Montre Respe pour nou bann Renyon sakre
Montre Respe pour nou bann Renyon sakre
“Mon pou osi fer zot vini dan mon montanny sen e mon pou fer zot kontan dan mon lakaz lapriyer.”—IZAI 56:7.
1. Ki rezon nou annan dan Labib pour demontre respe pour nou bann renyon?
ZEOVA in rasanble son pep, bann Kretyen swazir ek bann ki asosye avek zot pour ador li dan son “montanny sen.” I fer zot kontan dan son “lakaz lapriyer,” setadir son tanp spirityel, ki “en lakaz lapriyer pour tou bann nasyon.” (Izai 56:7; Mark 11:17) Lafason ki Zeova in rasanble son pep i montre ki son ladorasyon i sen, pir e siperyer. Ler nou demontre en respe apropriye pour nou bann renyon kot nou etidye e ador Bondye, nou montre ki nou annan menm pwennvi ki Zeova lo bann keksoz sakre.
2. Kwa ki montre ki Zeova ti konsider son landrwa ladorasyon sakre, e ki mannyer Zezi ti montre ki i annan menm pwennvi ki Zeova?
2 Lepok pep Izrael, landrwa ki Zeova ti swazir pour son ladorasyon ti ganny konsidere konman sakre. Zot ti sangtifye e devid delwil lo Tabernak, son bann meb ek lekipman pour ‘ki zot vin vreman tre sen.’ (Egzod 30:26-29) Sa de lasanm dan Tabernak ti ganny apele “Landrwa Sen” ek ‘Tre Sen.’ (Ebre 9:2, 3) Plitar tanp Zerizalenm ti ranplas sa tabernak. Alor Zerizalenm ti vin landrwa santral pour ador Zeova e pour sa rezon i ti ganny apele “lavil sen.” (Neemya 11:1; Matye 27:53) Pandan son minister lo later, Zezi ti montre en respe apropriye pour tanp. I ti ankoler ler i ti vwar dimoun pe mank respe pour tanp par servi sa landrwa pour fer biznes oubyen pas atraver tanp pour anmenn en keksoz dan en lot landrwa Zerizalenm.—Mark 11:15, 16.
3. Kwa ki montre ki bann lasanble an Izrael ti sakre?
3 Bann Izraelit ti rasanble ansanm regilyerman pour ador Zeova e ekout dimoun pe lir son Lalwa. Serten zour, i ti annan bann lafet e sa bann zour ti bann lasanble sen oubyen solannel pour montre ki sa bann lasanble ti sakre. (Levitik 23:2, 3, 36, 37) Dan letan Ezra ek Neemya, i ti annan en gran lasanble kot bann Levit “ti eksplik lalwa avek lepep.” Vi ki “tou dimoun ti pe plere ler zot ti tann bann parol lalwa,” bann Levit ti bezwen donn lord lepep pour “reste trankil, an dizan: ‘Reste trankil! akoz sa i en zour sen.’” Epi bann Izraelit ti selebre Lafet bann Payot pour set zour avek ‘en gran lazwa.’ Deplis, “zot ti lir for liv lalwa vre Bondye zour apre zour, depi premye zour ziska dernyen zour; e zot ti selebre sa lafet pandan set zour e wityenm zour, i ti annan en lasanble solannel, dapre lareg.” (Neemya 8:7-11, 17, 18) Sa ti vreman bann levennman sen kot tou dimoun prezan ti bezwen demontre respe ek latansyon.
Nou bann Renyon i sakre
4, 5. Ki laspe dan nou bann renyon ki montre ki zot sakre?
