Eski linite mondyal i posib?

ESKI sa lemonn pe al ver lape ouswa ver dezas? I paret ki i kapab annan en largiman lo tou le de pwennvi.

De lot kote, serten dirizan politik in koz avek konfyans lo lape mondyal konman en lobzektif ki zot kapab atenn, petet akoz zot panse ki si zot pa kapab anmenn lape mondyal, sitiasyon sa lemonn pou vin tro efreyan pour mazin lo la. