LESON 55
Siport ou kongregasyon
Plizyer milyon dimoun i servi Zeova avek bokou lazwa dan diferan kongregasyon partou dan lemonn. Zot apresye sa lenstriksyon ek gidans ki zot gannyen e zot kontan pour siport zot kongregasyon dan plizyer fason. Ou santi koumsa anver ou kongregasyon?
1. Ki serten fason ou kapab servi ou letan ek lenerzi pour siport ou kongregasyon?
Nou tou nou kapab donn koudmen dan kongregasyon. Par egzanp, eski i annan serten dan ou kongregasyon ki aze oubyen pli feb? Ou ti kapab ed zot pour ariv kot renyon. Oubyen eski ou ti kapab ed zot dan bann lezot fason, par egzanp al fer zot konmisyon oubyen netway zot lakaz? (Lir Zak 1:27.) Nou osi kapab ofer pour ede netway e gard nou Lasal Rwayonm dan en bon kondisyon. Napa personn ki fors nou pour fer sa bann keksoz. Lanmour pour Bondye ek nou bann frer ek ser i pous nou pour “ofer [nou] lekor volonterman.”—Psonm 110:3.
Bann Temwen ki batize i kapab siport kongregasyon dan lezot fason. Bann frer ki ranpli bann kondisyon Labib i kapab servi konman serviter kongregasyon e avek letan konman ansyen. Tou frer ek ser i kapab siport sa travay predikasyon par servi konman pionye. Serten Temwen i kapab ede pour konstri bann landrwa ladorasyon oubyen zot al reste dan en landrwa kot kongregasyon i bezwen led dan lezot fason.
2. Ki mannyer nou kapab servi nou bann resours materyel pour siport kongregasyon?
Nou kapab “onor Zeova avek [nou] bann keksoz ki annan valer.” (Proverb 3:9) Nou vwar li en privilez pour kontribye larzan ek lezot resours ki nou annan pour siport nou kongregasyon ek sa travay predikasyon partou dan lemonn. (Lir 2 Korentyen 9:7.) Nou kontribisyon i osi ganny servi pour ede dan letan dezas. Bokou frer ek ser i deside pour “met en keksoz dekote” regilyerman konman kontribisyon. (Lir 1 Korentyen 16:2.) Nou kapab fer kontribisyon dan bann bwat kontribisyon kot nou landrwa ladorasyon oubyen lo donate.pr418.com. Zeova i donn nou loportinite pour montre nou lanmour pour li par lafason ki nou swazir pour servi nou keksoz materyel.
AL PLI O PROFON
Vwar serten fason ki ou kapab siport ou kongregasyon.
3. Nou kapab servi nou bann keksoz materyel
Zeova i kontan ler en dimoun i donn avek lazwa e Zezi osi i santi koumsa. Par egzanp, Zezi ti felisit en vev ki ti mizer me kantmenm sa i ti fer en kontribisyon pour Zeova. Lir Lik 21:1-4 e apre reponn sa bann kestyon:
-
Eski nou bezwen donn bokou pour fer Zeova kontan?
-
Ki mannyer Zeova ek Zezi i santi ler nou fer kontribisyon avek tou nou leker?
Pour vwar ki mannyer nou bann kontribisyon i ganny servi, zwe sa VIDEO. Apre reponn sa kestyon.
-
Ki mannyer bann kontribisyon i ganny servi pour benefisye bann kongregasyon partou dan lemonn?
4. Nou kapab volonter pour ede
Dan letan Labib, bann adorater Zeova ti fer bokou zefor pour gard zot landrwa ladorasyon dan en bon leta. Sa pa vedir ki zot ti zis kontribye larzan. Lir 2 Kronik 34:9-11 e apre reponn sa kestyon:
-
Ki mannyer sak Izraelit ti ede pran swen avek lakaz Zeova setadir son landrwa ladorasyon?
Pour vwar ki mannyer bann Temwen Zeova i swiv sa legzanp dan Labib, zwe sa VIDEO. Apre reponn sa bann kestyon.
-
Akoz i enportan pour gard nou Lasal Rwayonm prop e dan en bon leta?
-
Ki serten fason ou kapab ede?
5. Bann frer i kapab kalifye pour fer plis dan kongregasyon
Labib i ankouraz bann zonm Kretyen pour kalifye pour fer tou sa ki zot kapab pour siport kongregasyon. Pour vwar en legzanp, zwe sa VIDEO. Apre reponn sa kestyon.
-
Dan sa video, ki mannyer Ryan ti fer bokou zefor pour li arive fer plis dan kongregasyon?
Labib i eksplike ki bann frer i devret fer pour zot kalifye pour servi konman serviter kongregasyon ek ansyen. Lir 1 Timote 3:1-13 e apre reponn sa bann kestyon:
SI EN DIMOUN I DEMANDE: “Ki mannyer Temwen Zeova i finans zot travay?”
-
Ki ou ti pou reponn?
REZIMEN
Zeova i apresye zefor ki nou fer pour siport nou kongregasyon ler nou servi nou letan, lenerzi ek keksoz materyel.
Revizyon
-
Ki mannyer nou kapab servi nou letan ek lenerzi pour siport nou kongregasyon?
-
Ki mannyer nou kapab servi nou bann keksoz materyel pour siport nou kongregasyon?
-
Dan ki fason ou ti a kontan siport ou kongregasyon?
FER PLIS RESERS
Vwar akoz Bondye nepli demann son bann serviter pour donn ladim.
Labib i donn bann responsabilite avek bann frer batize. Me ki arive si en ser batize i bezwen fer en travay ki normalman ganny fer avek en frer batize?
“Lotorite ki bann ansyen i annan dan kongregasyon” (Latour Veyer Fevriye 2021)
Fer konnesans avek serten Temwen kouraze ki fer bokou sakrifis pour anmenn piblikasyon kot zot bann frer ek ser Kretyen.
Vwar ki mannyer nou travay i ganny finanse dan en fason ki tre diferan avek lezot lorganizasyon relizye.
“Ki mannyer travay Temwen Zeova i ganny finanse?” (Lartik lo jw.org)
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
