Zeova i protez bann ki met zot Lespwar dan Li
Zeova i protez bann ki met zot Lespwar dan Li
“Les ou labonte leker ek ou laverite kontinyen protez mwan.” —Psonm 40:11.
1. Ki Lerwa David ti demann Zeova, e ki mannyer son demann in vin vre ozordi?
LERWA DAVID dan ansyen Izrael ti ‘vreman met son lespwar dan Zeova,’ e i ti santi li pouse pour dir ki Zeova “in ouver son zorey pour ekout [li] e i ti antann kan [i] ti kriy osekour.” (Psonm 40:1) Plizyer fwa i ti vwar konman Zeova ti protez bann ki ti kontan Li. Alors, David ti kapab demande ki Zeova i kontinyen protez li. (Psonm 40:11) Vi ki David i parmi bann zonm ek fanm fidel ki pou ganny “resisite pour en lavi meyer,” ozordi David i an sekirite dan memwar Zeova konman enn ki pou ganny sa rekonpans. (Ebre 11:32-35) Son lavenir in ganny asire dan sa pli bon fason posib. Son non in ganny ekrir dan “liv souvenir” Zeova.—Malaki 3:16.
2. Ki mannyer Labib i ed nou konpran ki savedir ganny proteze par Zeova?
2 Menm si sa bann serviter fidel ki ganny mansyonnen dan Ebre 11 ti viv lo later avan Zezi, zot ti viv an armoni avek sa ki Zezi ti ansennyen ler i ti dir: “Sa ki kontan son prop lavi pou perdi li, sa ki ay son prop lavi lo sa later pou gard li pour lavi eternel.” (Zan 12:25) Alor, menm si nou ganny proteze par Zeova, sa pa vedir ki nou pa pou soufer oubyen ganny persekite. Me i vedir ki nou ganny proteze spirityelman pour ki nou kapab kontinyen annan laprouvasyon Bondye.
3. Ki levidans nou annan ki Zezi ti ganny proteze par Zeova, e ki ti son rezilta?
3 Zezi li menm ti ganny akize, persekite severman, e finalman son bann lennmi ti met li amor dan en fason kriyel e konman en dernyen dimoun. Me sa pa vedir ki Bondye pa’n gard son promes pour protez Mesi. (Izai 42:1-6) Apre ki i ti’n mor konman en dernyen dimoun, son trwazyenm zour i ti ganny resisite. Sa i prouve ki Zeova ti’n tann li ler i ti kriy osekour zis parey i ti tann David. An retour, Zeova ti donn Zezi sa lafors pour li kapab reste san defo. (Matye 26:39) Lefe ki Zeova ti protez li dan sa fason, Zezi ti ganny lavi imortel dan lesyel e plizyer milyon dimoun ki’n demontre lafwa dan son sakrifis i annan sa lespwar pour ganny lavi eternel.
4. Ki lasirans bann Kretyen swazir ek lezot “mouton” i annan?
4 Nou kapab asire ki Zeova i ankor anvi e Zak 1:17) Sa pti gin Kretyen swazir ki ankor lo later i kapab depan lo sa promes ki Zeova in fer: “En leritaz ki i’n rezerve pour zot dan lesyel, ki pa kapab ni gate, ni sali, ni fletri. Sa leritaz i pour zot ki, par lafwa, Pisans Bondye garde ziska ki delivrans i arive, pare pour ganny revele dan lafen letan.” (1 Pyer 1:4, 5) Lezot “mouton” ki annan lespwar pour viv lo later, zot osi zot kapab annan konfyans dan Bondye ek sa promes ki i ti fer atraver en psalmis: “Kontan Zeova, zot tou son bann fidel. Zeova pe protez sa bann ki fidel.”—Zan 10:16; Psonm 31:23.
kapab protez son bann serviter zis parey i ti fer dan ka David ek Zezi. (Proteze spirityelman
5, 6. (a) Ki mannyer pep Bondye in ganny proteze dan nou letan? (b) Ki kalite relasyon bann Kretyen swazir ek bann ki pou viv lo later i annan avek Zeova?
5 Dan nou letan, Zeova in fer laranzman pour protez son pep spirityelman. Zeova pa anpes son pep ganny persekite, oubyen fer fas avek difikilte ek lezot problenm ki komen dan lavi. Me i’n fidelman donn zot sa led ek lankourazman ki zot bezwen pour zot kapab protez zot relasyon entim avek li. Lafwa dan sa sakrifis ki Bondye in fourni i sa fondasyon lo ki zot in batir sa relasyon entim avek Zeova. Serten sa bann Kretyen fidel in ganny swazir par lespri sen Bondye pour vin bann dirizan ansanm avek Kris dan lesyel. Zeova in konsider zot drwat konman bann garson spirityel Bondye, e sa parol i aplik pour zot: “I’n fer nou sorti dan pisans teneb e i’n transfer nou dan Rwayonm son Garson byenneme. Par li, Bondye in delivre nou e i’n pardonn nou pese.”—Kolosyen 1:13, 14.
