Lalit Kont Lapovrete—En Batay San Fen?

BANN touris ki ti pe vizit Nasyon Ini, New York, ti vwar Lasal kot Konsey Ekonomik e Sosyal i fer son bann miting, avek son bann tiyo anler dan plafon galeri piblik, ki pa’n ganny kasyet. Sa gid ti eksplike: “Sa plafon ki ‘pa ankor fini’ i normalman ganny vwar konman en rapel senbolik konmkwa travay sosyal e ekonomik Nasyon Ini pa zanmen fini; toultan pou annan serten keksoz anplis ki pou kapab ganny fer pour amelyor kondisyon lavi dimoun dan lemonn.”

Menm si sa konmite i devoue pour sa rezon valab, pour ankouraz en standar lavi eleve pour tou dimoun, i paret ki sa latas pa pou zanmen fini. I enteresan note ki pandan son minister lo later dan premye syek N.L., Zezi ti dir: “Lespri Senyer i lo mwan, akoz in konsakre mwan pour anons Bonn Nouvel pour bann pov.” (Lik 4:18) Ki sa “Bonn Nouvel” ki i ti deklare? Sa ti mesaz konsernan Rwayonm ki Zeova, ki pou vin “en forteres pour bann pov dan ladetres,” pou etabli avek Zezi Kri konman Lerwa. Ki sa Rwayonm pou akonpli? Izai ti profetize: “Zeova bann larme pou sertennman fer pour tou pep . . . en festen avek bann nouritir ris an lwil, en festen avek diven ki’n repoze lo son lanmar, bann nouritir ris an lwil ranpli avek lanmwel, diven ki’n repoze lo son lanmar e filtre. I pou vreman anglouti lanmor pour touzour, e Souvren Senyer Zeova pou sertennman eswiy bann larm lo tou figir.”—Izai 25:4-6, 8.

Eski ou ti a kontan konn plis konman ki Rwayonm Bondye pou “amelyor kondisyon lavi bann dimoun dan lemonn,” afen ki dimoun pou nepli dan bezwen? Vwar anba pour konnen konman ki en ansennyan kalifye i kapab vizit ou pour fer ou vwar sa ki Labib i annan pour dir ankor lo sa size.