Imit Zeova, sa Bondye ki donn lankourazman
“Ki Bondye . . . i ganny loue, akoz . . . i ankouraz nou dan tou nou bann leprev.”—2 KORENTYEN 1:3, 4, not.
1. Ler Adan ek Ev ti rebele, ki mannyer Zeova ti donn bann imen lankourazman ek lespwar?
ZEOVA i en Bondye ki donn lankourazman. Sa i en keksoz ki i pe fer depi ler bann imen ti fer pese e vin enparfe. Anfet, deswit apre ki Adan ek Ev ti rebel kont Bondye, i ti donn en profesi. Ler bann imen ki ti pou ne dan lavenir i konpran sa profesi, sa ti pou donn zot kouraz ek lespwar. Sa profesi i ganny trouve dan Zenez 3:15 e i promet ki Satan e tou lemal ki i’n fer pou ganny detrir.—1 Zan 3:8; Revelasyon 12:9.
ZEOVA TI ANKOURAZ SON BANN SERVITER DAN LEPASE
2. Ki mannyer Zeova ti ankouraz Noe?
2 Mazin ki mannyer Zeova ti ankouraz Noe ki ti enn son serviter. Dan letan Noe, bann dimoun ti vyolan e viv en lavi imoral e zis Noe ek son fanmir ki ti ador Zeova. Zenez 6:4, 5, 11; Zid 6) Me Zeova ti donn Noe sa kouraz ki i ti bezwen pour kontinyen ador Li e fer sa ki byen. (Zenez 6:9) Zeova ti dir Noe ki I ti pe al detri sa move lemonn e I ti eksplik Noe sa ki i ti bezwen fer pour ki li ek son fanmir i sirviv. (Zenez 6:13-18) Pour Noe, Zeova ti en Bondye ki donn lankourazman.
Noe ti’n kapab dekouraze. (3. Ki mannyer Zeova ti ankouraz Zozye? (Vwar portre o konmansman sa lartik.)
3 Pli tar, Zeova ti ankouraz son serviter Zozye ki ti annan en gro travay pour fer. I ti bezwen diriz pep Bondye pour antre dan Later Promiz e lager kont bann larme pwisan bann nasyon pour zot kapab konkerir sa landrwa. Zeova ti konnen ki Zozye ti annan rezon pour per, alor I ti dir Moiz: “Donn Zozye ou bann lord, ankouraz li, rann li for, akoz li menm ki pou diriz lepep e donn li patrimwann sa pei ki ou pou war.” (Deterononm 3:28) Apre Zeova li menm ti ankouraz Zozye: “Pa mon’n ordonn ou: Reste for, pran kouraz. Pa per, pa tranble, akoz [Zeova], ou Bondye, i avek ou partou kot ou pou ale.” (Zozye 1:1, 9) Ki mannyer ou krwar sa bann parol ti fer Zozye santi?
4, 5. (a) Ki mannyer Zeova ti ankouraz son pep dan lepase? (b) Ki mannyer Zeova ti ankouraz son Garson?
4 Zeova ti osi ankouraz son pep konman en group. Par egzanp, Zeova ti konnen ki bann Zwif ti pou bezwen ganny ankouraze ler zot ti an egzil Babilonn e i ti donn zot en profesi ankourazan, ki dir: “Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.” (Izai 41:10) Pli tar, Zeova ti ankouraz bann Kretyen dan premye syek e i ankouraz nou dan menm fason ozordi.—Lir 2 Korentyen 1:3, 4.
5 Zeova ti osi ankouraz son Garson. Apre ki Zezi ti batize, i ti tann en lavwa sorti dan lesyel dir: “Sa i mon Garson ki mon kontan ki mon’n aprouve.” (Matye 3:17) Eski ou kapab imazinen ki mannyer Zezi ti ganny fortifye avek sa bann parol pandan son minister lo later?
ZEZI TI ANKOURAZ LEZOT
6. Ki mannyer legzanp Zezi lo bann talan i kapab ankouraz nou?
6 Zezi ti imit son Papa par ankouraz lezot pour reste fidel. I ti fer sa atraver legzanp bann talan kot sa met ti dir sak lesklav fidel: “Ou’n byen fer, ou en lesklav ki bon e fidel! Ou’n fidel dan en ptigin, mon pou met ou ansarz bokou keksoz. Rezoui avek ou met.” (Matye 25:21, 23) Sa bann parol ti ankouraz son bann disip pour kontinyen servi Zeova fidelman!
