Ed zanfan “bann rezidan etranze”
“Napa en pli gran lazwa ki ler mon tande ki mon bann zanfan pe kontinyen viv an armoni avek laverite.”
KANTIK: 88, 41
1, 2. (a) Ki problenm bokou zanfan imigran i pas ladan? (b) Ki nou pou diskite dan sa lartik?
JOSHUA i dir: “Depi ptipti, kot lakour e dan kongregasyon mon ti koz langaz mon paran ki sorti dan en lot pei. Me apre ki mon ti konmans al lekol, mon ti prefer koz langaz sa pei kot nou ti pe reste. Apre detrwa lannen, mon ti koz zis sa langaz. Mon pa ti konpran nanryen ki ti pe pase dan renyon e mon pa ti santi ki mon annan menm kiltir avek mon paran.” Plizyer dimoun in pas atraver menm leksperyans ki Joshua.
2 Ozordi, plis ki 240,000,000 dimoun pa pe viv dan zot pei natal. Si ou en paran imigran, ki mannyer ou kapab donn ou zanfan sa pli bon loportinite pour aprann kontan Zeova e pour “kontinyen viv an armoni avek laverite”? (3 Zan 4) Ki mannyer lezot i kapab ede?
PARAN, DONN EN BON LEGZANP
3, 4. (a) Ki mannyer paran i kapab donn zot zanfan en bon legzanp? (b) Ki paran pa devret ekspekte avek zot zanfan?
3 Paran, ou legzanp i en keksoz enportan si ou anvi ki ou Matye 6:33, 34) Dan plas kontinyen rod plis keksoz materyel, met ou servis pour Zeova premye. Viv en lavi senp e evite met ou lekor dan det. Rod “trezor dan lesyel,” setadir, laprouvasyon Zeova plito ki rod larzan oubyen “laglwar zonm.”
4 Pa zanmen tro okipe ki ou napa letan pour ou zanfan. Fer zot konnen ki ou fyer ler zot met Zeova premye dan zot lavi plito ki rod laglwar oubyen larzan pour zot menm ouswa pour ou. Rezet sa move pwennvi ki i responsabilite bann zanfan pour fer lavi zot paran vreman konfortab. Rapel ki “pa bann zanfan ki met dekote larzan pour paran, me paran ki met dekote larzan pour zot zanfan.”
PARAN, ESEY KAS BARYER KI LANGAZ I PREZANTE
5. Akoz bann paran i devret koz souvan lo Zeova avek zot zanfan?
5 Parey Labib ti’n predir, dimoun “ki koz diferan langaz” pe vin dan lorganizasyon Zeova. (Zekarya 8:23) Me si ou zanfan pa tro konpran ou langaz, i kapab difisil pour ou ansenny zot laverite. Zot bann etidyan Labib pli enportan ki ou kapab annan e ler zot “aprann konn” Zeova zot pou ganny lavi eternel. (Zan 17:3) Pour ki ou zanfan i aprann bann lansennyman Zeova, ou bezwen “koz lo” sa bann lansennyman souvan.
Ou zanfan i bann etidyan Labib pli enportan ki ou kapab annan
6. Ki byenfe ou zanfan i kapab gannyen ler zot aprann ou langaz? (Vwar portre o konmansman sa lartik.)
6 I tre probab ki ou zanfan pou aprann langaz sa pei kot lekol e avek lezot. Me zot aprann ou langaz ler ou souvan koz avek zot. Ler ou zanfan i koz ou langaz, i pou pli fasil pour zot koz avek ou e dir ou sa ki zot santi. Me i annan lezot byenfe. Ler ou zanfan i koz plizyer langaz, sa i ogmant zot abilite pour reflesir e ed zot konpran pwennvi lezot. I osi kapab donn zot bann loportinite pour fer plis dan predikasyon. Carolina ki son paran i bann imigran i dir: “Mon kontan ki mon dan en kongregasyon ki koz en lot langaz, i vreman gou. I eksitan pour ede kot i annan en pli gran bezwen.”
