Ler nou pe prepar nou pour etidye Labib, petet nou demann nou lekor, ‘Ki mon anvi aprann?’ Me kantmenm sa, nou bezwen fer atansyon ki nou pa konsantre zis lo sa ki nou anvi aprann parski sa i kapab fer nou pa vwar sa ki Zeova i anvi ansenny nou. Ki mannyer nou kapab evite fer sa?

Demann Zeova pour donn ou lasazes. Demann Zeova pour ed ou konpran sa ki i anvi ou aprann la konmela. (Zak 1:5) Evite konsantre zis lo sa ki ou deza konnen.—Prov. 3:5, 6.

Les Parol Bondye ed ou. “Parol Bondye i vivan.” (Ebr. 4:12) Alor sak fwa ki nou lir Labib, nou kapab aprann en nouvo keksoz e i kapab ed nou dan diferan fason. Me sa pou arive selman si nou rekonnet ki nou bezwen aprann sa ki Zeova pe ansenny nou.

Apresye tou sa ki Zeova i servi pour ansenny nou. Bann manze spirityel i parey “en lafet ki annan bann bon manze.” (Iza. 25:6) Evite sot bann “manze,” setadir bann topik, ki ou krwar ou pa pou kontan. Si ou fer sa, ou pou les Zeova ed ou vin en pli bon dimoun e pou kontan sa moman ki ou pe etidye.