Si non, petet ou’n kapab obzerv li dan en fason ou en lot. Souvandfwa nou tande oubyen vwar dimoun ki ay lezot akoz sa bann dimoun i sorti dan diferan pei, diferan ras oubyen akoz zot omoseksyel. Sa i fer ki bokou gouvernman pe pas bann lalwa ki fer li posib pour severman pini bann dimoun ki komet en krim akoz zot ay en serten group dimoun.

Dimoun ki soufer akoz lezot i ay zot i souvan ay lezot. Plizyer fwa, zot fer revanz lo sa ki fer zot soufer e sa laenn i kontinyen.

Petet ou’n deza eksperyans prezidis, lensilt, menas oubyen dimoun in sikann ou. Me souvan, laenn i bokou plis ki sa. Souvandfwa dimoun ki ay lezot i fer vandalizm, i vyol dimoun, komet mert oubyen menm zenosid.

Sa magazin pou reponn sa bann kestyon swivan e i pou montre ki mannyer nou kapab ranport laviktwar lo laenn:

• Akoz i annan sitan en kantite laenn?

• Ki mannyer nou kapab sirmont laenn?

• Eski i pou annan en letan kot laenn pou nepli egziste?