Ler ou annan en zanmi ki ou admire e respe, ou esey vin parey li. “Zeova i bon e drwat,” se sa ki Labib i dir. (Psonm 25:8) Pour vin zanmi Bondye nou bezwen bon e drwat. Labib i dir: “Parski zot bann zanfan ki Bondye i kontan, fer tou zot zefor pour fer tou parey li. Les zot lavi ganny kontrole par lanmour.” (Efezyen 5:1, 2) Vwala serten fason ki nou kapab fer sa:

Ed lezot. “Annou fer dibyen tou dimoun.”—Galat 6:10.

Travay dir. “Sa ki abitye vole fodre i aret vole e travay pour ganny son lavi dan en fason onnet.”—Efezyen 4:28.

Gard ou prop fizikman e moralman. “Annou pirifye nou avek tou sa ki sali lekor ek lespri, e fer tou pour nou vin konpletman sen an vivan avek respe devan Bondye.”—2 Korentyen 7:1.

 Tret bann manm ou fanmiy avek lanmour ek respe. “Fodre ki sak mari i kontan son madanm parey son prop lekor e ki sak madanm i respekte son mari. Zanfan, i zot devwar obei zot paran.”—Efezyen 5:33–6:1.

Montre lanmour anver lezot. “Annou kontan kanmarad parski lanmour i sorti kot Bondye.”—1 Zan 4:7.

Obeir lalwa ou pei. “Tou dimoun i devre soumet li avek bann lotorite ki gouvernen . . . Rann sakenn sa ki zot devre: ki swa taks.”—Romen 13:1, 7.