Daniel ek son Badz pour Lasanble

ZEZI ti reprimann bann sef relizye ki i tro zis e ki ti ankoler kan zot vwar bann zenn garson pe loue Bondye an piblik. Konsernan sa, Zezi ti demann zot: “Wi. Zanmen zot in deza lir: ‘Dan labous bann zanfan ek bann pti baba, ou’n fer sorti kantik’?”—Mat. 21:15, 16.

Daniel ki annan sis an i dan en kongregasyon ki koz langaz Larisi an Lalmanny. Par son legzanp i ti donn laprev ki bann zenn i ankor touzour loue Zeova. Avek son manman ek son ser i ti asiste en lasanble Temwen Zeova an Duisburg. Sa ti premye fwa ki zot asiste en gran lasanble. Tou keksoz ti nouvo: lotel, en gran lodyans, asize trwa zour san bouze, batenm, ensi ki dram. Ki mannyer Daniel ti konport li? Son kondwit ti egzanpler.

Son Lendi apre lasanble kan zot ti kot lakour, Daniel ti lev boner pou al lakres. Me kwa ki i ti kit lo son dyaket? Sa badz lasanble ki i ti idantifye li konman en delege lasanble! Son manman ti dir li: “Lasanble in fini. Ozordi ou kapab tir ou badz.” Me Daniel ti reponn: “Mon anvi ki tou dimoun i vwar kote mon ti ete e konnen kwa ki monn aprann.” Sa lazournen antye kot lakres i ti gard son badz lo li avek lafyerte. Kan son ansennyan ti kestyonn li lo la, i ti eksplik li progranm lasanble.

Par fer sa, Daniel ti pe swiv legzanp bann milye garson ek fiy ki’n loue Zeova an piblik diran plizyer syek.