Lanmor i lekontrer avek lavi. Lanmor i konman en sonmey profon. (Zan 11:11-14) Bann dimoun mor pa kapab tande, vwar, koze oubyen mazin nanryen. (Eklezyast 9:5, 10) Fo relizyon i ansennyen ki bann mor i al dan en monn spirityel pour viv avek zot bann zanset. Labib pa ansenny sa.

Bann ki’n mor pa kapab ed nou, e zot pa kapab fer nou okenn ditor. Souvan dimoun i perform bann servis oubyen sakrifis ki zot krwar pou fer plezir bann ki’n mor. Bondye i dezaprouv sa parski en tel pratik i baze lo enn bann mansonz Satan. I pa ni kapab fer plezir bann mor osi, vi ki zot napa lavi. Nou pa devret per oubyen ador bann mor. Nou devret ador zis Bondye.—Matye 4:10.

Bann dimoun mor pou viv ankor. Zeova pou redonn lavi bann mor pour viv dan en paradi teres. Sa moman in ganny rezerve pour lavenir. (Zan 5:28, 29; Akt 24:15) Bondye pou kapab relev bann mor zis parey ou kapab lev en dimoun ki pe dormi.—Mark 5:22, 23, 41, 42.

Lide ki nou pa mor i en mansonz ki’n ganny propaze par Satan Dyab. Satan ek son bann demon i fer dimoun krwar ki lespri bann mor i vivan e ki zot koz maladi ek lezot problenm. Satan i tronp bann dimoun, parfwa an servan bann rev ek vizyon. Zeova i dezaprouv bann ki esey koz avek bann mor.—Deterononm 18:10-12.