LABIB i dir dan Zenez sapit 22, ki Bondye ti demann Abraam pour al ofer en sakrifis dan en landrwa lwen avek kot i ti reste. I dir: “Abrahanm ti pran dibwa pour lofrann e donn son garson Izaak pour anmennen; li; i ti anmenn kouto ek dife. Alor, tou le de ti kontiny semen.”—Zenez 22:6.

Labib pa eksplike ki mannyer dimoun ti alim dife dan letan lontan. Alor, eski Abraam ek Izaak ti alim en dife e anmenn sa avek zot? En ekriven ti dir ki i tre probab ki sa dife pa ti pou’n kapab “reste alimen pandan sa gran vwayaz.” Plito, i kapab ki Abraam ek son garson ti anmenn tou sa ki zot ti bezwen pour alim dife avek zot.

Me lezot i dir ki i pa ti fasil pour alim dife sa letan. Alor ler i ti posib, dimoun ti pran en bout sarbon ki ti deza dan en dife, petet dife en vwazen, pour li alim son dife. Plizyer spesyalis Labib i krwar ki Abraam ti pran bann bout sarbon alimen avan ki i ti konmans son vwayaz. I ti pou’n kapab met sa bann bout sarbon dan en resipyan e atas en lasenn avek sa resipyan pour li kapab anmennen pandan son vwayaz. (Izai 30:14) Alor i ti pou’n kapab servi sa bann bout sarbon alimen avek bann pti bout dibwa sek sak fwa ki i ti pou alim en dife.