6 Plizyer milyon lezot Kretyen fidel i annan sa lasirans ki zot osi zot kapab benefisye avek sa sakrifis ki Bondye in fourni. Nou lir: “Fis-de-Lonm limenm pa’n vin pour ganny servi me pour servi e pour donn son lavi konman en pri pour liberasyon bokou dimoun.” (Mark 10:45) Sa bann Kretyen i enpasyan pour zot rezwir sa “laliberte ek laglwar bann zanfan Bondye,” dan son letan apropriye. (Romen 8:21) Antretan, zot seri sa relasyon ki zot annan avek Bondye e zot senserman fer zefor pour fer sa relasyon vin pli for.
7. Par ki mwayen Zeova i protez byennet spirityel son pep ozordi?
7 En fason ki Zeova i protez son pep spirityelman, i par fourni zot en progranm ki kontinyen form zot. Sa i permet zot ganny en konnesans pli egzakt lo laverite. Zeova i osi pe kontinyen fourni gidans atraver son Matye 24:45.
Parol, lorganizasyon, ek son lespri sen. Anba direksyon ‘lesklav fidel e pridan,’ pep Bondye dan lemonn antye i parey en gran fanmiy. Lesklav fidel e pridan i pran swen avek bann serviter Zeova lo plan spirityel e kan i neseser lo plan materyel, san pran kont kote zot sorti e ki pozisyon zot annan dan lasosyete.—8. Ki konfyans Zeova i annan dan son bann serviter fidel, e ki i asir zot?
8 Zis parey Zeova pa ti fizikman protez Zezi kont latak son bann lennmi, pareyman ozordi I pa protez bann Kretyen dan sa fason. Me sa pa vedir ki Bondye pa kontan son bann serviter. Okontrer, sa i montre ki Zeova i annan konfyans ki zot pou siport li an rapor avek sa kestyon enportan ki konsern tou limanite. (Zob 1:8-12; Proverb 27:11) Zeova pa pou zanmen abandonn bann ki fidel avek li, “parski Zeova i kontan lazistis, e i pa pou kit son bann fidel. Sirman zot pou ganny garde pour en letan endefini.”—Psonm 37:28.
Proteze par Labonte Leker ek Laverite
9, 10. (a) Ki mannyer laverite Zeova i protez son pep? (b) Ki mannyer Labib i montre ki Zeova i protez son bann serviter fidel par mwayen son labonte leker?
9 Dan son lapriyer ki i ti fer dan Psonm 40, David ti demande ki i ganny proteze par labonte leker ek laverite Zeova. Laverite Zeova ek son lanmour pour ladrwatir i fer li fer resorti son bann standar dan en fason kler. Bann ki viv dapre son standar i ganny proteze en kantite kont soufrans, lafreyer, ek problenm ki lezot i gannyen akoz zot inyor bann standar Zeova. Par egzanp, nou kapab protez nou lekor ek bann ki nou kontan kont en kantite problenm si nou evite servi drog, abiz lalkol, en lavi dezord, ek vyolans. Menm bann ki’n elwannyen avek semen laverite, zis parey i’n deza arive avek David, zot annan sa lasirans ki Bondye i ankor “en landrwa kasyet” pour bann ki repantir. Avek lazwa zot kapab kriye: “Ou pou protez mwan dan ladetres.” (Psonm 32:7) Pa sa i vreman en gran zes labonte leker delapar Bondye!
10 En lot legzanp labonte leker Bondye i ki i averti son bann serviter pour reste separe avek sa lemonn mesan ki byento i pou detrir. Nou lir: “Pa bezwen kontan lemonn ni sa bann keksoz ki dan lemonn. Si en dimoun i kontan lemonn, i napa lanmour pour nou Papa dan li. Tou sa ki dan lemonn: dezir natir imen, dezir atraver nou lizye ek lorgey dan lavi toulezour, tousala pa sorti kot nou Papa me i sorti dan lemonn.” Si nou pran aker sa lavertisman e azir an armoni avek sa parol, nou pou kapab protez nou lavi pour touzour, parski sa verse i kontinyen par dir: “Lemonn pou disparet ek tou son bann dezir; me sa ki fer lavolonte Bondye i reste eternelman.”—1 Zan 2:15-17.
Proteze par Abilite pour reflesir, Disernman, ek Lasazes
11, 12. Eksplike ki mannyer abilite pour reflesir, disernman ek lasazes i kapab protez nou.
