Zenn, eski ou pe konsantre lo bann lobzektif spirityel?
“Konfye ou travay avek [Zeova], e ou ava realiz ou bann proze.”—PROVERB 16:3.
1-3. (a) Ki sityasyon tou bann zenn i ladan e avek kwa ki nou kapab konpar sa? (Vwar portre o konmansman sa lartik.) (b) Kwa ki pou ed bann zenn Kretyen dan sa sityasyon?
METON ou pe plàn pour al en levennman spesyal dan en lavil ki lwen avek kot ou reste. Pour fer sa vwayaz, ou bezwen pran bis. Kot stasyon bis, premye kou ou santi ou en pe perdi akoz i annan en ta dimoun ek en ta bis. Me erezman, ou konn egzakteman kote ou anvi ale e ki bis pour pran. Ou pa pou pran okenn lezot bis, parski ou konnen ki i pou al dan en lot direksyon.
2 Lavi i parey en vwayaz e zot bann zenn, zot parey sa bann dimoun kot stasyon bis. Par ler i telman annan en kantite swa ek opsyon dan lavi ki ou santi ou en pe perdi. Me si ou konn egzakteman kote ou anvi ale, i pou pli fasil pour fer bann bon desizyon. Dan ki direksyon ou devret ale?
3 Sa lartik pou ed ou reponn sa kestyon e i pou osi ankouraz ou pour reste konsantre lo fer plezir Zeova. Pour fer plezir Zeova, ou bezwen swiv son konsey dan tou bann Proverb 16:3.
desizyon ki ou annan pour fer dan lavi, parey ki kalite ledikasyon oubyen travay ou pou fer ouswa si ou pou marye e fer zanfan. I osi vedir fer zefor pour atenn bann lobzektif spirityel, setadir, bann lobzektif ki pou ed ou vin pli pros avek Zeova. Si ou reste konsantre lo servi Zeova, ou kapab asire ki i pou beni ou e ed ou reisi.—LirAKOZ OU BEZWEN FIKSE BANN LOBZEKTIF SPIRITYEL?
4. Ki nou pou vwar dan sa lartik?
4 I byen pour fikse bann lobzektif spirityel. Akoz? Nou pou vwar trwa rezon. Premye ek dezyenm rezon pou ed ou vwar ki ler ou fer zefor pour atenn bann lobzektif spirityel, sa pou fer ou vin en pli bon zanmi Zeova. Trwazyenm rezon pou montre ou akoz i byen pour fikse sa bann lobzektif ler ou ankor zenn.
5. Ki sa rezon pli enportan pour fikse bann lobzektif spirityel?
5 Sa rezon pli enportan pour fikse bann lobzektif spirityel se pour remersye Zeova pour son lanmour e sa ki i’n fer pour nou. En ekriven Psonm ti dir: “I bon pour remersye [Zeova] . . . [Zeova]! Ou bann mervey i donn mwan lazwa. Mon sant dan lazwa pour travay ki ou’n fer avek ou lanmen.” (Psonm 92:1, 4) Mazin lo tou sa ki Zeova in donn ou: ou lavi, ou lafwa, Labib, kongregasyon ek lespwar pour viv pour touzour dan Paradi. Ler ou fikse bann lobzektif spirityel, ou montre Zeova ki ou rekonesan pour tou sa bann keksoz e sa i fer ou vin pli pros avek li.
6. (a) Ki lefe bann lobzektif spirityel i annan lo ou relasyon avek Zeova? (b) Ki serten lobzektif ki ou kapab fikse ler ou ankor zenn?
6 Sa dezyenm rezon pour fikse bann lobzektif spirityel se ki ler ou fer zefor pour atenn zot, ou pe fer en bon travay pour Zeova. Sa pou fer ou vin pli pros avek li. Zapot Pol ti promet: “Bondye pa enzis pour oubliy sa ki zot in fer e lanmour ki zot in demontre pour son non.” (Ebre 6:10) Ou pa zanmen tro zenn pour fikse bann lobzektif. Par egzanp, Christine ti annan 10 an ler i ti deside pour regilyerman lir biografi bann Temwen fidel. Toby ti annan 12 an ler i ti fikse sa lobzektif pour lir Labib antye avan ki i batize. Maxim ti annan 11 an e son ser Noemi ti annan 10 an ler zot ti batize. Zot tou le de zot ti fikse sa lobzektif pour servi dan Betel. Pour reste konsantre lo sa lobzektif, zot ti met en form laplikasyon pour servis Betel lo miray dan zot lakaz. Me ou, eski ou kapab mazin serten lobzektif ki ou ou kapab fikse e konmans fer zefor pour atenn?—Lir Filipyen 1:10, 11.
