En zour, en ser ki reste Nouvel Zelann ti get sa video “Have . . . Concern for One Another.” Sa video i koz lo lefet ki Zeova i annan konpasyon e lo lafason ki Zeova i demontre konpasyon. (Iza. 63:​7-9) Sa ser ti anvi aplik sa ki i ti’n aprann par rod loportinite pour ed en dimoun. Pli tar sa menm zour, ler i ti pe fer konmisyon, i ti zwenn en madanm ki napa en landrwa reste e i ti ofer pour aste en keksoz pour sa madanm manze. Sa madanm ti aksepte. Ler sa ser ti retournen avek manze pour donn sa madanm, sa ser ti servi sa loportinite pour pres avek sa madanm e i ti montre li sa trak Eski soufrans pou fini en zour?

Sa madanm ti plere. I ti dir ki i’n grandi dan laverite me i’n kit laverite plizyer lannen pase. Me resaman, i’n priye e i’n demann Zeova pour ed li retourn kot Li. Sa ser ti donn sa madanm en Labib e i ti fer laranzman pour konmans en letid Labib avek sa madanm. a

Nou kapab swiv legzanp Zeova e demontre konpasyon anver lezot, sirtou anver nou fanmir ek nou bann frer ek ser dan kongregasyon. Osi, nou kapab demontre konpasyon par rod loportinite pour anons sa bon nouvel avek lezot.