11 Pour bann ki anvi ganny laprouvasyon Bondye, Salomon, garson David, ti ganny enspire pour ekrir: “Abilite pour reflesir pou vey lo ou, e disernman pou protez ou.” I ti osi dir: “Rod lasazes . . . Pa bezwen kit li e i pou vey ou. Kontan li e i pou protez ou.”—Proverb 2:11; 4:5, 6.
12 Si nou reflesir lo sa ki nou aprann dan Parol Bondye, nou pe servi nou abilite pour reflesir. Kan nou fer sa, i ed nou devlop en pli bon disernman pour nou kapab etablir byen nou bann priyorite. Sa i enportan, parski laplipar nou nou konnen, petet atraver leksperyans, ki problenm i arive kan en dimoun i etablir bann priyorite ki pa apropriye. I kapab fer sa par ekspre oubyen san ki i realize. Larises, vin popiler, annan pouvwar, tousala i bann lobzektif ki sa lemonn Satan i met devan nou, tandis ki Zeova li i ankouraz nou pour etablir bann lobzektif spirityel ki pli enportan. Si nou pa met bann lobzektif spirityel avan bann lobzektif lemonn, sa i kapab kas fanmiy, detrir lanmitye, e nou pou nepli annan bann lobzektif spirityel. An rezilta, en dimoun i kapab rekolte sa konsekans tris ki Zezi ti fer resorti: “Ki profi i annan pour en zonm ganny lemonn antye si i perdi son lavi?” (Mark 8:36) Lasazes i fer nou pran aker konsey Zezi: “Rod plito Rwayonm Bondye ek son lazistis, e limenm i a donn zot anplis tou lezot keksoz osi.”—Matye 6:33.
Danze pour mazin zis nou Lekor
13, 14. Dekrir en dimoun ki mazin zis son prop lekor e akoz i pa saz pour vin koumsa?
13 Natirelman tou dimoun i enterese avek son lekor. Me problenm i leve kan nou dezir ek nou lentere i vin keksoz pli enportan dan nou lavi. Alor, pour ed nou protez nou relasyon avek li, Zeova i enstri nou konman pour evite mazin zis nou lekor. Ler en dimoun i mazin zis son lekor i “konsantre zis lo son prop dezir, bezwen oubyen lentere.” Pa koumsa menm ki bokou dimoun i ete ozordi? I enportan fer resorti ki Labib ti predir ki dan “bann dernyen zour” sa sistenm Satan, “zonm pou vin egois” oubyen zot pou mazin zis zot lekor.—2 Timote 3:1, 2.
14 Bann Kretyen i konpran ki i saz pour Lik 10:27; Filipyen 2:4) Dimoun an zeneral i kapab vwar sa konman en keksoz ki pa fer sans. Me sa i tre enportan si nou anvi reisi dan nou lavi maryaz, annan bon relasyon dan fanmiy ek en bon lanmitye avek lezot. Alor, en serviter Zeova pa zanmen devret les sa dezir natirel pour enterese avek son lekor domin son lavi ziska en pwen ki i nepli rod sa ki pli enportan. Lentere pli enportan i sa ki Zeova i enterese avek, sa Bondye ki i adore.
obeir sa komannman dan Labib ki ankouraz zot pour demontre lentere dan lezot e kontan lezot parey zot kontan zot prop lekor. (15, 16. (a) Ki kapab arive avek en dimoun ki mazin zis son lekor, e ki legzanp nou annan? (b) An realite, ki en dimoun pe fer kan i vitman ziz lezot?
15 En dimoun ki mazin zis son lekor i kapab avek letan krwar ki i tro zis. Sa i kapab fer li pa aksepte lopinyon lezot. I menm kapab fer keksoz ki i pa devret fer. Sa ki Labib i dir i byen apropriye: “Ou ki pas zizman lo lezot, ou san okenn leskiz, nenport ki, ki ou ete. Parski ler ou ziz lezot, e ki ou, ou pe fer menm keksoz, ou pe kondann oumenm.” (Romen 2:1; 14:4, 10) Bann sef relizye dan letan Zezi ti telman konvenki ki zot zis, ki zot pa ti ezite pour kondann Zezi ek son bann disip. Kan zot ti fer sa, zot ti azir konman bann ziz. Vi ki zot pa ti pe vwar zot prop defo, alor an realite zot ti anmenn kondannasyon lo zot menm.
