Ki Zeova I Ekspekte Nou Fer?
Ki Zeova I Ekspekte Nou Fer?
“Ki Zeova pe demann ou an retour apard ki demontre lazistis, kontan labonte, e mars dan en fason modes avek ou Bondye?”—MIKA 6:8.
1, 2. Akoz serten serviter Zeova i kapab dekouraze, me kwa ki vreman kapab ed zot?
VERA i en Kretyen fidel ki annan apepre 75 an e son lasante pa tro bon. I dir: “Parler mon get deor e mon vwar mon bann frer ek ser Kretyen pe prese port-an-port. Sa i fer larm vini dan mon lizye akoz mon anvi avek zot, me mon maladi i limit mon servis pour Zeova.”
2 Eski ou’n deza santi koumsa? Byensir, tou bann ki kontan Zeova i anvi mars onon Bondye e akonpli sa ki i ekspekte nou fer. Me ki i arive, si nou lasante pe deteryore, nou aze, oubyen nou annan responsabilite familyal? Petet nou kapab santi nou en pe dekouraze, akoz kekfwa sa bann sirkonstans i anpes nou fer tou sa ki nou anvi fer dan servis Bondye. Si nou dan sa sitiasyon, alor egzamin parol enspire Mika, rikorde dan sapit 6 ek 7, pou sirman ankouraz nou. Sa bann sapit i montre ki, sa ki Zeova i ekspekte nou fer i rezonnab e nou kapab arive fer li.
Ki mannyer Bondye i tret son Pep
3. Ki mannyer Zeova i tret bann Izraelit rebel?
3 Annou konmans par get Mika 6:3-5, e remarke konman Zeova i tret son pep. Rapel ki dan letan Mika bann Zwif ti rebel kont Zeova. Kantmenm sa, avek konpasyon Zeova i adres zot avek sa parol, “O mon pep.” I sipliye: “Silvouple mon pep, mazinen.” Olye akiz zot severman, i esey tous zot leker par demande, “Ki mon’n fer zot?” I menm ankouraz zot pour “temwanny kont” li.
4. Ki lefe legzanp konpasyon Bondye i devret annan lo nou?
4 Zeova i donn nou en legzanp remarkab! Avek konpasyon, i ti apel bann dimoun rebel an Izrael ek Zida dan letan Mika “mon pep” e servi bann lekspresyon parey “silvouple” pour adres zot. Alor, nou osi nou devret demontre konpasyon ek labonte dan nou relasyon avek bann ki form par kongregasyon. I vre ki i kapab pa fasil pour annan bon relasyon avek serten dimoun oubyen zot kapab
feb spirityelman. Toudmenm, si zot kontan Zeova, nou pou anvi ed zot e demontre konpasyon anver zot.5. Ki pwen prensipal ki ganny fer resorti dan Mika 6:6, 7?
5 Aprezan, annou vir dan Mika 6:6, 7. Mika i demann plizyer kestyon ki fer reflesir, an dizan: “Avek ki mon pou apros Zeova? Avek ki mon pou salye Bondye anler? Eski mon kapab apros li avek bann lofrann brile, avek bann pti bef enn an? Eski Zeova pou dakor avek en ta mouton, avek en kantite delwil? Eski mon pou donn mon garson premye ne pour mon rebelyon, fri mon vant pour mon pese?” Non, i pa posib pour fer plezir Zeova “avek en ta mouton, avek en kantite delwil.” Me i annan en keksoz ki pou fer li plezir. Kwa sa?
Nou devret demontre Lazistis
6. Nonm sa trwa keksoz ki Bondye i ekspekte nou fer dan Mika 6:8.
6 Dan Mika 6:8, nou aprann sa ki Zeova i ekspekte avek nou. Mika i demande: “Ki Zeova pe demann ou an retour apard ki demontre lazistis, kontan labonte, e mars dan en fason modes avek ou Bondye?” Sa trwa keksoz ki Zeova pe demann nou pour fer i enplik konman nou santi, panse, e azir. Nou devret annan sa lanvi pour demontre sa bann kalite, pour reflesir lo konman pour demontre zot, e pour fer zefor pour demontre zot. Annou egzamin sa trwa keksoz enn par enn.
