LATOUR VEYER (EDISYON LETID) Zen 2020
Sa nimero i annan bann lartik letid pour le 3-30 Out 2020.
“Ki ou non i ganny sanktifye”
Lartik letid 23: 3-9 Out 2020. Ki keksoz ki enportan pour bann lanz ek bann imen? Akoz i sitan enportan e ki mannyer nou enplike ladan? Ler nou konpran larepons sa bann kestyon, sa pou ed nou ranforsi nou lanmitye avek Zeova.
“Ed mwan pour annan en gran respe pour ou non avek tou mon leker”
Lartik letid 24: 10-16 Out 2020. Dan sa lartik, nou pou diskit lo sa ki Lerwa David ti dir dan son lapriyer dan Psonm 86:11, 12. Ki savedir annan en gran respe pour non Zeova? Akoz nou devret annan en gran respe pour sa non? Ki mannyer respe pour Bondye i kapab protez nou ler nou ganny tante pour fer sa ki mal?
Kestyon lekter
Eski zis sa bann kalite dan Galat 5:22, 23 ki form parti “fri lespri sen”?
“Mwan menm, mon pou rod mon bann mouton”
Lartik letid 25: 17-23 Out 2020. Akoz serten ki’n servi Zeova fidelman pour plizyer lannen in elwannyen avek kongregasyon? Ki mannyer Bondye i santi anver zot? Dan sa lartik, nou pou reponn sa bann kestyon. Nou pou osi vwar ki nou kapab aprann avek lafason ki Zeova ti ed serten son bann serviter dan lepase ki ti’n elwanny zot avek li.
“Retourn kot mwan”
Lartik letid 26: 24-30 Out 2020. Zeova i anvi ki bann ki’n elwannyen avek kongregasyon i retourn kot li. I annan bokou keksoz nou kapab fer pour ankouraz bann ki anvi aksepte sa lenvitasyon sorti kot Zeova: “Retourn kot mwan.” Dan sa lartik, nou pou vwar ki mannyer nou kapab ed zot fer sa.
