Eski ou kapab reponn sa bann kestyon ki dan bann Latour Veyer pour 2019?

Ki sa promes Bondye i vedir: “Tou zarm ki’n ganny fabrike kont ou pa pou servi [dan] nanryen”? (Iza. 54:17)

Nou kapab annan konfyans ki Bondye pou protez nou kont “lakoler bann lennmi kriyel.” (Iza. 25:4, 5) Nou bann lennmi pa pou reisi anpes nou servi Zeova.​—w19.01, paz 6-7.

Ki mannyer Zeova ti demontre lazistis ler i ti ziz bann Kananeen ek bann Izraelit ki ti dezobeisan?

Bondye ti egzekit zizman lo bann ki ti fer bann akt seksyel degoutan oubyen ki ti viktimiz bann madanm ek zanfan. I ti beni bann ki ti obei li e tret lezot dan en fason zis.​—w19.02, paz 22-23.

Ki nou devret fer si nou la ler en non krwayan i fer lapriyer?

Nou kapab reste trankil, me demontre respe. Nou pa pou dir “amenn” oubyen atrap lanmen lezot pandan sa lapriyer. Nou kapab fer nou prop lapriyer an silans.​—w19.03, paz 31.

Ki degre serye labi seksyel lo zanfan i serye?

Labi seksyel lo zanfan i en pese kont sa viktim, kongregasyon, lotorite gouvernman e kont Bondye. Dan bann pei kot i annan lalwa ki dir ki dimoun i devret raport avek gouvernman si zot okouran ki i annan labi seksyel lo zanfan, bann ansyen i obei lalwa.​—w19.05, paz 9-10.

Ki mannyer ou kapab sanz oubyen amelyor ou fason panse?

Fer sa bann keksoz enportan: Koz avek Zeova dan lapriyer. Medite e egzamin ou lekor. Swazir byen ou zanmi.​—w19.06, paz 11.

Ki nou kapab fer depi la konmela pour prepar nou pour persekisyon?

Nou bezwen ranforsi nou lanmitye avek Zeova. Annan konfyans ki Zeova i kontan nou e ki i pa pou zanmen abandonn nou. Lir Labib toulezour e toultan priye. Annan konfyans ki bann promes Bondye konsernan son Rwayonm pou vin vre. Aprann ou bann verse Labib prefere e sant bann kantik ek sanson ki lo nou sit Enternet parker.​—w19.07, paz 2-4.

Ki nou kapab fer pour ed nou fanmir ganny sove?

I enportan ki nou esey konpran santiman lezot, annan en bon kondwit ki pou donn en bon temwannyaz, demontre pasyans me pa les ou fanmir sanz ou desizyon.​—w19.08, paz 15-17.

Parey Zezi in promet dan Matye 11:28, ki mannyer nou kapab reganny lafors?

Nou annan bann sirveyan ki kontan nou, bann pli bon zanmi e sa pli bon travay.​—w19.09, paz 23.

Ki mannyer Bondye i kapab donn nou sa dezir ek lafors pour azir? (Fili. 2:13)

Anmezir ki nou lir e medit lo Parol Bondye, Bondye i kapab fortifye nou, donn nou sa dezir pour fer son lavolonte ek lafors pour azir. Lespri sen i kapab amelyor nou bann abilite.​—w19.10, paz 21.

Ki bann keksoz ki bon fer avan nou fer en desizyon?

Senk keksoz ki nou kapab fer: Fer resers o profon. Priye pour ganny lasazes. Reflesir lo akoz ou pe fer sa desizyon. Annan bann lobzektif spesifik. Ou bezwen realistik.​—w19.11, paz 27-29.

Eski sa lansennyman lo nanm imortel ti konmans avek sa ki Satan ti dir Ev?

Aparaman non. Satan ti dir Ev ki i pa pou mor. I pa ti dir Ev ki i pou paret konmsi i mor. Tou fo ladorasyon ti ganny detrir dan Deliz. I tre probab ki sa krwayans ki nanm i imortel ti konmanse avan ki Bondye ti dispers bann dimoun ki ti pe konstrir latour Babel.​—w19.12, paz 15.