Si ou konn ou bann lobzektif, i pli fasil pour fer bann desizyon saz
7, 8. (a) Ler nou fikse bann lobzektif, ki mannyer sa i fer li pli fasil pour fer bann desizyon? (b) Akoz en adolesan ti deside pour pa al liniversite?
7 Ki sa trwazyenm rezon akoz i bon pour fikse bann lobzektif ler ou ankor zenn? Konman en zenn, ou annan en ta desizyon pour fer. Ou bezwen deside ki kalite ledikasyon oubyen travay ou pou fer e bokou lezot keksoz ankor. Sa bann desizyon dan lavi i parey ler ou ariv dan en krwaze semen ler ou pe fer en vwayaz. Si ou konnen kote ou pe ale, i pli fasil pour deside ki semen ou pou pran. Proverb 21:5 (NWT) i dir: “Bann plan sa enn ki travay dir pou sirman reisi.” Ler ou annan ou plan pli boner e fikse bann lobzektif pour atenn li, ou pou reisi pli boner. Sanmenm sa ki ti arive avek en ser ki apel Damaris. I ti bezwen fer en desizyon enportan ler i ti ankor en adolesan.
Pareyman, si ou konn ou bann lobzektif, i pli fasil pour fer bann desizyon saz.8 Damaris ti ganny bann bon rezilta ler i ti fini lekol segonder e i ti’n kapab al liniversite pour etidye lalwa san peye. Me i ti swazir pour travay dan en labank. Akoz? Parski ler i ti ankor ptipti, i ti deside ki i ti pou fer pionye. I dir: “Sa i vedir ki mon ti pou travay a mitan. Si mon ti annan en diplonm liniversite dan lalwa, mon ti’n kapab fer en ta larzan, me mon pa ti pou’n ganny bokou sans pour ganny en travay a mitan.” I fer 20 an depi ki Damaris pe servi konman en pionye. Eski i santi ki i ti fikse sa bon lobzektif e fer sa bon desizyon ler i ti en adolesan? Wi. Dan sa labank kot i travay, i zwenn bokou avoka ki fer sa travay ki i ti pou’n fer si i ti’n al liniversite. I dir ki bokou parmi zot pa kontan zot travay. Damaris i santi ki dan tou sa bann lannen ki i’n fer pionye i’n ganny bokou lazwa e ki son servis in osi ed li evite vin malere parey sa bann avoka.
9. Akoz nou fyer pour nou bann zenn?
9 Plizyer milye nou bann zenn partou dan lemonn pe fer byen e zot merit ganny felisite. Sa ki pli enportan dan zot lavi, i zot lanmitye avek Zeova ek zot bann lobzektif spirityel. Sa bann zenn i vreman rezoui lavi e an menm tan zot pe aprann pour swiv gidans Zeova dan tou keksoz, enkli ledikasyon, travay ek lavi fanmir. Salomon ti dir: “Met ou konfyans dan [Zeova] avek tou ou leker.” I ti azoute: “Rekonnet li dan tou sa ki ou antreprann e i ava gid ou lo ou semen.” (Proverb 3:5, 6) Zenn, Zeova i kontan zot en kantite! Zot annan bokou valer pour li e i pou protez, gid e beni zot.
PREPAR BYEN POUR KOZ LO ZEOVA AVEK LEZOT
10. (a) Akoz travay predikasyon i bezwen enn parmi bann keksoz pli enportan pour nou? (b) Ki mannyer ou kapab eksplik ou bann krwayans pli byen?