4 I vre ki ozordi Zeova napa en lavil spesifik ki sen isi lo later avek en tanp dedye pour ladorasyon Bondye. Toudmenm, nou pa devret oubliye ki ler nou zwenn pour ador Zeova, sa i bann renyon sakre. Trwa fwa par semenn, nou zwenn pour nou lir e etidye Labib, pour ‘eksplik’ lalwa, e ‘kontinyen fer Neemya 8:8) Tou renyon i konmans e fini avek lapriyer, e dan laplipar sa bann renyon nou sant bann kantik pour loue Zeova. (Psonm 26:12) Bann renyon kongregasyon i fer parti nou ladorasyon e i demann lo nou par en latitid ek latansyon respektab.
bann dimoun konpran’ Parol Zeova, parey dan letan Neemya. (5 Zeova i beni son pep ler zot zwenn ansanm pour ador li, etidye son Parol, e pas bann moman agreab avek lezot Kretyen. Ler i annan en renyon, nou kapab asire ki Zeova ‘in donn lord ki son benediksyon i laba.’ (Psonm 133:1, 3) Nou osi nou ganny beni si nou la prezan dan renyon pe ekout atantivman sa progranm spirityel. Deplis, Zezi ti dir: “La kot de ou trwa dimoun in rasanble an mon non, mon la omilye zot.” Dapre konteks, sa i aplik pour bann ansyen ki pe regle bann problenm serye ki dimoun i kapab annan antre zot, me i kapab osi aplik lo bann renyon. (Matye 18:20) Si Kris i prezan atraver lespri sen Bondye ler nou zwenn an son non, pa nou devret konsider bann renyon konman sakre?
6. Ki nou kapab dir lo nou bann renyon pti konman gran?
6 Nou konnen ki Zeova pa reste dan bann tanp ki ganny fer par zonm. Me selman, nou bann Lasal Rwayonm i landrwa kot nou ador Bondye dan sa bon fason. (Akt 7:48; 17:24) Se la kot nou zwenn pour etidye Parol Zeova, priye e sant bann kantik pour Zeova. Sa i osi vre pour bann Lasal Lasanble. Lezot fasilite ki nou servi pour nou bann lasanble parey sant konferans, stad oubyen lezot ankor i vin en landrwa kot nou ador Zeova ler nou organiz en lasanble sakre ladan. Dan tou sa bann lokazyon, pti konman gran, i devret evidan ki nou annan respe pour sa levennman par nou kondwit ek latitid.
Ki mannyer montre Respe pour nou bann Renyon
7. Dan ki fason evidan nou kapab montre respe pour nou bann renyon?
7 I annan diferan fason ki evidan kot nou kapab montre respe pour nou bann renyon. En fason se ler nou la prezan pour sant bann kantik Rwayonm. Plizyer sa bann kantik i parey bann lapriyer e pour sa rezon nou devret sant zot avek respe. Zapot Pol ti pe sit Psonm 22 ler i ti dir lo Zezi: “Mon pou anons parmi mon bann frer, tou sa ki ou’n fer mon pou rann ou glwar [avek bann kantik] dan zot lasanble.” (Ebre 2:12) Alors, nou devret fer sir ki nou dan nou plas avan ki tyermenn i entrodwir sa kantik. Nou devret osi sant e konsantre lo sa ki sa bann parol i dir. Nou swete ki ler nou sant kantik nou annan menm santiman ki sa psalmis ki ti ekrir: “Mon pou loue Zeova avek tou mon leker dan group entim bann zonm drwat e dan lasanble.” (Psonm 111:1) Wi, sant kantik pour Zeova i en bon rezon pour nou ariv avan ki renyon i konmanse e reste ziska renyon i fini.
8. Ki legzanp dan Labib ki demontre i enportan pour montre respe pandan lapriyer?
8 En lot laspe ki vreman amelyor nou bann renyon i ler bann frer i fer lapriyer pour lodyans avek tou zot leker. En fwa Zerizalenm, bann premye Kretyen ti “met zot ansanm pour priy Bondye” dan linite e avek senserite. An rezilta, menm si zot ti ganny persekite, zot ti kontinyen “anons mesaz Bondye san okenn lafreyer.” (Akt 4:24-31) Eski ou panse ki serten ti pe mazin lezot keksoz zour ki sa lapriyer ti ganny fer? Non, akoz i dir nou ki zot ti “met zot ansanm” pour priye. Lapriyer dan nou bann renyon i reflekte bann santiman ki tou bann ki prezan i annan. Alor, i enportan ki nou ekout lapriyer avek respe.
