Zot servi Non divin dan Sant Lafrik

LAMAZORITE dimoun dan Sant Lafrik i krwar dan Bondye. Zot napa dout ki i Kreater tou keksoz. (Revelasyon 4:11) Zis parey bokou dimoun dan lezot landrwa, zot inyor son non personnel—Zeova.

Bann dimoun dan Sant Lafrik, osi byen ki dan lezot parti lemonn, i fer referans avek non Bondye kan zot dir, “Ki ou non sen i ganny glorifye” dan lapriyer Notre Père. (Matye 6:9) Me pour en bon pe letan, zis ennde dimoun ki’n konn sa non. Toutfwa, pandan bann lannen ki’n pase, predikasyon zele par Temwen Zeova in sanz latitid bann dimoun pour servi non divin. Denozour, sa non divin i tre koni e i ganny aksepte dan bokou langaz Afriken, tel parey Zulu (uJehova), Yoruba (Jehofah), Xhosa (uYehova) ek Swahili (Yehova). Ziska prezan, laplipar tradiksyon Labib dan sa bann langaz i ankor evite servi sa non divin.

Labib dan langaz Zande i en bon tradiksyon ki servi sa non divin. Zande i en langaz ki ganny koze dan serten landrwa dan Repiblik Lafrik Santral, Soudan, ek Repiblik Demokratik Kongo. Dan sa parti lemonn, sa bann dimoun i servi non Bondye, par pronons li Yekova dan zot lalang maternel. Dan nenport ki fason ki sa non divin in ganny prezante dan en langaz ki i pe ganny servi, i enportan pour servi sa non. Akoz? Parski “tou sa ki envok non Senyer [Zeova, NW ] pou ganny sove.” —Romen 10:13.

[Map/Portre lo paz 32]

(Pour prezantasyon, vwar piblikasyon)

SOUDAN

REPIBLIK LAFRIK SANTRAL

REPIBLIK DEMOKRATIK KONGO

[Portre lo paz 32]

The Complete Encyclopedia of Illustration/J. G. Heck