Pour gard en zanmi, ou bezwen koz avek li. Ou ekout li e i ekout ou. Ou osi dir bann bon keksoz lo ou zanmi avek lezot. I koumsa menm ler ou en zanmi Bondye. Konsider sa ki Labib i dir lo sa size:

Koz avek Zeova regilyerman dan lapriyer. “Priye tou letan.”—Romen 12:12.

Lir Parol Bondye, Labib. “Tou Lekritir i enspire par Bondye e i itil pour ansennyen, pour koriz lerer, pour remet drwat, e pour formen pour viv byen selon Bondye.”—2 Timote 3:16.

Ansenny lezot konsernan Bondye. “Ale e fer tou pep vin mon bann disip, . . . ansenny zot pour obei tou sa ki mon’n konmande.”—Matye 28:19, 20.

 Rapros ou avek bann zanmi Bondye. “Sa ki pe mars avek bann dimoun saz pou vin saz.”—Proverb 13:20.

Asiste bann renyon kot Lasal Rwayonm. “Annou rode konman pous kanmarad pour annan lanmour e fer sa ki byen, . . . ankouraz kanmarad.”—Ebre 10:24, 25.

Ede pour soutenir travay Rwayonm. “Fodre ki sakenn i donn dapre sa ki i’n deside, non pa avek regre ou par lobligasyon, parski Bondye i kontan sa ki donn avek lazwa.”—2 Korentyen 9:7.