Ankouraz kanmarad “plis ankor”
“Annou demontre en lentere senser dan lezot . . . ankouraz kanmarad plis ankor la ki zot vwar sa zour pe aprose.”—EBRE 10:24, 25.
1. Akoz zapot Pol ti demann bann Kretyen Ebre dan premye syek pour ankouraz kanmarad “plis ankor”?
DAN premye syek, zapot Pol ti donn bann Kretyen Ebre sa konsey: “Annou demontre en lentere senser dan lezot pour ki nou kapab ankouraz kanmarad pour demontre lanmour e fer bann bon aksyon. Annou pa aret rasanble ansanm, parey serten i annan labitid, me annou ankouraz kanmarad plis ankor la ki zot vwar sa zour pe aprose.” (Ebre 10:24, 25) Bann frer ti’n kapab demann zot lekor akoz Pol ti’n dir zot ankouraz kanmarad plis ankor. Mwens ki senk an pli tar, en rezon ti vin kler. Dan sa letan, zot ti vwar ki zour zizman Zeova lo Zerizalenm ti pros. Zot ti konpran ki zot ti bezwen sorti dan sa lavil parey Zezi ti’n dir zot fer. (Lik 21:20-22; Akt 2:19, 20) Zour Zeova ti vin dan lannen 70, ler bann Romen ti detri Zerizalenm.
2. Akoz nou devret mazin plis lo ankouraz kanmarad ozordi?
Zoel 2:11) Parol profet Zefanya i osi aplik pour nou letan: “Sa gran zour [Zeova] i pros; i tre pros, i pe arive byen vit.” (Zefanya 1:14) Pour sa rezon, nou devret “demontre en lentere senser dan lezot pour ki nou kapab ankouraz kanmarad pour demontre lanmour e fer bann bon aksyon.” (Ebre 10:24) Nou bezwen demontre plis lentere ankor dan nou bann frer ek ser pour nou kapab ankouraz zot ler zot bezwen lankourazman.
2 Ozordi, nou dan menm sityasyon. Zour Zeova ki “gran e vreman terib” i pros pour arive. (LEKEL KI BEZWEN LANKOURAZMAN?
3. Ki zapot Pol ti dir konsernan lankourazman? (Vwar portre o konmansman sa lartik.)
3 “En leker ki trakase i fer en zonm tonm dan depi, me en bon parol i donn li lazwa.” (Proverb 12:25) Nou tou nou bezwen lankourazman par ler. Pol ti fer kler ki menm bann ki responsab pour ankouraz lezot, zot osi zot bezwen ganny ankouraze. I ti ekri son bann frer Ronm: “Mon vreman anvi vwar zot pour ed zot spirityelman pour ki zot reste ferm oubyen plito ki nou kapab ankouraz kanmarad par nou lafwa, zot par mon lafwa e mwan par zot lafwa.” (Romen 1:11, 12) Alor, menm zapot Pol ti bezwen lankourazman par ler.—Lir Romen 15:30-32.
4, 5. Lekel ki nou kapab ankouraze ozordi e akoz?
4 Ozordi, nou kapab ankouraz bann ki pe servi Zeova a plen tan, tel parey bann pionye fidel. Bokou zot in sakrifye bann keksoz ki zot kontan dan lavi pour zot kapab fer pionye. Sa i osi aplik pour bann misyonner, Betelit, sirveyan rezyonal ek zot madanm e bann ki travay dan biro tradiksyon. Zot tou zot fer sakrifis pour zot kapab pas plis letan dan servis Zeova. Alor, nou devret ankouraz zot. I osi annan bann ki ti a kontan si zot ti ankor dan servis a plen tan, me zot nepli kapab fer li. Zot osi zot rekonesan ler zot resevwar lankourazman.
5 Lekel ankor ki merit ganny ankouraze? Nou kapab ankouraz sa kantite frer ek ser ki’n swazir pour reste selibater parski zot anvi obei Zeova e marye “selman avek en disip Senyer.” (1 Korentyen 7:39) Bann madanm i ganny ankouraze ler zot msye i dir zot ki i kontan zot e apresye sa ki zot fer. (Proverb 31:28, 31) Bann Kretyen ki pe andir persekisyon oubyen ki pe fer fas avek maladi i osi bezwen ganny ankouraze. (2 Tesalonisyen 1:3-5) Zeova ek Zezi i rekonfort tou sa bann fidel.—Lir 2 Tesalonisyen 2:16, 17.
BANN ANSYEN I KAPAB ANKOURAZ NOU
6. Ki nou aprann konsernan rol bann ansyen dan Izai 32:1, 2?
6 Lir Izai 32:1, 2. Nou pe viv dan bann letan difisil e nou kapab fasilman vin tris e dekouraze. Zezi Kri i servi son bann frer swazir ek “bann sef [oubyen “prens,” NWT]” fidel ki form parti lezot mouton pour ankouraz nou. Sa bann ansyen dan kongregasyon pa “domin” lo nou lafwa, me nou “travay ansanm avek zot” pour ki nou dan lazwa. Zot anvi ed nou pour vin ere e reste fidel.—2 Korentyen 1:24.
