“Mon annan konfyans dan Bondye”
“Dernyen Adan ti vin en lespri ki donn lavi.”—1 KORENTYEN 15:45.
1-3. (a) Ki nou devret enkli konman enn parmi nou krwayans prensipal? (b) Akoz rezireksyon i sitan enportan? (Vwar portre o konmansman sa lartik.)
SI EN dimoun i demann ou ki bann lansennyman prensipal ou larelizyon, ki ou pou dir li? Byensir ou pou dir li ki ou krwar ki Zeova i Kreater e sa enn ki’n donn nou lavi. Probableman ou pou osi dir li ki ou krwar dan Zezi Kri ki’n donn son lavi konman en ranson. Sirman ou pou osi koz lo Paradi lo later ki pou vini dan lavenir, kot pep Bondye pou viv pour touzour. Me eski ou pou koz lo rezireksyon konman enn parmi ou bann krwayans ki ou pli kontan?
2 Nou annan bann bon rezon pour enkli rezireksyon konman enn parmi nou bann krwayans prensipal, menm si nou annan sa lespwar pour sirviv gran ladetres e viv pour touzour lo later. Zapot Pol ti montre akoz rezireksyon i sitan enportan. I ti dir: “Anfet, si bann mor pa pou ganny resisite, savedir Kris pa’n ganny resisite.” 1 Korentyen 15:12-19.) Me nou konnen ki Zezi in resisite. Vi ki nou krwar dan son rezireksyon, nou pa parey bann Sadiseen Zwif ki ti vreman kont sa nide ki bann mor i kapab reganny lavi. Menm ler lezot dimoun i boufonn nou, nou lafwa ki Bondye i kapab resisit bann mor i reste for.—Mark 12:18; Akt 4:2, 3; 17:32; 23:6-8.
Si Zezi pa ti’n ganny resisite, i pa ti pou posib ki i pe dirize konman Lerwa dan lesyel e nou travay predikasyon ti pou anven. (Lir3 Pol ti dir ki lansennyman lo “rezireksyon” ti form parti “bann lansennyman de baz konsernan Kris.” (Ebre 6:1, 2) I ti fer resorti ki rezireksyon ti en keksoz ki i ti annan lafwa ladan. (Akt 24:10, 15, 24, 25) Menm si rezireksyon i en lansennyman de baz, setadir enn parmi bann keksoz enportan ki nou’n aprann dan Parol Bondye, nou bezwen byen etidye sa lansennyman lo rezireksyon. (Ebre 5:12) Akoz?
4. Ki kestyon nou kapab demande konsernan rezireksyon?
4 Ordinerman, ler bann dimoun i konmans etidye Labib, zot lir bann resi lo rezireksyon ki’n arive dan lepase, tel parey rezireksyon Lazar. Zot osi aprann ki Abraam, Zob ek Danyel ti annan konfyans ki bann mor pou reganny lavi dan lavenir. Me, ki ou pou dir si en dimoun i demann ou pour prouve atraver Labib akoz nou kapab annan konfyans dan promes rezireksyon ki’n ganny fer plizyer santenn lannen pase? Eski Labib i dir kan dan lavenir ki rezireksyon pou arive? Larepons sa bann kestyon pou fer nou lafwa vin pli for.
EN REZIREKSYON KI TI GANNY PREDIR PLIZYER SANTENN LANNEN DAVANS
5. Ki nou pou diskit lo la premye?
5 Petet i fasil pour nou imazin en dimoun ki’n fek mor pe revin vivan. (Zan 11:11; Akt 20:9, 10) Me eski nou kapab annan konfyans dan en promes ki en dimoun pou ganny resisite plizyer lannen dan lavenir, menm plizyer santenn lannen pli tar? Eski nou kapab krwar dan sa promes ki swa i ti ganny fer konsernan en dimoun ki ti mor plizyer lannen dan lepase ouswa konsernan enn ki’n fek mor? Anfet, ou deza krwar dan en rezireksyon ki ti arive plizyer santenn lannen apre ki i ti’n ganny promet. Ki sa rezireksyon? Ki sa i annan pour fer avek ou lespwar dan en rezireksyon ki pou arive dan lavenir?
