Eski ou ti pou kontan aprann plis ler ou pe fer ou letid personnel? Sa bann sizesyon swivan i kapab ed ou pour konsantre pli byen ler ou pe etidye:

• Swazir en bon landrwa. Si i posib, esey rod en landrwa ki prop e annord kot i annan ase lalimyer pour ou kapab lir byen. Ou kapab asiz kot en latab oubyen rod en landrwa konfortab deor.

• Rod en landrwa kot ou pou ou tousel. Zezi ti swazir pour priy Zeova “byen granmaten . . . dan en landrwa izole.” (Mark 1:35) Si i pa posib pour ou tousel, ou kapab dir ou fanmir oubyen bann dimoun ki reste dan menm lakaz avek ou, kan ki ou pe fer ou letid personnel e demann zot pour pa enteronp ou pandan sa letan.

• Reste konsantre. Pa les ou ganny distrer. Si ou pe servi ou telefonn oubyen tablet pour etidye, met zot lo silans oubyen lo airplane mode pour ou pa ganny enteronpe. Si pandan ki ou pe etidye, ou mazin en keksoz ki ou bezwen fer, fer en pti not pour ou pa oubliye pour fer li pli tar. Si ou vwar li difisil pour konsantre, pran en pe letan e debout oubyen pour stretch.