9. Ki mannyer nou kapab montre respe pour nou bann renyon sakre par nou resanz ek kondwit?
9 Nou osi kapab montre ki nou vreman annan respe pour nou bann renyon par lafason ki nou sanze dan sa bann lokazyon. Nou resanz ek nou fason pennyen i montre respe ki nou annan pour nou bann renyon. Zapot Pol ti donn sa konsey: “Mon oule alor ki bann zonm i priye partou an levan lanmen, san okenn lakoler, ni dispit. Mon oule osi ki bann madanm i abiy zot byen desaman, respektab, dan en fason konvenab e senp. Pa bezwen ki zot orn zot avek lanmod seve konplike, avek bizou an-or, ou perl ek labiyman byen ser, me okontrer ki zot ganny admire pour zot bann bonn aksyon, ki apropriye pour bann madanm ki relizye.” (1 Timote 2:8-10) Ler nou asiste bann gran lasanble ki deor dan bann stad, menm si i fer so nou kapab sanz dan en fason ki respektab. Deplis, akoz nou respe pour sa levennman, nou pa pou manze oubyen manz tingonm pandan progranm. Par nou resanz ek nou kondwit dan nou bann renyon, nou montre respe pour Zeova, pour son ladorasyon ek bann frer ek ser.
En Kondwit ki adapte avek bann Serviter Bondye
10. Ki mannyer zapot Pol ti montre ki standar nou kondwit pour nou bann renyon i devret onivo?
10 Dan 1 Korentyen, sapit 14, nou vwar konsey zapot Pol lo lafason ki bann renyon Kretyen i devret deroule. An konklizyon i ti dir: “Fer tou keksoz byen e avek lord.” (1 Korentyen 14:40) Nou bann renyon i en laspe enportan nou ladorasyon dan kongregasyon Kretyen, e i demann en kondwit ki al byen avek bann serviter Bondye.
11, 12. (a) Ki bann zanfan ki asiste renyon i devret konpran? (b) Ki mannyer bann zanfan i kapab demontre zot lafwa dan bann renyon?
Eklezyast 5:1) Moiz ti dir bann Izraelit zwenn ansanm, “zanfan” konman gran dimoun. I ti dir: “Rasanble lepep . . . pour zot kapab ekoute e ki zot kapab aprann, akoz zot devret annan lakrent pour Zeova zot Bondye e fer atansyon pour aplik tou bann parol sa lalwa. E zot garson ki pa’n konnen, i devret ekoute, e zot devret aprann pour annan lakrent pour Zeova.”—Deterononm 31:12, 13.
11 Espesyalman, zanfan i devret konpran konman pour kondwir zot dan bann renyon. Bann paran Kretyen i devret eksplik zot zanfan ki Lasal Rwayonm ek kot i fer Letid Liv Kongregasyon i pa en landrwa pour zwe. Plito, i bann landrwa kot nou ador Zeova e etidye son Parol. Lerwa saz Salomon ti ekrir: “Vey ou lipye ler ou al kot lakaz vre Bondye; e koste pour ou tande.” (12 Ozordi i parey, bann zanfan i asiste bann renyon avek zot paran pour ekoute e aprann. Ler zot kapab swiv progranm e konpran serten lansennyman debaz, zanfan i osi kapab servi “zot labous” pour eksprim zot lafwa par bann pti larepons. (Romen 10:10) En pti zanfan i kapab dir detrwa mo pour reponn en kestyon ki i kapab konpran. Premye kou petet i pou bezwen lir son larepons, me avek letan i pou anvi eksprim son lekor dan son prop mo. Sa pou byen e enteresan pour sa zanfan, e bann larepons senser dan son prop mo pou osi fer bann pli gran kontan. I byen si paran i montre legzanp par reponn zot menm. En bon keksoz osi, se ler bann zanfan i annan zot Labib, liv kantik ek sa liv oubyen magazin ki pe ganny etidye. Zot devret aprann pour pran swen avek tou sa bann liv oubyen magazin. Tousala pou ed sa zanfan pour konpran ki nou bann renyon i sakre.