6. Ki Zezi i annan pour fer avek lakonplisman Psonm 118?
6 Annou servi Psonm 118, ki petet in ganny ekrir par David, pour diskit lo en rezireksyon ki ti ganny predir plizyer lannen davans. Dan sa Psonm i dir: “[Zeova], nou sipliy ou! Sov nou” e “Beni sa enn ki pe vini lo non [Zeova]!” Bann dimoun ti sit sa profesi lo Mesi ler Zezi ti antre Zerizalenm lo en bourik le 9 Nizan, detrwa zour avan son lanmor. (Psonm 118:25, 26; Matye 21:7-9) Me ki mannyer Psonm 118 i refer avek en rezireksyon ki ti pou arive dan lavenir? Remarke kwa ankor ki sa Psonm i dir: “Ros ki bann konstrikter ti rezete, in vin ros prensipal.”—Psonm 118:22.
“Bann konstrikter” ti rezet Mesi (Vwar paragraf 7)
7. Ki mannyer bann Zwif ti rezet Zezi?
7 Sa “bann konstrikter” ki ti rezet Mesi ti bann sef Zwif. Zot pa ti zis inyor Zezi oubyen refize aksepte li konman Kris. Plizyer Zwif ti rezet li par demann Pilat pour egzekit li. (Lik 23:18-23) Alor, zot ti osi responsab pour lanmor Zezi.
Bondye ti resisit Zezi pour vin “sa ros prensipal” (Vwar paragraf 8, 9)
8. Ki mannyer Zezi ti kapab vin sa “ros prensipal”?
8 Si Zezi ti ganny rezete e touye, ki mannyer i ti kapab vin sa “ros prensipal”? Sa ti pou kapab arive si selman i ti resisite. Zezi ti fer sa kler ler i ti rakont en zistwar konsernan en propriyeter ki ti anvoy bann mesaze kot bann fermye ki ti pe travay pour li. Sa bann fermye ti fer ditor sa bann mesaze. Finalman, sa propriyeter ti anvoy son garson an krwayan ki zot ti pou ekout li. Me zot ti touy garson sa propriyeter. Apre ki i ti’n rakont sa zistwar, Zezi ti sit sa profesi ki dan Psonm 118:22. (Lik 20:9-17) Zapot Pyer ti servi sa menm verse ler i ti koz avek “bann sef Zwif, ansyen ek profeser lalwa [ki] ti rasanble Zerizalenm.” I ti koz konsernan “Zezi Kri sa Nazareen. Li menm ki zot ti touye lo poto me ki Bondye in resisite.” Apre Pyer ti dir: “Li menm ‘sa ros ki zot menm bann konstrikter ti rezete me ki’n vin ros prensipal.’”—Akt 3:15; 4:5-11; 1 Pyer 2:5-7.
9. Ki sa levennman remarkab ki ti ganny predir dan Psonm 118:22?
9 Alor, i kler ki sa profesi dan Psonm 118:22 ti pe predir en rezireksyon ki ti pou arive plizyer santenn lannen pli tar. Mesi ti pou ganny rezete e touye. Me, i ti pou ganny resisite e vin sa ros prensipal. Apre ki Zezi ti’n resisite, i ti vin sa sel dimoun ki’n ganny pouvwar “lo later pour sov nou.”—Akt 4:12; Efezyen 1:20.
10. (a) Ki Psonm 16:10 ti predir? (b) Akoz nou kapab asire ki Psonm 16:10 pa ti pe refer avek David?
10 Annou vwar en lot verse ki ti koz lo en rezireksyon. I ti ganny akonplir plis ki mil an pli tar. Sa i devret donn nou konfyans ki en rezireksyon i kapab arive bokou letan apre ki i ti’n ganny predir oubyen promet. Nou lir Psonm 16: “Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.” (Psonm 16:10) David pa ti pe esey dir ki i pa pou zanmen mor e al dan Latonm. Parol Bondye i dir klerman ki David ti vin vye, mor e “ganny antere dan lavil David.” (1 Lerwa 2:1, 10) Alor, avek ki sa verse pe refer?
parol David dan11. Kan ki Pyer ti eksplik Psonm 16:10?
11 Plis ki mil an apre ki David ti’n ekri sa parol, Pyer ti eksplike lekel ki Psonm 16:10 ti pe refer avek. Detrwa semenn apre ki Zezi ti’n mor e resisite, Pyer ti koz avek plizyer mil Zwif ek bann ki ti’n aksepte larelizyon Zwif. (Lir Akt 2:29-32.) I ti rapel zot ki David ti’n mor e ganny antere. Labib pa dir ki sa bann dimoun pa ti dakor avek Pyer ler i ti dir ki David ti “vwar davans e koz lo rezireksyon” Mesi.