7. Ki ou kapab fer si langaz i en defi dan ou fanmir?
7 Me selman, anmezir ki bann zanfan i aprann kiltir ek langaz sa pei, petet serten parmi zot pou nepli annan sa dezir oubyen abilite pour kominik dan langaz zot paran. Paran, si sa i leka pour ou zanfan, eski ou kapab aprann koz en pti pe langaz sa pei? I pou pli fasil pour elve ou zanfan konman Kretyen *
8. Ki mannyer ou kapab ed ou zanfan si ou pa kapab koz zot langaz byen?
8 I kapab difisil pour serten paran imigran arive koz byen sa langaz ki zot zanfan pe koze aprezan. Sa i kapab fer li difisil pour paran ed zot zanfan konpran byen “lekritir sen.” (2 Timote 3:15) Si ou dan sa sityasyon, ou ankor kapab ed ou zanfan konn e kontan Zeova. En ansyen ki apel Shan i dir: “Nou manman ki tousel pa ti tro konpran sa langaz ki nou ti konpran pli byen e mwan ek mon bann ser pa ti tro kapab koz son langaz. Me ler nou ti vwar li pe etidye, priye e fer son mye pour fer Ladorasyon Fanmir tou le semenn, nou ti konpran ki i vreman enportan pour aprann konn Zeova.”
9. Ki mannyer bann paran i kapab ed bann zanfan ki kapab bezwen etidye dan de langaz?
9 I kapab ki serten zanfan i bezwen aprann konn Zeova dan de langaz. Akoz? Parski zot koz en langaz kot lekol e en lot langaz kot lakour. I pour sa rezon ki serten paran i servi bann piblikasyon, lanrezistreman odyo ek video dan tou le de langaz. I kler alor ki bann paran imigran i devret fer plis zefor pour ed zot zanfan vin pros avek Zeova.
DAN KI LANGAZ ZOT POU ASISTE RENYON?
10. (a) Lekel ki devret deside dan ki langaz lafanmir pou asiste renyon? (b) Ki bann sef fanmir i bezwen fer avan fer en desizyon?
10 Ler “bann rezidan etranze” i reste lwen avek bann Temwen ki koz zot langaz, zot bezwen asosye avek en kongregasyon ki koz langaz sa pei kot zot pe reste. (Psonm 146:9, NWT) Me si i annan en kongregasyon ki koz zot langaz pa tro lwen avek zot, sef fanmir i bezwen deside dan ki langaz i pou pli bon pour son fanmir asiste renyon. Avan i deside, i pou bezwen priye e reflesir byen. I pou osi bezwen koz avek son madanm ek zanfan. (1 Korentyen 11:3) Ki i bezwen pran an konsiderasyon? Ki bann prensip Labib ki kapab ed li fer sa desizyon?
Sef fanmir i bezwen deside dan ki langaz i pou pli bon pour zot fanmir asiste renyon
11, 12. (a) Ki byenfe en zanfan i gannyen ler i asiste renyon dan en langaz ki i konpran pli byen? (b) Akoz serten zanfan pa anvi aprann langaz zot paran?
11 Bann paran i devret pran an konsiderasyon sa ki zot zanfan i vreman 1 Korentyen 14:9, 11.) Deplis, langaz maternel sa zanfan pa pou neseserman sa langaz ki pou kontinyen enfliyans son fason panse ek santiman. Anfet, serten zanfan i kapab aprann fer komanter ek prezantasyon dan langaz ki zot paran i koze, me zot pa pe vreman eksprim zot prop nide ek santiman.
bezwen. Pour byen konpran laverite ki dan Labib, bann zanfan i bezwen plis ki zis detrwa erdtan lenstriksyon ki zot gannyen dan renyon sak semenn. Me mazin lo sa nide: Ler lafanmir i asiste renyon dan en langaz ki bann zanfan i konpran pli byen, i kapab ki bann zanfan i benefisye san bezwen fer gran zefor e petet zot pou aprann plis ki zot paran i realize. Petet sa pa pou leka ler bann zanfan pa tro konpran sa langaz. (Lir12 Pa bliye osi ki pa zis langaz ki enfliyans leker en zanfan. Sa ti leka avek Joshua, sa frer ki nou’n deza koz lo la. Son ser ki apel Esther i dir: “Pour bann zenn zanfan, langaz, kiltir ek larelizyon zot paran, i relye avek kanmarad.” Si bann zanfan i santi ki zot pa form parti kiltir zot paran, i kapab ki zot pa pou anvi aprann langaz ek larelizyon zot paran. Ki bann paran imigran i kapab fer?