7, 8. Ki mannyer bann ansyen i kapab ankouraz lezot par sa ki zot dir e fer?
7 Bann ansyen i kapab imit zapot Pol ki ti toultan esey ankouraz son bann frer. I ti ekri bann Kretyen Tesalonik ki ti pe ganny persekite: “Akoz nou annan lafeksyon ek tandres pour zot, nou ti determinen pour pa zis anons sa bon nouvel Bondye avek zot me osi pour donn zot tou sa ki nou ti annan, parski zot in vin bann dimoun ki nou kontan en kantite.”—1 Tesalonisyen 2:8.
8 Bann ansyen i kapab ankouraz nou par sa ki zot dir. Me eski sa i toultan ase? Pol ti dir bann ansyen ki ti sorti Efez: “Ed sa bann ki feb e zot devret gard antet parol nou Senyer Zezi ler li menm i ti dir: ‘I annan plis lazwa pour donnen ki pour resevwar.’” (Akt 20:35) Pol ti pare pour ‘depans tou sa ki i annan e donn tou son lavi’ pour son bann frer. I ti prouve par son aksyon ki i ti pare pour fer son mye pour zot. (2 Korentyen 12:15) Parey Pol, bann ansyen i devret ankouraz e rekonfort lezot pa zis par sa ki zot dir, me osi par sa ki zot fer. Sa i montre ki zot vreman enterese avek nou.—1 Korentyen 14:3.
9. Ki mannyer bann ansyen i kapab donn konsey dan en fason ankourazan?
9 Par ler, bann ansyen i bezwen donn bann frer konsey pour batir zot. Bann ansyen i kapab aprann avek bann legzanp dan Labib lo ki mannyer pour fer sa dan en fason ankourazan. Zezi in kit en bon legzanp lo konman pour donn konsey ler i ti anvoy bann mesaz pour bann kongregasyon Lazi Miner apre ki i ti’n mor e resisite. I ti annan konsey serye pour kongregasyon Efez, Perganm ek Tyatir. Me avan ki i ti donn konsey, i ti felisit zot pour tou bon keksoz ki zot ti pe fer. (Revelasyon 2:1-5, 12, 13, 18, 19) Zezi ti dir kongregasyon Laodise: “Mon reprimann e disiplin tou sa bann ki mon kontan. Alor, ou devret devoue e repantir.” (Revelasyon 3:19) Bann ansyen i esey imit Zezi dan lafason ki zot donn konsey.
PA ZIS BANN ANSYEN KI BEZWEN ANKOURAZ LEZOT
Paran, eski ou pe antrenn ou zanfan pour ankouraz lezot? (Vwar paragraf 10)
10. Ki mannyer nou tou nou kapab ankouraz kanmarad?
10 Pa zis bann ansyen ki bezwen ankouraz lezot. Pol ti ankouraz tou Kretyen pour koz “sa ki bon pour batir lezot dapre zot bezwen, pour ki sa i kapab benefisye” lezot. (Efezyen 4:29) Nou tou nou devret fer zefor pour konn sa ki lezot i bezwen pour nou kapab ed zot. Pol ti ekri bann Kretyen Ebre: “Fortifye bann ki’n bes lebra oubyen bann ki zot zenou pe tranble. Kontinyen mars lo sa bon semen, pour ki sa enn ki pe bwete pa vin pli pir, me i a ganny geri.” (Ebre 12:12, 13) Nou tou nou kapab batir e ankouraz kanmarad par sa ki nou dir, menm bann zenn.
11. Kwa ki ti ed Marthe ler i ti dan depresyon?
11 En ser ki apel Marthe ti dan depresyon pour en pe letan. * (Vwar not.) I ti ekri: “En zour ler mon ti pe priye pour ganny lankourazman, mon ti zwenn en ser pli aze ki ti demontre lafeksyon ek konpasyon anver mwan, en keksoz ki mon ti vreman bezwen a sa moman. I ti osi rakont mwan son prop leksperyans ler i ti pas atraver sa menm tes ki mon ti pe pas atraver e sa ti fer mwan santi ki mon pa tousel.” I tre probab ki sa ser pa ti ni menm realize ki kantite son parol ti ed Marthe!
12, 13. Ki mannyer nou kapab aplik sa konsey ki dan Filipyen 2:1-4?