7, 8. (a) Ki savedir “demontre lazistis”? (b) Dan letan Mika, ki kalite lenzistis ki ti egziste partou?
7 “Demontre lazistis” i vedir fer sa ki byen. Pour nou konn standar lazistis, fodre nou get lafason ki Zeova i azir. Parkont bann dimoun dan letan Mika pa ti demontre lazistis, me lenzistis. Dan ki fason? Get Mika 6:10. Alafen sa verse, i dir ki bann marsan pe servi en mezir ki pa egzakt, enn ki tro pti. Verse 11 i azoute ki zot servi bann pwa ki pa bon. Dapre verse 12, “zot lalang i rize.” Sa i endike ki dan letan Mika, bann marsan ti pe servi bann fo mezir, balans ki pa bon, e zot ti osi koz lalang.
8 Sa bann lenzistis pa pe ariv zis dan bazar, me an kour osi. Mika 7:3 i endike ki “prens pe demann en keksoz, e sa enn ki pe zize i fer li pour en rekonpans.” Bann ziz i ganny gous pour pas bann zizman ki pa zis lo dimoun inosan. Bann “gran” dimoun oubyen bann sitwayen ki annan lenfliyans, i enplike dan bann krim. Annefe, Mika i dir ki bann prens, ziz, ek bann dimoun enportan dan sosyete i “zwenn ansanm” oubyen plàn zot bann move aksyon.
9. Ki mannyer Zida ek Izrael ti ganny afekte par lenzistis ki bann move dimoun ti fer?
9 Sa bann lenzistis ki sa bann move dirizan ti fer ti afekte Zida ek Izrael an antye. Mika 7:5 i fer remarke ki en mank lazistis in kree en mank konfyans ant bann konpanyon, zanmi entim, e menm ant bann dimoun marye. Verse 6 i dir ki sa in kree en sitiasyon kot bann manm fanmiy pros parey garson ek papa, fiy ek manman i mepriz kanmarad.
10. Ozordi dan sa lemonn kot lenzistis i egziste, konman Kretyen i konport zot?
10 Ki nou pou dir konsernan nou letan? Eski pa nou vwar menm sitiasyon? Parey Mika, nou antoure avek lenzistis, en latmosfer kot dimoun nepli fye kanmarad, e lavi fanmiy ek lavi sosyal pe deteryore. Me nou bann serviter Bondye ki pe viv dan sa lemonn kot lenzistis pe rennyen, nou pa les sa latitid lemonn antre dan kongregasyon Kretyen. Okontrer, nou fer zefor pour mentenir bann prensip lonnekte ek fidelite. Nou fer zefor pour demontre sa bann kalite dan tou sa ki nou fer dan lavi toulezour. Annefe, nou “kondwir nou onnet dan tou keksoz.” (Ebre 13:18, NW ) Eski pa ou dakor ki ler nou demontre lazistis, nou rezwir bokou benediksyon atraver nou lasosyasyon frer ek ser ki nou annan vre konfyans ladan?
Konman Dimoun i antann “Lavwa Zeova”?
11. Ki mannyer Mika 7:12 pe ganny akonpli?
11 Mika i profetize ki menm si lenzistis i egziste, tou kalite dimoun pou konn lazistis. Sa Mika 7:12) Ozordi, dan lakonplisman final sa profesi, se pa en nasyon an partikilye, me bann endividi sorti dan tou nasyon ki pe vreman benefisye avek lazistis Bondye ki pa fer okenn lapreferans. (Izai 42:1) Ki mannyer sa pe arive?
profet i predir ki dimoun pou ganny rasanble “depi lanmer ziska lanmer, e depi montanny ziska montanny” pour vin bann adorater Zeova. (12. Konman dimoun pe antann “lavwa Zeova” ozordi?