12. Ki mannyer Psonm 16:10 ti ganny akonplir e ki sa i konfirmen konsernan promes rezireksyon?
12 Pyer ti montre ki sa i leka par sit parol David ki dan Psonm 110:1. (Lir Akt 2:33-36.) Par servi Lekritir pour rezonnen, Pyer ti kapab konvenk sa lafoul ki Zezi ti “Senyer ek Kris.” Sa bann dimoun ti aksepte ki Psonm 16:10 ti’n ganny akonplir ler Zezi ti’n ganny resisite. Pli tar, zapot Pol ti servi menm levidans ler i ti koz avek bann Zwif dan lavil Antyos, Pisidi. Sa levidans ti vreman enpresyonn zot ki zot ti anvi konn plis. (Lir Akt 13:32-37, 42.) Sa i devret osi konvenk nou ki sa bann profesi Labib konsernan en rezireksyon ki ti pou arive a lavenir ti diny konfyans, menm si zot ti ganny akonplir plizyer santenn lannen pli tar.
KAN KI REZIREKSYON POU ARIVE?
13. Ki kestyon nou kapab demande konsernan rezireksyon?
13 I ankourazan pour konnen ki en rezireksyon i kapab arive plizyer santenn lannen apre ki i ti’n ganny predir. Kantmenm sa, serten i kapab demande: ‘Eski sa i vedir ki mon pou bezwen esper en ta letan pour vwar sa enn ki mon kontan? Kan ki rezireksyon pou arive?’ Zezi ti dir son bann zapot ki i annan bann keksoz ki zot pa ti konnen e ki zot pa ti kapab konnen. I annan bann detay konsernan “letan ek lepok ki zis . . . Papa i annan drwa deside kan i pou arive.” (Akt 1:6, 7; Zan 16:12) Par kont, nou annan serten lenformasyon lo kan ki rezireksyon pou arive.
14. Ki mannyer rezireksyon Zezi ti diferan avek sa bann avan?
14 Sa rezireksyon pli enportan ki’n ganny rikorde dan Labib i rezireksyon Zezi. Si i pa ti’n ganny resisite, nou pa ti pou annan okenn lespwar pour revwar bann ki nou kontan ki’n mor. Bann dimoun ki ti ganny resisite avan Zezi, parey bann ki Eliya ek Elisa ti resisite, pa ti kontinyen viv pour touzour. Zot ti mor ankor enn fwa e vin lapousyer dan latonm. Me Zezi “i’n ganny resisite.” I “pa pou zanmen mor ankor e lanmor i nepli Romen 6:9; Revelasyon 1:5, 18; Kolosyen 1:18; 1 Pyer 3:18.
annan pouvwar lo li.” Dan lesyel, i viv pour “touzour e touzour.”—15. Dan ki sans Zezi “in ganny resisite premye”?
15 Zezi ti ganny resisite pour al dan lesyel konman en lespri. I ti premye fwa ki sa kalite rezireksyon ti ganny fer e i ti sa enn pli enportan. (Akt 26:23) Par kont, i pa sa sel dimoun ki ganny resisite pour al dan lesyel. Zezi ti promet son bann zapot fidel ki zot ti pou diriz ansanm avek li dan lesyel. (Lik 22:28-30) Me zot ti pou ganny sa rekonpans selman apre ki zot ti’n mor. Apre, parey Zezi, zot ti pou ganny resisite konman en lespri. Pol ti ekri ki “parmi bann ki’n mor, Kris in ganny resisite premye.” Apre i ti dir ki i ti pou annan lezot ki pou resisite pour al dan lesyel: “Sakenn dan son prop lord: Kris premye, apre sa, sa bann ki pour Kris pandan ki Kris i la.”—1 Korentyen 15:20, 23.
16. Ki nide nou annan lo kan ki rezireksyon pour al dan lesyel ti pou arive?
16 Sa ki Pol ti dir i donn nou en nide lo kan ki rezireksyon pour al dan lesyel ti pou arive. I ti pou ariv pandan ki Kris i la. I fer plizyer lannen ki Temwen Zeova in servi Labib pour prouve ki Kris “i la” depi 1914. Nou ankor pe viv pandan sa letan ki Kris “i la” e lafen sa move lemonn i vreman pros.