12 Pol ti ekri bann Kretyen Filip: “Vi ki zot ankouraz kanmarad akoz zot ini dan Kris, vi ki zot rekonfort kanmarad akoz lanmour, vi ki zot konsernen pour kanmarad, vi ki zot annan lafeksyon ek konpasyon pour kanmarad alor, ranpli mon leker avek lazwa par annan en menm fason panse e en menm lanmour, konpletman ini avek en sel panse antet. Pa fer nanryen avek en leta lespri dispit oubyen egois, me avek limilite konsider lezot pli siperyer ki zot. Deplis, pa rod zis zot prop lentere, me lentere lezot osi.”—Filipyen 2:1-4.
13 Nou tou nou devret rod bann fason pour ed kanmarad. Pour ankouraz nou bann frer ek ser, nou kapab “rekonfort kanmarad akoz lanmour,” “konsernen pour kanmarad” e “annan lafeksyon ek konpasyon.”
SERTEN FASON POUR DONN LANKOURAZMAN
14. Nonm en fason ki nou kapab donn lankourazman.
14 Nou kontan pour tande ki bann ki nou’n ede dan lepase pe kontinyen reste 3 Zan 4) En kantite pionye i vreman zwaye ler zot tande ki en dimoun ki zot ti ede pour konn laverite dan lepase pe kontinyen servi Zeova fidelman e petet pe menm fer pionye. Alor si bann pionye i santi zot dekouraze, nou kapab rapel zot dibyen ki zot in fer pour ed lezot.
fidel. Zapot Zan ti ekri: “Napa en pli gran lazwa ki ler mon tande ki mon bann zanfan pe kontinyen viv an armoni avek laverite.” (15. Ki nou kapab fer pour ankouraz bann ki pe servi Zeova fidelman?
15 Plizyer sirveyan rezyonal in dir ki zot ek zot madanm ti ganny ankouraze ler zot ti ganny en not remersiman apre ki zot ti’n vizit en kongregasyon. Sa i osi vre pour bann ansyen, misyonner, pionye ek Betelit ki pe servi Zeova fidelman. Ler nou remersye zot, nou kapab pe ankouraz zot plis ki nou realize.
KI MANNYER NOU TOU NOU KAPAB ANKOURAZ LEZOT?
16. Ki bann keksoz senp ki kapab ankouraz en dimoun?
16 Me ki ou kapab fer si ou vwar li difisil pour dir lezot sa ki ou santi pour zot? Anfet, i pa sitan difisil pour ankouraz lezot. Ler ou vwar en dimoun, esey fer en zoli sourir avek li. Si i pa fer en sourir an retour, i kapab ki zot pe fer fas avek en problenm e bezwen en dimoun pour koz avek. I kapab ki ou rekonfort zot zis par ekout zot.—Zak 1:19.
17. Kwa ki ti ankouraz en zenn frer?
17 En zenn frer ki apel Henri ti vreman Psonm 46, Zefanya 3:17 ek Mark 10:29, 30.
sagren ler plizyer manm son fanmir pros ti aret servi Zeova. Enn parmi ti son papa ki ti’n servi konman ansyen. En sirveyan rezyonal ti remarke ki Henri ti tris e i ti envit li pour al pran en pti kafe. I ti ekout byen anmezir ki Henri ti eksprim son santiman. Henri ti realize ki sa sel fason pour li ed son fanmir retourn dan laverite se par reste fidel. I ti osi ganny rekonforte ler i ti lirNou tou nou kapab batir e ankouraz kanmarad (Vwar paragraf 18)
18. (a) Ki Lerwa Salomon ti ekri lo lankourazman? (b) Ki sizesyon zapot Pol ti donnen?
18 Ki nou kapab aprann avek leksperyans Marthe ek Henri? Nou tou nou kapab fer en keksoz pour rekonfort e ankouraz en frer oubyen en ser. Lerwa Salomon ti ekri: “En larepons apropriye i fer dibyen. En zoli regar i met lazwa dan leker; en bon nouvel i redonn lafors.” (Proverb 15:23, 30) Eski ou konn en dimoun ki dekouraze oubyen tris? Akoz ou pa fer en keksoz senp tel parey lir en lartik ki dan Latour Veyer oubyen lo nou sit Enternet avek li? Pol ti osi dir ki sant kantik Rwayonm ansanm i kapab fer nou santi nou pli byen. I ti osi ekri: “Kontinyen ansennyen e ankouraz kanmarad avek bann psonm, louanz pour Bondye, sanson spirityel ki ganny sante avek rekonesans, sant avek tou zot leker pour Zeova.”—Kolosyen 3:16; Akt 16:25.
19. Akoz lankourazman pou vin deplizanpli pli enportan byento e ki nou devret fer?
19 Anmezir ki zour Zeova i aprose, i pou pli enportan pour nou ankouraz kanmarad. (Ebre 10:25) Nou pou ere si nou fer sa ki Pol in konsey nou: “Kontinyen ankouraz kanmarad e batir kanmarad zis parey zot pe deza fer li.”—1 Tesalonisyen 5:11.
^ par. 11 Non in sanze.