Satan i oule ki ou pratik mazik. Plizyer dimoun i fer sakrifis avek bann zanset oubyen lespri pour protez zot kont lemal. Zot fer sa akoz zot per pouvwar ki bann lespri i annan. Zot met bann bag oubyen brasle mazik. Zot bwar oubyen frot zot lekor avek “bann medikaman” ki sipoze annan pouvwar mazik. Dan zot lakaz oubyen anba later, serten dimoun i kasyet bann lobze ki zot krwar i annan serten pouvwar pour protez zot. Lezot i servi “medikaman” mazik akoz zot panse ki i pou anmenn serten sikse dan biznes, legzanmen lekol, oubyen frekantasyon pour marye.

Annan Zeova konman ou zanmi i ou meyer proteksyon kont Satan. Zeova ek son bann lanz i bokou pli pwisan ki Satan ek son bann demon. (Zak 2:19; Revelasyon 12:9) Zeova i touzour pare pour montre son pwisans an faver son bann zanmi—bann ki antyerman fidel avek li.—2 Kronik 16:9.

Parol Bondye i dir: “Ou pa devret pratik mazik.” Zeova i kondann mazik ek bann pratik sorsye akoz sa bann pratik i kapab met nou direkteman anba pouvwar Satan Dyab.—Levitik 19:26.