Zezi ti ankouraz Pyer e menm donn li sa responsabilite pour batir lezot
7. Ki mannyer Zezi ti ankouraz son bann zapot, espesyalman Pyer?
7 Menm si bann zapot ti souvan argimante lo lekel ki pli enportan, Zezi ti toultan demontre pasyans anver zot. I ti ankouraz zot pour demontre limilite e pour servi lezot, dan plas anvi Lik 22:24-26) Plizyer fwa Pyer ti fer bann fot e dezapwent Zezi. (Matye 16:21-23; 26:31-35, 75) Me Zezi pa ti zanmen rezet Pyer. O kontrer, i ti ankouraz Pyer e menm donn li sa responsabilite pour batir lezot.—Zan 21:16.
lezot servi zot. (LANKOURAZMAN DAN LETAN LONTAN
8. Ki mannyer Ezekya ti ankouraz bann sef militer ek pep Zida?
8 Menm avan ki bann serviter Zeova ti annan legzanp Zezi pour swiv, zot ti konnen ki zot bezwen ankouraz lezot. Mazin lo Ezekya par egzanp. Ler bann Asiryen ti pe al atak Zerizalenm, i ti rasanble bann sef militer ek lepep pour ankouraz zot e Labib i dir ki ‘son parol ti donn konfyans lepep.’—Lir 2 Kronik 32:6-8.
9. Ki nou kapab aprann avek Zob lo konman pour donn lankourazman?
9 Nou osi kapab aprann avek Zob konman pour donn lankourazman. Menm si li menm li i ti bezwen lankourazman, i ti montre lezot ki mannyer pour donn lankourazman. Zob ti dir sa bann zonm ki ti’n vin rekonfort li ki si li ki ti pe esey rekonfort zot, i ti pou’n dir zot bann keksoz ki ti pou’n ankouraz zot e fer zot santi zot pli byen, pa bann keksoz ki ti pou bles zot. (Zob 16:1-5) Me Zob ti finalman ganny lankourazman avek Eliou ek Zeova.—Zob 33:24, 25; 36:1, 11; 42:7, 10.
10, 11. (a) Akoz fiy Zefta ti bezwen lankourazman? (b) Lekel ki nou kapab ankouraze ozordi?
10 En lot dimoun ki ti bezwen lankourazman, ti fiy Zefta. Ziz Zefta ti pe al lager kont bann Amonit. I ti promet ki si Zeova i ed li ranport laviktwar, sa premye dimoun ki ti pou vin zwenn li ler i retournen ti pou al servi Zeova kot tabernak. Bann Izraelit ti ranport laviktwar e sa premye dimoun ki ti vin zwenn Zefta ti son fiy, son sel zanfan. Sa ti kas son leker. Me i ti gard son promes e anvoy son fiy pour al servi kot tabernak pour leres son lavi.—Ziz 11:30-35.
11 Menm si i ti difisil pour Zefta fer fas avek sa sityasyon, i ti pli difisil pour son fiy. Toudmenm, son fiy ti pare pour gard promes ki son papa ti’n fer. (Ziz 11:36, 37) Sa ti vedir ki i pa ti pou zanmen marye oubyen annan zanfan. Laliny desandans Zefta ti pou fini lanmenm. Sa fiy ti bezwen bokou rekonfor ek lankourazman. Labib i dir: “Sa ti vin en koutim dan Izrael: Toulezan, pandan kat zour, bann zenn fiy dan Izrael, zot al selebre [oubyen “felisit,” NWT] fiy Zefte ki sorti Galaad.” (Ziz 11:39, 40) Fiy Zefta i fer nou mazin bann Kretyen ozordi ki reste selibater pour ki zot kapab fer plis pour Zeova. Eski nou kapab felisit e ankouraz zot?—1 Korentyen 7:32-35.
BANN ZAPOT TI ANKOURAZ ZOT FRER
12, 13. Ki mannyer Pyer ti ‘fortifye son bann frer?’
12 Sa zour swar avan Zezi ti mor, i ti dir zapot Pyer: “Simon, Simon, ekoute! Satan in demande pour li triy zot parey fermye i triy dible. Me mon’n sipliy Bondye pour ou pour ki ou lafwa pa afebli konpletman. Enn fwa ki ou’n retournen, fortifye ou bann frer.”—Lik 22:31, 32.
Bann let bann zapot ti ankouraz bann Kretyen dan premye syek e zot ankor pe ankouraz nou ozordi (Vwar paragraf 12-17)
13 Pyer ti enn parmi bann frer ki ti diriz kongregasyon Kretyen dan premye syek. (Galat 2:9) I ti ankouraz bann frer par son aksyon kouraze zour Lapannkot e pli tar. Apre ki i ti’n servi pour bokou lannen, i ti ekri bann frer: “[Mon] ekri zot sa detrwa mo pour ankouraz zot e asir zot ki sa i sa vre labonte ekstraordiner Bondye. Reste ferm ladan.” (1 Pyer 5:12) Bann let Pyer ti ankouraz bann Kretyen dan son letan e i ankor pe ankouraz nou ozordi anmezir ki nou esper bann promes Zeova vin vre!—2 Pyer 3:13.
14, 15. Ki mannyer bann liv Labib ki Zan ti ekri i ankouraz nou?
