Akoz dimoun napa respe pour zot fanmir?

ZWE

AKOZ I ENPORTAN POUR ANNAN RESPE POUR OU FANMIR

Ler bann manm fanmir i annan respe pour kanmarad, sa i fer annan lape dan fanmir.

Sa liv The Seven Principles for Making Marriage Work i dir ki ler bann konzwen i annan respe pour kanmarad, zot montre lanmour “toulezour, pa zis dan bann gran keksoz me osi dan bann pti keksoz.”
Resers i montre ki bann zanfan ki aprann pour annan respe pour lezot, i annan konfyans dan zot lekor, zot annan bon lanmitye avek zot paran e zot pa ganny bokou problenm mantal e emosyonnel.

SA KI OU KAPAB FER

Fer en plan ansanm avek ou fanmir. Premyerman, fer sir ki tou dimoun dan fanmir i konpran ki savedir annan “respe.” Dezyenmman, ekri sa ki ou anvi ou manm fanmir i fer e sa ki zot pa devret fer. Trwazyenmman, konman en fanmir, koz lo sa plan pour ki tou dimoun i konnen ki zot devret fer pour montre ki zot annan respe pour kanmarad.

“Bann plan ki en dimoun ki travay dir i fer pou sirman marse.”—Proverb 21:5.

Donn legzanp. Eski ou kritik ou manm fanmir ler zot fer fot, sikann zot ler zot donn zot lopinyon, inyor oubyen enteronp zot ler zot pe koz avek ou?

Sizesyon: Montre ki ou annan respe pour ou konzwen ek ou zanfan ki zot merite oubyen non.

“Zot devret touzour premye pour onor lezot.”—Romen 12:10.

Montre ki ou annan respe pour en lot dimoun menm si ou pa dakor avek li. Ler ou pe eksprim ou lekor, evite dir bann keksoz parey “toultan ou” oubyen “zanmen ou.” Bann komanter koumsa i kapab ofans ou manm fanmir e fer sa problenm vin pli grav.

“En larepons ki dous i fer en dimoun aret ankoler, me en dimoun ki koz brit i fer dimoun ankoler.”—Proverb 15:1.

SA KI TEMWEN ZEOVA PE FER

Temwen Zeova i ankouraz bann manm fanmir pour tret kanmarad avek respe e souvan sa i ganny koz lo la dan bann lartik, liv, brosir ek bann video ki nou pibliye e ki disponib gratwitman.

POUR BANN KOUP MARYE: Sa seri lartik Led pour bann fanmir i kapab ed bann msye ek madanm pour . . .

ekout byen
pa refize koz avek kanmarad
aret argimante

(Rod “Led pour bann fanmir” lo jw.org)

POUR BANN PARAN: Sa seri lartik Led pour bann fanmir i kapab ed bann paran pour ed zot zanfan pour . . .

vin obeisan
ede avek bann travay kot lakour
dir “silvouple” ek “mersi”

(Rod “Elve bann zanfan” ek “Elve bann adolesan” lo jw.org)

Vwar osi lezot lenformasyon “Questions Parents Ask,” dan sa liv Questions Young People Ask—Answers That Work, Volim 1. (Rod “Questions Parents Ask” lo jw.org)

POUR BANN ZENN: Dan seksyon Adolesan ek zenn adilt lo jw.org i annan bann lartik, video ek bann worksheets ki kapab ed bann zenn pour . . .

annan en bon lanmitye avek zot paran ek zot bann frer ek ser
annan respe ler zot koz avek zot paran lo bann lareg
ganny konfyans zot paran

(Rod “Adolesan ek zenn adilt” lo jw.org)

Sa sit Enternet jw.org i gratwit. Ou pa bezwen peye oubyen vin en manm e ou pa bezwen donn okenn lenformasyon personnel.

VEYE!