12 Pour ganny en larepons, konsider parol ki Mika ti dir pli boner. Mika 6:9 i deklare: “Lavwa Zeova li menm i kriye avek lavil, e sa dimoun ki annan lasazes pratik pou annan lakrent pour ou non.” Ki mannyer dimoun dan tou pei i antann “lavwa Zeova,” e konman sa i relye avek demontre lazistis lo nou par? Byensir, an realite dimoun pa antann lavwa Bondye. Me atraver nou travay mondyal, dimoun tou ras ek ran sosyal pe antann lavwa Zeova. Son rezilta se ki bann ki ekoute i ‘annan lakrent pour non Bondye,’ e zot arive devlop en profon respe pour son non. Definitivman, nou pe azir dan en fason ki zis e bon par servi konman bann proklanmater Rwayonm devoue. Par fer tou dimoun konn non Bondye, san fer lapreferans, nou “demontre lazistis.”
Nou devret kontan Labonte
13. Ki diferans i annan ant labonte leker ek lanmour?
13 Aprezan, annou diskit sa dezyenm keksoz Mika 6:8. Zeova i ekspekte nou pour “kontan labonte.” Sa mo Ebre ki’n ganny tradwir “labonte” i osi ganny tradwir “labonte leker” oubyen “lanmour fidel.” Labonte leker i en lentere ki ganny demontre anver lezot, en lentere ranpli avek konpasyon pour lezot. Labonte leker i diferan avek lanmour. Dan ki fason? Sa mo “lanmour” i pli ganny servi dan en fason an zeneral. Par egzanp, nou kapab kontan bann keksoz ek lide. Labib i mansyonn bann ki “kontan diven ek delwil” e en zonm ki “kontan lasazes.” (Proverb 21:17; 29:3) Parkont sa mo labonte leker, i toultan enplik dimoun, sirtou sa bann ki servi Bondye. Par egzanp, Mika 7:20 i mansyonn “demontre labonte leker anver Abraam”—en zonm ki ti servi Bondye.
ki Bondye i ekspekte nou fer ki ganny mansyonnen dan14, 15. Ki mannyer labonte leker i ganny demontre, e ki legzanp ki ganny mansyonnen?
14 Dapre Mika 7:18, sa profet i dir ki Bondye i “pran plezir dan labonte leker.” Dan Mika 6:8, nou pa senpleman ganny demande pour demontre labonte leker me pour kontan sa kalite. Ki nou aprann atraver sa de verse? Labonte leker i ganny demontre volonterman e dan en fason zenere parski nou anvi demontre li. Parey Zeova, nou trouv plezir, oubyen nou kontan pour demontre labonte leker anver sa bann ki dan bezwen.
15 Ozordi, en tel labonte leker i en mark pep Bondye. Annou vwar zis en legzanp. An Zen 2001, en tanpet tropikal ti koz inondasyon Texas, Letazini, e andomaz plizyer milye lakaz. Parmi ti annan plizyer santenn lakaz Temwen Zeova. Pour ed zot bann frer Kretyen ki ti dan bezwen, apepre 10,000 Temwen ti pare pour ofer zot letan ek lenerzi volonterman. Pour plis ki sis mwan, bann volonter ti travay san arete, servi zot letan—lizour konman aswar, ensi ki wikenn—pour rekonstri wit Lasal Rwayonm ek 700 lakaz pour zot bann frer ek ser Kretyen. Sa bann ki pa ti kapab fer sa bann travay ti fourni manze, materyo, ek larzan. Akoz tou sa plizyer milye Temwen ti vin ed zot bann frer ek ser? Parski zot “kontan labonte.” Pa i vreman en plezir pour konnen ki nou bann frer ek ser partou dan lemonn pe fer bann aksyon labonte leker! Vreman, arive “kontan labonte” i pa en fardo, me i en lazwa!