13. Ki nou anvi pour bann ki asiste renyon pour premye fwa?
13 Byensir, nou pa anvi ki nou bann renyon i vin parey bann servis dan bann legliz swadizan Kretyen. I pa devret sitan serye oubyen avek en ta tapaz parey dan en spektak anvil. Nou anvi ki nou bann renyon kot Lasal Rwayonm i annan en bon latmosfer agreab, me pa sitan egzazere ki i vin parey dan en piknik oubyen en parti. Nou zwenn pour ador Zeova e pour sa rezon nou bann renyon i devret annan sa respe. Nou anvi ki bann ki vin pour premye fwa i ekoute e get nou kondwit ek kondwit nou zanfan e ki apre zot dir: “Bondye i reelman parmi zot.”—1 Korentyen 14:25.
En Laspe permanan nou Ladorasyon
14, 15. (a) Ki mannyer nou kapab pa ‘negliz lakaz nou Bondye’? (b) Konman Izai 66:23 i ganny akonpli?
14 Parey nou ti dir taler, Zeova pe rasanble son pep e fer zot kontan dan son “lakaz lapriyer,” son tanp spirityel. (Izai 56:7) En zonm fidel, Neemya, ti rapel lezot Zwif ki zot devret demontre respe pour tanp Zerizalenm par fer bann kontribisyon materyel. I ti dir: “Nou pa devret negliz lakaz nou Bondye.” (Neemya 10:39) Deplis, nou pa devret pran alalezer ler Zeova i envit nou pour ador li dan son “lakaz lapriyer.”
15 Pour montre lenportans pour zwenn regilyerman pour ador Bondye, profet Izai ti Izai 66:23) Sanmenm sa ki arive ozordi. Regilyerman, setadir sak semenn sak mwan, bann Kretyen i zwenn ansanm pour ador Zeova. De fason ki zot fer li se par asiste bann renyon Kretyen e partisip dan predikasyon. Eski ou osi ou vin tou le semenn pour ador Zeova?
dir: “Zeova in dir, ‘I pou sirman arive ki nouvel-lin apre nouvel-lin e saba apre saba, tou dimoun pou vin pour prostern zot devan mwan.’” (16. Akoz asiste renyon i devret vin en laspe permanan nou lavi la konmela?
16 Izai 66:23 pou ganny son realizasyon konplet dan nouvo lemonn promiz Zeova. Dan paradi, “tou dimoun” pou vreman, semenn apre semenn e mwan apre mwan, “vin pour prostern” oubyen ador Zeova pour leternite. Vi ki ador Zeova pou touzour en laspe permanan dan nou lavi spirityel dan nouvo lemonn Bondye, pa i fer sans pour nou konmans la konmela pour asiste regilyerman nou renyon sakre?
17. Akoz nou bezwen nou bann renyon ‘sirtou la ki Zour Senyer pe aprose’?
17 Pli lafen i aprose, pli nou devret determinen pour asiste nou bann renyon pour nou ador nou Bondye. Vi ki nou annan en respe pour nou bann renyon akoz zot sakre, nou pa les nou travay, devwar lekol, oubyen lezot kour fer nou regilyerman mank renyon. Nou byen bezwen lafors ki vin avek asosye avek nou bann frer ek ser. Dan nou bann renyon Kretyen, nou kapab konn kanmarad pli byen, ankouraz lezot e “pous kanmarad pour annan lanmour e fer sa ki byen.” Nou bezwen fer sa ‘sirtou la ki Zour Senyer pe aprose.’ (Ebre 10:24, 25) Alor annou touzour demontre en respe pour nou bann renyon sakre par asiste nou bann renyon regilyerman, par en resanz apropriye ek en bon kondwit. Si nou fer sa, nou pou montre ki nou annan menm pwennvi ki Zeova lo sa ki sakre.
Revizyon
• Kwa ki montre ki Zeova i konsider sakre bann renyon kot son pep i ador li?
• Ki laspe nou bann renyon ki montre ki nou bann renyon i sakre?
• Ki mannyer bann zanfan i kapab montre ki zot konpran ki nou bann renyon i sakre?
• Akoz asiste nou bann renyon i devret en laspe permanan nou lavi?
[Kestyon]
[Portre lo paz 28]
Bann renyon kot nou ador Zeova i bann renyon sakre nenport landrwa kot zot ganny organize
[Portre lo paz 31]
Nou bann zanfan i asiste renyon pour ekoute e aprann