Nou kapab ganny benediksyon eternel avek nou Kreater
Bondye ti promet profet Abraam ki enn son desandans ti pou anmenn benediksyon pour “tou nasyon lo later.” (Zenez 22:18) Lekel ki ti pou sa desandans?
Apepre 2,000 an pase, Bondye ti donn Zezi, ki ti en desandans Abraam pouvwar pour fer mirak. Sa bann mirak ti montre ki atraver Zezi, bann nasyon ti pou ganny sa benediksyon ki Bondye ti fer avek Abraam.—Galat 3:14.
Sa bann mirak ki Zezi ti fer, ti ed dimoun rekonnet ki Zezi i sa enn ki Bondye in swazir pour beni bann imen. Sa ti osi montre ki Bondye pou servi Zezi pour donn imen bann benediksyon eternel. Remarke ki mannyer sa bann mirak ti montre serten bon kalite ki Zezi ti annan.
Tandres—Zezi ti geri bann malad.
En fwa, en lepre ti sipliy Zezi pour geri li. Zezi ti tous li e dir: “Mon oule!” Deswit son lalep ti disparet.—Mark 1:40-42.
Zenerozite—Zezi ti donn manze bann ki lafen.
Zezi pa ti anvi dimoun i mor lafen. Plis ki en fwa, i ti fer mirak e nouri plizyer milye dimoun avek detrwa pti pwason ek dipen. (Matye 14:17-21; 15:32-38) Ler zot ti’n fini manze, tou dimoun vant ti’n plen e i ti reste ankor en kantite manze.
Konpasyon—Zezi ti resisit bann mor.
Zezi ti resisit sel garson ki en vev ti annan akoz “son leker ti fermal.”—Lik 7:12-15.