Okonmansman persekite, plitar ganny apresye

DETRWA lannen pase, Santiago ek son madanm Lourdes ti al reste dan en zoli lavil ki apel Huillcapata, Peru, pour partaz sa mesaz Labib ki donn lespwar avek bann dimoun laba. Me deswit en pret ki ti sorti Cuzco ti ralye bann dimoun dan sa lavil. I ti dir zot ki sa bann Temwen Zeova ki’n fek arive pou anmenn en fleo ki pou okazyonn lanmor e zot pou fer lanez tonm sitan for ki sa pou touy zot bann bef e detri zot plantasyon.

Bokou dimoun ti krwar sa ki sa pret ti “dir,” e pour plis ki sis mwan, tou dimoun dan sa lavil pa ti oule etidye Labib avek Santiago ek Lourdes. En zofisye gouvernman ki apel Miguel ti tay deryer zot, i ti saboul zot avek ros. Me kantmenm sa, Santiago ek Lourdes ti toultan konport zot dan en bon fason, lafason ki en Kretyen i devret.

Avek letan, serten dimoun dan sa lavil ti aksepte en letid Labib. Menm Miguel, ti sanz son latitid. I ti konmans etidye Labib avek Santiago, i ti aret abiz lalkol, e i ti konmans viv anpe avek tou dimoun. Avek letan, Miguel ansanm avek son madanm ek son de fiy ti aksepte laverite dan Labib.

Ozordi, i annan en kongregasyon Temwen Zeova ki pe byen progrese dan sa lavil. Miguel i kontan ki laplipar ros ki i ti anvoy lo Santiago ek Lourdes ti mank zot. I osi apresye bon legzanp sa koup ki ti reste kalm kantmenm sa.

[Portre lo paz 32]

Lefe ki Santiago ek Lourdes (anler) ti reste kalm, sa ti fer Miguel (lo kote drwat) sanz son latitid