre anler lo paz: Silas ek Zida i ankouraz kongregasyon Antyos, Siri. (Akt 15:30-32) Portre anba lo paz: En sirveyan rezyonal i koz avek en kongregasyon Uganda.
Paz 107 Kongregasyon Zerizalenm i zwenn ansanm kot lakour en dimoun.
Paz 124 Pol ek Timote pe vwayaz lo en bato Romen ki pe anmenn marsandiz. I annan en far dan lwen.
Paz 139 Pol ek Silas i al dan en lakour kot i annan en baro pour sap en lafoul dimoun ki ankoler.
Paz 155 Galyon i reprimann bann dimoun ki pe akiz Pol. Galyon in met en lenz ki montre son lotorite. I’n met en lenz blan avek bor mov ki apel toga ek en kalite soulye ki apel calcei.
Paz 158 Demetris i koz avek bann travayer dan en laboutik lorfev dan lavil Efez. Zot pe vann bann pti tanp Artemis ki annarzan konman souvenir.
Paz 171 Pol ek bann dimoun ki ti avek li pe anbark lo en bato. Par deryer i annan en moniman ki apel Great Harbor ki ti ganny konstrir dan premye syek avan Kris.
Paz 180 Portre anba lo paz: En zenn garson ki en Temwen Zeova pe anmenn bann piblikasyon baze lo Labib dan kasyet pandan ki i annan en restriksyon dan bann lannen 1940 Kanada. (Demonstrasyon.)
Paz 182 Pol i fer sa ki bann ansyen i dir li fer. Lik ek Timote pe asize par deryer Pol e zot pou ed li anmenn bann kontribisyon.
Paz 190 Neve Pol i koz avek Klod Lisyas dan Latour Antonia. Petet sa i sa landrwa kot Pol ti dan prizon. Tanp Erod i par deryer.
Paz 206 Pol i dan en bato ki anmenn marsandiz e i priy pour bann dimoun ki lo bato ki vreman fatige.
Paz 222 Pol i get lavil Ronm e i’n ganny anmare avek en lasenn ansanm avek en solda Romen.