10 Ler ou konsantre lo fer plezir Zeova, ou pou anvi koz lo li avek lezot. Zezi Kri ti dir ki “premyerman, sa bon nouvel i bezwen ganny anonse dan tou nasyon.” (Mark 13:10) Alor, sa travay predikasyon i irzan e i devret enn parmi bann keksoz pli enportan pour nou. Eski ou kapab met sa lobzektif pour pres pli souvan? Eski ou kapab fer pionye? Me ki ou kapab fer si ou pa tro kontan prese? Ki mannyer ou kapab eksplik ou bann krwayans pli byen? De keksoz pou ed ou: Prepar byen e pa zanmen aret koz lo sa ki ou konnen lo Zeova avek lezot. Ou kapab menm sirprann ki kantite ou pou kontan prese.
Ki mannyer ou prepare pour koz lo Zeova avek lezot? (Vwar paragraf 11, 12)
11, 12. (a) Ki ou kapab fer pour prepare pour koz lo Zeova avek lezot? (b) Ki mannyer en zenn frer ti servi en loportinite pour koz lo Zeova kot lekol?
11 Konmans par prepar en larepons pour serten kestyon ki ou bann kanmarad lekol i kapab demande, par egzanp, “Eski ou krwar ki Bondye i enterese avek nou soufrans?” I annan bann lartik lo jw.org ki kapab ed ou reponn sa kestyon. Si ou get anba LO LABIB > ZOUTI POUR ETIDYE > LEKEL BONDYE? (PARTI 1), ou pou vwar en led pour etidye ki annan pour tit “Eski Bondye i enterese avek nou soufrans?” Sa led pour etidye pou ed ou prepar ou prop larepons. Ou pou vwar trwa verse Labib ki ou kapab servi: Zak 1:13, Zenez 6:5, 6 ek 1 Zan 4:8. I osi annan lezot led pour etidye ki ou kapab servi pour prepar ou larepons pour lezot kestyon.—Lir 1 Pyer 3:15.
12 Dir ou bann kanmarad lekol ki zot kapab rod bann lenformasyon pour zot menm lo jw.org. Sanmenm sa ki Luca ti fer. Son laklas ti pe koz lo diferan larelizyon. Luca ti remarke ki son liv lekol ti dir bann keksoz fo lo Temwen Zeova. Menm si Luca ti per, i ti demann son ansenyan si i kapab dir laklas akoz sa bann keksoz ti fo. Son ansenyan ti donn li permisyon pour eksplik sa ki i krwar e i ti kapab montre nou sit Enternet avek laklas antye. Pour homework son ansenyan ti demann tou dimoun dan laklas pour get sa video Bat en bouli san servi koudpwen. Eski ou kapab mazinen kantite Luca ti kontan ki i ti’n koz lo Zeova kot lekol?
13. Akoz nou pa devret abandonnen ler nou rankontre bann difikilte?
2 Timote 4:2) Sanmenm sa ki Katharina ti fer. Ler i ti annan 17 an i ti fikse sa lobzektif pour pres avek sakenn son bann koleg travay. Enn parmi zot ti ensilte li plizyer fwa. Me i pa ti oubliy son lobzektif. Son bon konportman ti enpresyonn en lot koleg travay ki ti apel Hans. I ti konmans lir nou bann piblikasyon, etidye Labib e batize. Katharina pa ti konn sa akoz sa letan i ti’n al reste en lot landrwa. Alor, ler i ti pe asiste en renyon avek son fanmir 13 an pli tar, i ti vreman sirprann pour vwar ki sa orater pour diskour piblik ti Hans! I ti vreman kontan ki i pa ti’n abandonn son lobzektif pour pres avek son bann koleg travay.
13 Ler ou rankontre bann difikilte, pa bezwen dekouraze me kontinyen fer zefor pour atenn ou bann lobzektif. (PA BEZWEN OUBLIY OU BANN LOBZEKTIF
14, 15. (a) Ki ou devret rapel ler lezot i met presyon lo ou pour fer sa ki zot fer? (b) Ki ou kapab fer pour reste for ler lezot i met presyon lo ou?
14 Ziska aprezan sa lartik in ankouraz ou pour deside konsantre lo fer plezir Zeova e fikse bann lobzektif spirityel. Me en kantite zenn ou laz i zis anvi diverti kontan. I tre probab ki zot pou envit ou pour fer sa ki zot pe fer. To ou tar, ou pou bezwen fer lezot konnen ki kantite i enportan pour ou atenn ou bann lobzektif. Pa bezwen les lezot fer ou oubliy ou bann lobzektif. Si ou ti kot sa stasyon bis ki nou’n koz lo la o konmansman sa lartik, eski ou ti pou anbark dan nenport ki bis, zis akoz bann dimoun lo la ti pe pas en bon moman? Definitivman non!
