Eski ou’n lir byen bann Latour Veyer pour sa lannen? Vwar si ou kapab reponn sa bann kestyon swivan:

Ki byenfe nou pou gannyen si nou pran letan pour koz avek Zeova, pour ekout li e pour medit lo son bann zoli kalite ek son plan?

Nou pou fer bann pli bon desizyon, nou pou vin bann pli bon ansenyan, nou lafwa pou vin pli for e nou lanmour pour Zeova pou ogmante.​—w22.01, paz 30-31.

Ki byenfe nou pou gannyen si nou aprann pour met konfyans dan Zeova ek bann ki i’n apwente pour diriz son lorganizasyon lo later?

Nou bezwen aprann pour met konfyans dan fason fer Zeova depi la konmela. Nou fer sa ler nou pa dout bann lenstriksyon ek desizyon ki bann ansyen i fer. Ler gran ladetres i konmanse, nou pou pare pour obei menm si bann lenstriksyon i paret drol ouswa pa fer sans.​—w22.02, paz 4-6.

Ki sa lanz ti pe esey dir ler i ti koz avek Zekarya konsernan sa “filaplon dan lanmen [Gouverner] Zorobabel”? (Zek. 4:8-10)

Sa vizyon ti asir pep Bondye ki menm si sa tanp pa ti pou sitan zoli parey sa enn avan, i ti pou fini ganny konstrir e i ti pou parey Zeova i anvi.​—w22.03, paz 16-17.

Ki mannyer nou kapab vin “en legzanp . . . par [nou] fason koze”? (1 Tim. 4:12)

Nou koz dan en bon fason e avek respe ler nou dan predikasyon. Nou sant avek tou nou leker e regilyerman donn en larepons pandan renyon. Nou osi koz laverite, koz dan en fason ki ankouraz lezot e nou pa servi parol ki ensilte lezot.​—w22.04, paz 6-9.

Akoz bann karakteristik sa kat bebet (gouvernman) ki dan Danyel sapit 7 i ganny trouve dan zis en bebet parey i ganny dekrir dan Revelasyon 13:1, 2?

Sa bebet ki ganny mansyonnen dan Revelasyon 13 pa reprezant zis en gouvernman oubyen en pouvwar mondyal, parey Ronm. O kontrer, i reprezant tou bann gouvernman ki’n diriz bann imen.​—w22.05, paz 9.

Ki en fason ki nou kapab montre ki nou annan konfyans ki Zeova pou fer lazistis?

Si en dimoun in ensilte, ofans oubyen fer pese kont nou, nou fer zefor pour aret ankoler, pour pa gard rankin e pour les tou keksoz dan lanmen Zeova. I pou retir tou domaz ki pese in anmennen.​—w22.06, paz 10-11.

Ki en frer i devret gard antet ler i pe fer lapriyer pandan renyon?

Lapriyer pa devret ganny servi pour donn konsey kongregasyon ouswa pour fer bann lanons. I pa neseser pour en frer fer en “gran lapriyer,” sirtou o konmansman renyon. (Mat. 7:13, 14)​—w22.07, paz 24-25.

Dan ki fason “bann ki ti fer sa ki mal pou ganny resisite pour ganny zize”? (Zan 5:29)

Zot pa pou ganny en zizman negatif pour bann keksoz ki zot ti fer avan zot ti mor. Zot pou ganny evalye dapre zot latitid ek konportman apre ki zot in ganny resisite.​—w22.09, paz 18.

Ki Joseph Rutherford ti ankouraz bann dimoun pour fer pandan en lasanble an Septanm 1922?

Pandan en lasanble ki ti ganny fer Cedar Point, Ohio, Leta-z-ini, Frer Rutherford ti dir: “Lerwa pe dirize! Zot zot sa bann ki i pe servi pour anons sa mesaz. Alor anonse, anonse, anonse konsernan sa Lerwa ek son Rwayonm!”​—w22.10, paz 3-5.

Dapre Izai sapit 30, ki trwa fason ki Zeova i ed son bann serviter pour andire?

Sa sapit i montre ki Zeova i (1) ekout e reponn nou lapriyer, (2) i donn nou gidans e (3) i donn nou son benediksyon la konmela e osi dan lavenir.​—w22.11, paz 9.

Akoz nou kapab dir ki sa bann parol dan Psonm 37:10, 11, 29 ti annan en lakonplisman dan lepase e i pou annan en lakonplisman dan lavenir?

Sa ki David ti dir i dekri byen bann benediksyon ki pep Izrael ti gannyen, par egzanp sa ki ti arive pandan ki Salomon ti lerwa Izrael. Zezi ti dir ki dan lavenir later pou vin en paradi e i ti sit verse 11. (Mat. 5:5; Lik 23:43)​—w22.12, paz 8-10, 14.