Mars dan en Fason modes avek Bondye
16. Ki legzanp ki montre lenportans pour mars dan en fason modes avek Bondye?
16 Sa trwazyenm keksoz ki Zeova i ekspekte nou fer dan Mika 6:8, se “pour mars dan en fason modes avek ou Bondye.” Sa i vedir ki nou rekonnet nou limit e depan lo Bondye. Pour donn en legzanp: Imazin pour en moman en pti fiy ki pe tyonbo lanmen son papa pandan ki zot pe marse dan en tanpet. Sa pti fiy i konn tre byen ki i napa ase lafors, me i annan konfyans dan son papa. Parey sa pti fiy, nou osi nou devret konn nou limit me annan konfyans dan nou Papa ki dan lesyel. Ki nou kapab fer pour nou pa perdi sa konfyans? En fason ki nou kapab fer sa, se par gard antet akoz i saz pour nou reste pros avek Bondye. Mika i rapel nou trwa rezon: Zeova i nou Sover, nou Gid, e nou Protekter.
17. Ki mannyer Zeova ti delivre, gid, e protez son pep dan letan ansyen?
17 Dapre Mika 6:4, 5, Bondye i dir: “Mon ti tir ou Lezip.” Wi, Zeova ti sa Enn ki ti delivre Izrael. Zeova i kontinyen: “Mon ti anvoy Moiz, Aaron ek Miryam devan ou.” Wi, Moiz ek Aaron ti ganny servi pour gid sa nasyon, e Miryam ti gid bann fanm Izrael dan en ladans laviktwar. (Egzod 7:1, 2; 15:1, 19-21; Deterononm 34:10) Zeova ti fourni gidans par mwayen son bann serviter. Dan verse 5, Zeova i rapel Izrael ki i ti protez zot kont Balak ek Balaam, e ki i ti sovgard zot diran dernyen letap zot vwayaz depi Sitim an Moab ziska Gilgal dan Later Promiz.
18. Ki mannyer Bondye i azir konman sa enn ki delivre, gid e protez nou ozordi?
18 Anmezir ki nou mars avek Bondye, i delivre nou avek lemonn Satan, i gid nou par
mwayen Son Parol ek son lorganizasyon, e i protez nou konman en group ler nou anba latak bann adverser. Alor, nou annan bokou rezon pour tyonbo for lanmen nou Papa ki dan lesyel, anmezir ki nou mars avek li atraver sa dernyen bout movetan dan nou vwayaz. En vwayaz ki pou anmenn nou ver en keksoz bokou pli gran ki ansyen Later Promiz—nouvo lemonn Bondye kot pou annan lazistis.19. Ki mannyer mars dan en fason modes i relye avek nou bann limit?
19 Mars dan en fason modes avek Bondye, pou osi ed nou pour annan en pwennvi rezonnab lo nou sitiasyon. Sa i leka akoz ler nou modes nou konsyan nou bann limit. En move lasante oubyen lavyeyes i kapab limit sa ki nou kapab fer dan servis Bondye. Me olye les sa dekouraz nou, nou devret rapel ki Bondye i aksepte nou zefor ek sakrifis “dapre sa ki nou annan, non pa dapre sa ki nou napa.” (2 Korentyen 8:12) Annefe, Zeova i ekspekte nou servi li avek tou nou leker, fer sa ki nou sitiasyon i permet nou pour fer. (Kolosyen 3:23) Letan nou fer tou sa ki nou kapab avek devouman dan son servis, Bondye i beni nou en kantite.—Proverb 10:22.
Kontinyen espere i anmenn Benediksyon
20. Kwa ki pou ed nou kontinyen espere parey Mika?
20 Letan nou eksperyans benediksyon Bondye, sa i pous nou pour imit leta lespri Mika. I dir: “Mon pou kontinyen esper Bondye mon delivrans.” (Mika 7:7) Ki relasyon sa parol i annan avek mars dan en fason modes avek Bondye? Kan nou pare pour espere, oubyen pasyante, sa i ed nou evite santi nou dezapwente akoz zour Zeova pa ankor arive. (Proverb 13:12) Fransman, nou tou nou anvi vwar lafen sa lemonn mesan. Me sak semenn i annan plizyer milye dimoun ki fek konmans mars avek Bondye. Vi ki nou konn sa, sa i donn nou en rezon pour pare pour espere. En Temwen ki’n fidel pour bokou lannen ti dir an rapor avek sa: “Ler mon get sa 55 lannen ki mon’n pase dan travay predikasyon, mon konvenki ki mon pa’n perdi nanryen par esper Zeova. Okontrer, sa in eparny mwan bokou difikilte.” Eski ou’n eksperyans menm keksoz?