15 Alor, ki ou kapab fer pour reste for ler lezot i met presyon lo ou pour fer sa ki zot pe fer? Evit bann sityasyon kot i pou difisil pour reziste presyon. (Proverb 22:3) Mazin lo bann move konsekans ki i annan ler ou fer sa ki mal. (Galat 6:7) Avek limilite, admet ki ou bezwen bann bon konsey. Ekout sa ki ou paran ek lezot frer ek ser eksperyanse dan kongregasyon i dir ou.—Lir 1 Pyer 5:5, 6.
16. Ki mannyer leksperyans Christoph i montre ki i enportan pour annan limilite?
16 Limilite ti ed Christoph pour aksepte bon konsey. Pa bokou letan apre ki i ti’n batize, i ti konmans al dan gym regilyerman. Laba, lezot zenn ti envit li pour antre dan zot klib sport. I ti koz avek en ansyen lo la e sa ansyen ti dir li mazin lo bann danze ki i kapab annan, tel parey vin en dimoun ki vreman konpetitif. Kantmenm sa, Christoph ti deside pour antre dan sa klib sport. Me apre en pe letan, i ti remarke ki sa sport ti vyolan e menm danzere. I ti koz avek bann ansyen ankor enn fwa e zot ti donn li konsey sorti dan Labib. Christoph i dir, “Zeova ti anvoy bann bon konseyer kot mwan e mon ti ekout Li, menm si i ti pran en pe letan.” Eski ou annan ase limilite pour aksepte bon konsey?
17, 18. (a) Ki Zeova i oule pour bann zenn ozordi? (b) Ki mannyer ou kapab evite regret ou bann desizyon ler ou vin en adilt? Donn en leksperyans.
17 Labib i dir: “Ou ki ankor zenn, profit Eklezyast 11:9) Zeova i oule ki ou ere ler ou ankor zenn. Dan sa lartik, ou’n aprann ki en fason pour ere se pour reste konsantre lo ou bann lobzektif spirityel e swiv konsey Zeova dan tou ou plan ek desizyon. Pli ou fer sa boner dan ou lavi, pli boner ou pou eksperyans lafason ki Zeova i gid, protez e beni ou. Mazin lo tou bann bon konsey ki i donn ou dan son Parol e aplik sa konsey: “Pandan ki ou ankor zenn, pa oubliy ou Kreater.”—Eklezyast 12:1.
byen bann lannen ou lazenes. Viv ere pandan ki ou ankor zenn.” (18 Vitman bann zenn i grandi e vin adilt. Malerezman, pli tar bokou parmi zot i regrete ki ler zot ti zenn zot ti fikse bann move lobzektif oubyen ki zot pa ti’n fikse okenn lobzektif. Me si ou reste konsantre lo ou bann lobzektif spirityel, ler ou vin adilt ou pou kontan bann swa ki ou’n fer. Koumsanmenm ki Mirjana i santi li. Konman en adolesan, i ti fer byen dan sport. I ti menm ganny envite pour partisip dan Winter Olympic Games. Me i ti swazir pour servi Zeova a plen tan. Plis ki 30 an pli tar, i ankor dan servis a plen tan ansanm avek son msye. I dir ki dimoun ki anvi popilarite, loner, pouvwar ek larises pa zanmen vreman ere. I osi dir ki bann pli bon lobzektif se pour servi Bondye e ed dimoun aprann konn li.
19. Akoz i bon pour konsantre lo bann lobzektif spirityel ler ou zenn?
19 Zenn, zot vreman merit ganny felisite parski malgre bann difikilte ki zot rankontre, zot konsantre lo servi Zeova. Zot fikse bann lobzektif spirityel e vwar sa travay predikasyon konman enn bann keksoz pli enportan dan zot lavi. Deplis, zot pa les sa lemonn fer zot oubliy zot bann lobzektif. Zot kapab asire ki tou sa zefor ki zot fer pa anven. Zot annan bann frer ek ser ki kontan zot e siport zot. Alor “konfye ou travay avek [Zeova], e ou ava realiz ou bann proze.”