Ki mannyer lanmor pou disparet?
Menm si Adan ek Ev ti dezobei e zot in anmenn lanmor lo tou limanite, sa pa’n sanz plan Bondye pour bann imen. Dan son parol Labib, plizyer fwa Bondye in montre ki son plan pa’n sanze.
-
“Bann dimoun drwat pou ganny donnen later e zot pou reste lo la pour touzour.”—Psonm 37:29, NWT.
-
“La sa ki [Zeova] i promet: Lanmor pou disparet pour touzour. Senyer Bondye pou eswiy tou larm lo tou bann figir.”—Izai 25:8.
-
“Dernyen lennmi, lanmor, pou ganny detrir.”—1 Korentyen 15:26.
-
“I pou nepli annan ni lanmor, ni dey, ni leokri, ni douler ankor.”—Revelasyon 21:4.
Ki mannyer Bondye pou fer ‘lanmor disparet’? Parey nou’n vwar, Labib i dir: “Bann dimoun drwat . . . pou reste pour touzour.” Me i osi dir ki “lo later, napa en sel zis, ki fer zis sa ki byen san komet en pese.” (Eklezyast 7:20) Eski sa i vedir ki Bondye pou bes son bann standar pour ki bann imen enparfe ki fer pese i kapab viv pour touzour? Ditou. I pa pou zanmen fer sa, parski “Bondye . . . pa kapab koz manti.” (Tit 1:2) Me ki Bondye pou fer pour akonplir son zoli plan ki i ti annan ler i ti kree imen?
BONDYE I PROMET KI “LANMOR POU DISPARET POUR TOUZOUR.”—IZAI 25:8
RANSON IN GANNY PEYE POUR FER LANMOR DISPARET
Zeova in fer en zoli laranzman pour liber limanite dan lanmor par pey en ranson. Ranson i sa pri ki kouver lavaler sa ki’n ganny perdi pour fer ki i annan lazistis. Vi ki tou imen i fer pese e in ganny santans lanmor, Labib i dir: “Personn pa kapab reaste lavi, ni pey Bondye en ranson pour li, (sa ranson i sitan annan en gran valer ki zot pa pou kapab peye).”—Psonm 49:7, 8.
Ler en imen enparfe i mor, i zis kapab pey konsekans son pese, i pa kapab liber son lekor ni menm pey pese son kanmarad. (Romen 6:7) Nou ti bezwen en dimoun parfe e san pese pour ofer son lavi pour nou pese.—Ebre 10:1-4.
Sa i egzakteman sa ki Bondye ti’n mazin fer. I ti anvoy son Garson, Zezi, sorti dan lesyel pour ne lo later konman en imen parfe. (1 Pyer 2:22) Zezi ti dir ki i’n vin “donn son lavi konman en ranson pour liber bokou dimoun.” (Mark 10:45) I ti mor pour pey nou pese e liber nou avek lanmor.—Zan 3:16.
KAN KI LANMOR POU DISPARET?
Anmezir bann profesi Labib pe ganny akonplir ozordi, nou pe viv “en letan vreman difisil” ki montre nou dan “bann dernyen zour” sa move lemonn. (2 Timote 3:1) Bann dernyen zour pou fini ler “bann dimoun dezobeisan pou ganny detrir.” (2 Pyer 3:3, 7) Me bann dimoun ki kontan Bondye pour sirviv sa destriksyon e pou ganny beni par ganny “lavi eternel.”—Matye 25:46.
Zezi ti vin “donn son lavi konman en ranson pour liber bokou dimoun.”—Mark 10:45
Plizyer milyon dimoun i osi annan sa loportinite pour ganny lavi eternel ler zot pou ganny resisite. Ler Zezi ti vizit lavil Nain, “son leker ti fermal” ler i ti vwar ki sel garson en vev ti’n mor e sa ti pous li pour resisit sa garson. (Lik 7:11-15) Zapot Pol osi ti dir: “Mon annan konfyans dan Bondye . . . ki dimoun bon konman move pou resisite.” Sa lespwar ki Bondye in donn nou i demontre son gran lanmour ki i annan pour limanite.—Akt 24:15.
Psonm 37:29, NWT) Sa letan, zot pou byen kontan e santi zot ankouraze pour eksperyans lakonplisman sa ki zapot Pol ti ekri apepre 2000 an pase: “Lanmor, oli ou laviktwar? Lanmor, oli ou dart?” (1 Korentyen 15:55) Lanmor, lennmi limanite pou’n disparet!
Plizyer bilyon dimoun i kapab esper avek enpasyans pour viv pour touzour. Labib i dir: “Bann dimoun drwat pou ganny donnen later e zot pou reste lo la pour touzour.” (