21, 22. Konman Mika 7:14 pe ganny akonpli dan nou letan?
21 Mars avek Zeova i definitivman benefisye nou. Parey nou lir dan Mika 7:14, Mika i konpar pep Bondye avek bann mouton ki pe reste an sekirite avek zot berze. Ozordi, dan pli gran lakonplisman sa profesi, sa restan Izrael spirityel osi byen ki lezot mouton, i vreman trouv sekirite e annan konfyans dan zot Berze, Zeova. Zot reste “tousel dan en lafore—omilye en plantasyon fri,” spirityelman separe avek sa lemonn ki deplizanpli dan boulvers e pe vin danzere.—Zan 10:16; Deterononm 33:28; Zeremi 49:31; Galat 6:16.
22 Pep Bondye i rezwir prosperite, parey Mika 7:14 ti osi predir. Ler i koz lo bann mouton Bondye, oubyen dimoun, Mika i deklare: “Les zot manze lo [laplenn] Basann ek Gilead.” Zis parey bann mouton an Basann ek Gilead ti manz lerb dan laplenn fertil e ti byen portan, pareyman ozordi pep Bondye i rezwir prosperite spirityel. Wi, sa i en lot benediksyon pour sa bann ki pe mars dan en fason modes avek Bondye.—Nonm 32:1; Deterononm 32:14.
23. Ki leson nou kapab aprann ler nou konsider Mika 7:18, 19?
23 Dan Mika 7:18, 19, sa profet i fer resorti dezir Zeova pour pardonn sa bann ki repantir. Verse 18 i deklare ki Zeova pe “pardonn lerer” e i pe “les pase bann fot.” Dapre verse 19, i “pou anvoy tou zot pese dan fon lanmer.” Ki leson nou kapab aprann atraver sa? Nou kapab demann nou lekor si nou pe imit Zeova dan sa domenn. Eski nou pardonn fot ki lezot i kapab komet kont nou? Ler zot repantir e anvi aranz keksoz, nou pou anvi fer parey Zeova, pare pour pardonn konpletman e enn fwa pour tou.
24. Ki mannyer ou’n benefisye avek profesi Mika?
24 Ki mannyer nou’n benefisye par egzamin profesi Mika? I’n rapel nou ki Zeova i donn vre lespwar pour bann ki al ver li. (Mika 2:1-13) I’n ankouraz nou pour fer tou sa ki nou kapab pour promot vre ladorasyon afen ki nou kapab mars onon Bondye pour touzour. (Mika 4:1-5) Nenport sitiasyon ki nou ladan, nou kapab fer sa ki Zeova i demann nou. Wi, profesi Mika i vreman fortifye nou pour mars onon Zeova.
Konman ou pou reponn?
• Dapre Mika 6:8, ki Zeova i ekspekte nou fer?
• Kwa ki neseser si nou anvi “demontre lazistis”?
• Ki mannyer nou kapab montre ki nou “kontan labonte”?
• Ki nou bezwen fer pour ‘mars dan en fason modes avek Bondye’?
[Kestyon]
[Portre lo paz 18]
Kantmenm ti annan bann move kondisyon dan son letan, Mika ti fer sa ki Zeova i ekspekte imen fer. Ou osi ou kapab
[Portre lo paz 20]
Demontre lazistis par temwanny avek tou sort kalite dimoun
[Portre lo paz 20]
Montre ki ou kontan labonte par ed lezot ki dan bezwen
[Portre lo paz 20]
Fer sa ki ou kapab e anmenmtan montre ou modes par rekonnet ou limit