LATOUR VEYER (EDISYON LETID) Novanm 2019
Sa nimero i annan bann lartik letid pour le 30 Desanm 2019–2 Fevriye 2020.
Fer bann bon zanmi avan lafen i arive
Nou kapab aprann bokou avek legzanp Zeremi. Son bann zanmi ti ed li pandan sa letan zis avan Zerizalenm i ganny detrir.
Lafason ki lespri sen Bondye i ed nou
Lespri sen Bondye i kapab ed nou andir nou bann problenm. Me i annan kat keksoz ki nou bezwen fer pour nou kapab ganny led lespri sen.
Eski ou pe pran swen avek ou “gran boukliye lafwa”?
Nou lafwa i parey en boukliye ki protez nou. Ki nou kapab fer pour fer sir ki nou lafwa i dan en bon leta?
Bann leson ki nou kapab aprann dan liv Levitik
Dan liv Levitik i annan bann lalwa ki Zeova ti donn bann Izraelit dan letan lontan. Konman bann Kretyen, nou nepli bezwen obei sa bann lalwa, me sa bann lalwa i ankor kapab ed nou ozordi.
Fini sa ki zot in konmans fer
Menm ler nou fer en bon desizyon, i kapab difisil pour nou fini sa ki nou’n konmanse. Annou vwar serten sizesyon pratik ki kapab ed nou fini sa ki nou’n konmans fer.
Eski ou ti konnen?
Ki responsabilite bann administrater ti annan dan letan Labib?