13, 14. (a) Akoz en koup imigran ti deside fer zot fanmir asiste renyon dan langaz ki zot koze dan sa pei? (b) Ki mannyer sa paran ti reste for spirityelman?
13 Bann paran Kretyen i met lentere zot zanfan avan sa ki pour zot. (1 Korentyen 10:24) Samuel, papa Joshua ek Esther i dir: “Mwan ek mon madanm nou ti obzerv nou zanfan pour vwar ki langaz ki ti pou pli byen ed zot spirityelman e nou ti priye pour ganny lasazes. Larepons nou lapriyer pa ti sa ki ti pli fasil pour nou. Me ler nou ti vwar ki bann zanfan pa ti pe benefisye dan renyon ki ganny fer dan nou langaz, nou ti deside pour asiste renyon dan langaz sa pei. Ansanm, nou ti regilyerman asiste renyon e partisip dan predikasyon. Nou ti osi envit bann frer ek ser ki koz langaz sa pei pour pran en repa e fer bann ekskirsyon avek nou. Tousala ti ed nou zanfan pour konn bann frer ek ser e aprann konn Zeova pa zis konman zot Bondye, me osi konman zot Papa ek Zanmi. Pour nou, sa ti pli enportan ki ed nou zanfan aprann koz nou langaz pli byen.”
14 Samuel i kontinyen: “Pour reste for spirityelman, mwan ek mon madanm ti osi asiste bann renyon dan nou langaz. Nou ti byen okipe e byen fatige, me nou remersye Zeova pour beni sa zefor ek sakrifis ki nou’n fer. Aprezan, nou trwa zanfan pe servi Zeova dan servis a plen tan.”
KI BANN ZENN I KAPAB FER?
15. Akoz Kristina ti santi ki i ti pou kapab fer plis dan en kongregasyon ki koz sa langaz ki i ti servi lekol?
15 Ler bann zanfan i grandi, petet zot pou realize ki zot pli byen kapab servi Zeova dan en kongregasyon ki koz sa langaz ki zot konpran pli byen. Si sa i leka, bann paran pa devret santi ki zot zanfan pe rezet zot. Kristina i rapel: “Mon ti annan en konprenezon de baz Akt 2:11, 41) Ler Kristina ti ganny 18 an, i ti diskit sa avek son paran e i ti deside pour konmans asiste renyon dan langaz ki zot koze dan sa pei. I dir: “Aprann konn Zeova dan langaz ki mon ti servi lekol ti pous mwan pour pran aksyon.” Pa tro bokou letan apre, Kristina ti vin en pionye ordiner e i vreman ere.
langaz mon paran, me mon ti vwar li difisil pour konpran sa langaz ler i ti ganny servi dan renyon. Ler mon ti annan 12 an, mon ti asiste en lasanble dan langaz ki mon ti servi lekol. I ti premye fwa ki mon ti konpran ki mon ti pe tann laverite! En lot sanzman pozitif, ti ler mon ti konmans fer lapriyer dan langaz ki mon ti servi lekol. I ti a sa moman ki mon ti kapab koz avek Zeova avek tou mon leker!” (16. Akoz Nadia i kontan ki i’n reste dan en kongregasyon ki koz langaz son paran?
