Eski nou pou vreman viv an Sekirite?

BANN zanfan, byen kontan, pe zwe avek zot paran. Lekel ki pa pou vwar sa senn atiran? Sa bann zanfan i santi zot vreman an sekirite avek zot paran ki kontan zot en kantite. Pourtan pour bokou zanfan, sa bann moman lazwa pa egziste dan zot lavi. Okontrer, serten zanfan i bezwen kas latet toulezour pour rode kote zot pou trouv en landrwa dormi tanto. Eski i annan okenn lespwar pour sa bann zanfan ki napa en lakour ek lezot ki pa santi zot an sekirite?

Kantmenm lavenir i kapab paret sonm, Parol Bondye i donn lespwar. Profet Izai ti predir ki en zour nou tou nou pou viv an sekirite total. I ti ekrir: “Zot pou konstri lakaz e zot pou reste ladan; wi, zot pou plant pye rezen e zot pou manz son fri. Zot pa pou konstri pour en lot reste, e zot pa pou plante pour en lot manze.”—Izai 65:21, 22.

Me eski nou annan bon rezon pour met konfyans dan sa lespwar? Apre tou, sa mo “lespwar” pa touzour endike ki en keksoz i garanti. Par egzanp, i annan en lekspresyon an Brezil ki dir: “Lespwar i dernyen keksoz pour mor.” Sa i vedir ki bokou dimoun i kontinyen annan lespwar menm si napa okenn vre rezon pour annan sa lespwar. Parkont, sa lespwar ki Bondye i donn nou i diferan. Zapot Pol ti ekrir: “Tou dimoun ki kwar dan [Bondye] pa pou dezapwente.” (Romen 10:11) Bann profesi Labib ki’n fini ganny akonpli i donn nou sa lasirans ki lezot promes ki Zeova in fer pou realize zot osi. Kan sa bann promes pou vin en realite, bann kondisyon ki fors bann manrmay pour reste lo semen pou en keksoz lepase.

Bann konsey pratik dan Labib i kapab ed bann ki napa lespwar pour viv en pli bon lavi e trouv vre sekirite konmela menm. Konman sa? Temwen Zeova dan ou rezyon ti pou kontan ed ou trouv larepons sa kestyon.