16 Zida, en disip ki ti trai Zezi, ti les li ganny enfliyanse pour ziz lezot. En zour Betani, Mari, ser Lazar, ti vid delwil lo lipye Zezi, me Zida pa ti kontan ditou. Avek lakoler i ti argimante: “Akoz pa ti vann sa parfen pour 300 denye, e donn sa larzan bann pov?” Me Labib i azout sa leksplikasyon: “I pa ti dir sa akoz i ti kontan bann pov, me akoz i ti en voler. Zida ki ti responsab larzan, ti abitye vol larzan dan zot sak.” (Zan 12:1-6) Annou pa zanmen vin parey Zida oubyen bann sef relizye ki ti vitman ziz lezot, e ki an realite ti anmenn kondannasyon lo zot menm.
17. Donn legzanp pour montre ki danze i annan pour vin orgeye oubyen pour annan tro bokou konfyans dan nou lekor.
17 Menm si zot pa ti bann voler parey Zida, malerezman, serten bann premye Kretyen ti les zot vin orgeye e vantar. Zak ti ekrir sa lo zot: “Me ou ki ou fer, ou fer vantar!” Apre i ti azoute: “Sa kalite vantar i move.” (Zak 4:16) Si nou vant nou lekor konsernan sa ki nou’n fer oubyen akoz nou privilez ki nou annan dan servis Zeova, sa i kapab afekte nou menm. (Proverb 14:16) Nou mazinen ki ti arive avek zapot Pyer, ki a en serten moman ti annan tro bokou konfyans dan son lekor e i ti vant son lekor: “Kantmenm tou lezot i abandonn ou, mwan mon pa pou zanmen abandonn ou! . . . Mon pa pou zanmen renye ou, menm si fodre mon mor avek ou!” Anfet, nou napa nanryen ki donn nou rezon ponp nou lekor. Tou sa ki nou annan i gras a labonte leker Zeova. Kan nou toultan gard sa antet, sa pou anpes nou vin orgeye.—Matye 26:33-35, 69-75.
18. Ki mannyer Zeova i santi konsernan lorgey?
18 Labib i dir: “Avan maler i annan lorgey, e avan fo pa en lespri arogan.” Akoz? Annou les Zeova reponn: “Larogans, lorgey . . . mon’n deteste.” (Proverb 8:13; 16:18) Se pour sa rezon ki Zeova ti ankoler kan lerwa Lasiri ti konmans vin ensolan e met li pli o ki lezot. (Izai 10:12) Zeova ti fer li rann kont pour son larogans. Byento, sa lemonn Satan ansanm avek son bann dirizan orgeye, fyer, ki swa vizib ou envizib pou osi rann kont Zeova. Annou pa zanmen imit latitid arogan ki bann lennmi Zeova i annan!
19. Pour ki rezon pep Bondye i fyer e anmenmtan abes zot?
19 Bann vre Kretyen i annan tou rezon pour fyer ki zot bann serviter Zeova. (Zeremi 9:24) Anmenmtan, zot annan tou rezon pour toultan abes zot. Akoz? “Parski tou dimoun in fer pese e pa’n arive ganny laglwar Bondye.” (Romen 3:23) Alor, pour protez nou pozisyon konman serviter Zeova, nou devret annan menm latitid avek zapot Pol ki ti dir: “Kris Zezi in vin dan lemonn pour sov bann peser,” epi i ti azoute: “Mwanmenm premye.”—1 Timote 1:15.
20. Ki mannyer Zeova i protez son pep ozordi, e konman i pou protez zot alavenir?
20 Pep Zeova ozordi i kontan pour met bann keksoz personnel dan dezyenm plas, pour ki keksoz spirityel i vin premye dan zot lavi. Alor, nou kapab asire ki Zeova pou protez nou spirityelman. Nou osi kapab asire ki zour gran ladetres i konmanse, Zeova pa pou zis protez son pep spirityelman me osi fizikman. Kan zot in antre dan nouvo lemonn Bondye, zot pou kapab kriye: “Gete! Sa i nou Bondye. Nou’n annan lespwar dan li, e i pou sov nou. Sa se Zeova. Nou’n annan lespwar dan li. Annou zwaye e rezwir dan delivrans ki i’n anmennen.”—Izai 25:9.
Eski ou rapel?
• Ki mannyer Lerwa David ek Zezi Kri ti ganny proteze?
• Ki mannyer pep Zeova i ganny proteze ozordi?
• Akoz nou pa devret tro mazin zis nou lekor?
• Akoz nou kapab fyer, me anmenmtan abes nou?
[Kestyon]
[Portre lo paz 19]
Ki mannyer Zeova ti protez David ek Zezi?
[Portre lo paz 21]
Dan ki fason pep Bondye i ganny proteze spirityelman ozordi?
[Portre lo paz 22]
Kantmenm nou fyer ki nou pe servi Zeova ozordi, nou bezwen toultan abes nou