16 Zenn, eski ou krwar ki ou ti a pli kontan form parti en kongregasyon ki koz langaz sa pei? Si wi, demann ou lekor akoz ou anvi fer sa. Eski i akoz ou pou vin pli pros avek Zeova si ou asiste renyon dan sa langaz? (Zak 4:8) Oubyen eski i akoz ou pa anvi ou paran i vey tou sa ki ou fer oubyen akoz ou pa anvi fer okenn zefor? Nadia ki aprezan pe servi dan Betel i dir: “Ler mwan ek mon bann frer ek ser ti vin adolesan, nou ti anvi bouz dan en kongregasyon ki koz langaz sa pei.” Me son paran ti konnen ki sa pa ti pou bon pour relasyon zot zanfan avek Zeova. “Aprezan nou rekonesan ki nou paran ti fer bokou zefor pour ansenny nou zot langaz e fer nou reste dan sa kongregasyon ki koz langaz nou paran. Sa in anrisi nou lavi e donn nou plis loportinite pour ed lezot konn Zeova.”
KI MANNYER LEZOT I KAPAB EDE?
17. (a) Avek ki Zeova in donn sa responsabilite pour elve zanfan? (b) Ki mannyer bann paran i kapab ganny led pour ansenny zot zanfan laverite?
17 Zeova in donn bann paran sa responsabilite pour ansenny zot zanfan laverite. I pa ti donn sa responsabilite avek granparan oubyen okenn lezot dimoun. (Lir Proverb 1:8; 31:10, 27, 28.) Kantmenm sa, bann paran ki pa konn langaz sa pei kot zot pe reste i bezwen ganny led avek lezot pour zot kapab tous leker zot zanfan. Ler bann paran i demann led, sa pa vedir ki zot pa oule desarz zot responsabilite pour elve zot zanfan. Plito, sa i en fason pour elve zot “dapre disiplin ek gidans Zeova.” (Efezyen 6:4) Par egzanp, bann paran i kapab demann led avek bann ansyen dan kongregasyon lo konman pour fer ladorasyon fanmir e konman pour trouv bann bon zanmi pour zot zanfan.
Paran ek zanfan i benefisye ler zot asosye avek kongregasyon (Vwar paragraf 18, 19)
18, 19. (a) Ki mannyer lezot Kretyen i kapab ed bann zenn? (b) Ki bann paran i devret kontinyen fer?
18 Pour ed zot zanfan, tanzantan bann paran i kapab envit lezot fanmir pour fer ladorasyon fanmir ansanm avek zot. Bann zenn i osi aprann avek lezot Kretyen ler zot al prese e fer lezot keksoz ansanm. (Proverb 27:17) Shan ki nou’n koz lo la pli boner, i dir: “Mon byen rapel sa bann frer ki ti pran en lentere dan mwan. Ler zot ti ed mwan pour prepar mon prezantasyon pour renyon, mon ti toultan aprann plis. Mon ti osi apresye bann moman detant ki nou ti fer ansanm.”
19 Byensir, bann frer ek ser ki bann paran in swazir pour ed zot zanfan i devret toultan ankouraz sa bann zanfan pour annan respe pour zot paran. Zot kapab fer sa par toultan koz an byen lo bann paran e pa pran zot responsabilite pour elve zot zanfan. Bann ki pe ede i devret osi evit okenn konportman ki kapab donn bann dimoun dan kongregasyon e an deor en move lenpresyon. (1 Pyer 2:12) Menm si bann paran i kapab demann led avek lezot, i zot responsabilite pour ansenny laverite zot zanfan. Zot bezwen toultan pe tyeke ki led lezot Kretyen pe donn zot zanfan.
20. Ki mannyer bann paran i kapab ed zot zanfan vin bann serviter fidel Zeova?
20 Paran, priy Zeova pour son led e esey fer ou mye. (Lir 2 Kronik 15:7.) Met lanmitye ou zanfan avek Zeova avan ou prop lentere. Fer tou sa ki ou kapab pour fer sir ki Parol Bondye i tous leker ou zanfan. Pa zanmen krwar ki ou zanfan pa pou kapab vin en serviter Zeova. Ler ou zanfan i obei Parol Bondye e swiv ou bon legzanp, ou pou annan menm santiman ki zapot Zan ti annan pour son bann zanfan figiratif: “Napa en pli gran lazwa ki ler mon tande ki mon bann zanfan pe kontinyen viv an armoni avek laverite.”
^ par. 7 Vwar sa lartik “You Can Learn Another Language!” dan Awake! Mars 2007 paz 10-12.