14 Zapot Zan osi ti enn bann frer ki ti diriz kongregasyon Kretyen dan Zan 13:34, 35.
premye syek. I ti ekri en Levanzil eksitan lo minister Zezi. Sa liv dan Labib in ankouraz bann Kretyen pour plizyer santenn lannen e i ankor pe ankouraz nou ozordi. Par egzanp, zis dan Levanzil Zan ki nou kapab lir ki Zezi ti dir ki lanmour i sa kalite ki idantifye son bann vre disip.—Lir15 Sa trwa let ki Zan ti ekri i osi annan bann laverite presye. Ler nou dekouraze akoz bann fot ki nou’n fer, nou ganny soulaze ler nou lir ki sakrifis Zezi i “pirifye nou avek tou pese.” (1 Zan 1:7) Deplis, si nou kontinyen santi nou koupab, nou pou ganny rekonforte ler nou lir ki “Bondye i pli gran ki nou leker.” (1 Zan 3:20) Zan i sa sel ekriven Labib ki ti ekri ki “Bondye i lanmour.” (1 Zan 4:8, 16) Dan son dezyenm ek trwazyenm let i felisit bann Kretyen ki “pe kontinyen reste dan laverite.”—2 Zan 4; 3 Zan 3, 4.
16, 17. Ki mannyer zapot Pol ti ankouraz bann Kretyen dan premye syek?
16 Zapot Pol ti en bon legzanp en dimoun ki ti donn lankourazman son bann frer. Pa tro lontan apre ki Zezi ti’n mor, laplipar zapot ti reste Zerizalenm kot konsey direkter ti ete. (Akt 8:14; 15:2) Bann Kretyen Zide, ti pres konsernan Kris avek bann dimoun ki ti deza krwar dan en sel Bondye. Me lespri sen ti anvoy Pol pour al pres avek bann Grek, Romen ek lezot ki ti ador plizyer bondye.—Galat 2:7-9; 1 Timote 2:7.
17 Pol ti vwayaz dan sa bann landrwa ki konmela i apel Latirki, ensi ki Lagres ek Itali. I ti pres avek bann non Zwif ki ti pe reste dan sa bann landrwa e i ti form bann kongregasyon Kretyen. Lavi pa ti fasil pour sa bann nouvo Kretyen. Dimoun dan zot prop pei ti persekit zot, alor zot ti bezwen lankourazman. (1 Tesalonisyen 2:14) Apepre lannen 50, Pol ti ekri en let ankourazan pour sa nouvo kongregasyon Tesalonik. I ti dir: “Ler nou priy pour zot tou, nou touzour remersye Bondye. Parski nou touzour pe mazin zot travay fidel, zot dir travay avek lanmour e zot landirans.” (1 Tesalonisyen 1:2, 3) I ti osi demann zot pour fortifye kanmarad e i ti ekri: “Kontinyen ankouraz kanmarad e batir kanmarad.”—1 Tesalonisyen 5:11.
KONSEY DIREKTER I DONN LANKOURAZMAN
18. Ki mannyer konsey direkter dan premye syek ti ankouraz Filip?
18 Dan premye syek, Zeova ti servi konsey direkter pour ankouraz tou Kretyen, enkli bann ki ti pe dirize dan kongregasyon. Ler Filip ti pres konsernan Kris avek bann Samariten, i ti ganny sipor konsey direkter. Zot ti anvoy Pyer ek Zan, ki ti form parti konsey direkter, pour al priy pour sa bann nouvo Kretyen pour ki zot ganny lespri sen. (Akt 8:5, 14-17) Filip ek sa bann nouvo frer ek ser ti vreman ganny ankouraze avek sa sipor ki konsey direkter ti donn zot!
19. Ki mannyer bann Kretyen dan premye syek ti santi ler zot ti lir sa let sorti kot konsey direkter?
19 Pli tar, konsey direkter ti bezwen fer en desizyon enportan. Eski bann Kretyen non Zwif ti bezwen ganny sirkonsi parey bann Zwif ti fer dapre Lalwa Moiz? (Akt 15:1, 2) Apre ki konsey direkter ti priye pour ganny lespri sen e rezonn lo sa ki Labib i dir, zot ti deside ki sa ti nepli neseser. Apre, zot ti ekri en let pour eksplike akoz zot in pran sa desizyon e zot ti anvoy bann frer pour delivre sa let avek bann kongregasyon. Ler bann Kretyen ti lir sa let, “sa ti ankouraz zot e zot ti byen kontan.”—Akt 15:27-32.
20. (a) Ki mannyer Konsey Direkter i ankouraz nou tou ozordi? (b) Ki kestyon nou pou reponn dan sa lot lartik?
20 Ozordi, Konsey Direkter Temwen Zeova i donn lankourazman bann Betelit, bann serviter spesyal a plen tan ki fer zot servis dan predikasyon e nou tou. Parey bann frer dan premye syek, nou kontan sa lankourazman ki nou gannyen! Deplis, pour ankouraz bann ki’n kit laverite pour retournen, Konsey Direkter ti lans sa brosir Retourn kot Zeova an 2015. Me eski zis bann frer ki pe dirize ki devret ankouraz lezot ouswa eski nou tou nou devret fer li? Nou pou reponn sa kestyon dan sa lot lartik.