17, 18. Ki pou arive avek serten Kretyen swazir pandan ki Kris i la?
17 Labib i donn plis leksplikasyon lo rezireksyon pour al dan lesyel: “Nou oule ki zot konnen sa ki pou arive avek bann ki’n mor. . . . Parski si nou annan lafwa ki Zezi ti mor e resisite, alor nou osi annan lafwa ki . . . Bondye pou anmenn avek li bann ki’n mor. . . . Zot kapab asire ki bann parmi nou ki pou ankor vivan ler Senyer i la, pa pou ganny resisite avan sa bann ki’n fini mor, akoz Senyer li menm pou desann sorti dan lesyel, . . . i pou donn lord . . . e bann disip Kris ki’n mor pou ganny resisite premye. Apre sa, bann parmi nou ki ankor vivan pou ganny anmennen dan nyaz pour ki nou avek zot e nou pou rankontre Senyer dan lezer e alor nou pou touzour avek Senyer.”—1 Tesalonisyen 4:13-17.
18 Sa premye rezireksyon ti pou ariv en pe letan apre letan ki Kris i la ti konmanse. Bann Kretyen swazir ki vivan pandan gran ladetres pou “ganny anmennen dan nyaz.” (Matye 24:31) Ki sa i vedir? Bann ki “ganny anmennen” pa pou “tonm dormi dan lanmor,” setadir zot pa pou reste mor pour bokou letan. Plito, ler zot mor, zot tou zot “pou sanze, dan en pti moman, dan en klendey, pandan dernyen son tronpet.”—1 Korentyen 15:51, 52.
19. Ki sa “pli meyer rezireksyon”?
19 Ozordi, laplipar Kretyen fidel pa bann Kretyen swazir e zot pa’n ganny swazir pour diriz ansanm avek Kris dan lesyel. Plito, zot pe esper “zour Zeova” avek enpasyans kot i pou detri sa move lemonn. Personn pa konnen 1 Tesalonisyen 5:1-3) Ler nouvo lemonn Bondye i vini, i pou annan en lot kalite rezireksyon. Sa letan, bann dimoun pou ganny resisite pour viv lo later e zot pou annan sa lespwar pour vin parfe e pou pa zanmen mor ankor. Sa pou “en pli meyer rezireksyon” ki bann rezireksyon dan lepase kot zot ti mor ankor apre.—Ebre 11:35.
kan sa pou arive, me i annan levidans ki i pros pour arive. (20. Akoz nou kapab annan konfyans ki rezireksyon pou byen organize?
20 Labib i dir ki bann ki al dan lesyel i ganny resisite “sakenn dan son prop lord.” (1 Korentyen 15:23) Alor, nou kapab asire ki rezireksyon lo later pou osi ganny fer dan lord oubyen dan en fason organize. Sa i kapab fer nou demande: Eski bann ki’n fek mor pou ganny resisite o konmansman Renny Mil An Kris e ganny akeyir par bann ki konn e kontan zot? Eski bann zonm fidel lepase ki ti annan abilite pour dirize pou ganny resisite byen boner pour ki zot ede organiz pep Bondye dan nouvo lemonn? Ki pou arive avek bann dimoun ki pa’n zanmen servi Zeova? Kan e kote zot pou ganny resisite? I annan en ta kestyon nou kapab demande. Me nou pa bezwen trakas nou avek tousala pour le moman. Vomye nou espere e nou a vwar. Nou kapab asire ki i pou eksitan pour vwar ki mannyer Zeova pou fer keksoz.
21. Ki lespwar ou annan?
21 Ziska ki sa letan i arive, nou devret ranforsi nou lafwa dan Zeova. Atraver Zezi i ti promet ki bann mor i dan Son memwar e ki zot pou viv ankor. (Zan 5:28, 29, not; 11:23) Konman en lot laprev ki Zeova pou resisit bann mor, Zezi ti dir ki “pour li,” Abraam, Izaak ek Zakob “zot tou zot vivan.” (Lik 20:37, 38) I kler ki nou annan ase rezon pour dir sa ki Pol ti dir: “Mon annan konfyans dan Bondye . . . ki dimoun bon konman move pou resisite.”—Akt 24:15.