Ki lespwar i annan pour bann mor?
Lanmor i afekte nou tou me eski tou i fini avek lanmor? Eski bann mor in fini ganny oubliye? Eski i annan lespwar pour bann mor?
ANNOU VWAR SA KI LABIB I DIR:
BANN MOR PA POU GANNY OUBLIYE
“Tou bann ki dan latonm . . . pou resisite.”—Zan 5:28, 29.
Bondye i mazin bann ki’n mor, bann ki dan son memwar pou resisite.
I POU ANNAN EN REZIREKSYON LO LATER
“Dimoun bon konman move pou resisite.”—Akt 24:15.
Plizyer bilyon dimoun pou ganny resisite avek lespwar pour viv pour touzour dan lape.
NOU ANNAN REZON POUR KRWAR DAN REZIREKSYON
“[Bondye] i kont bann zetwal. I apel zot tou par zot non.”—Psonm 147:4, NWT.
Vi ki Bondye i kapab konn bann zetwal par zot non, i kapab fasilman mazin bann dimoun ki pou ganny resisite.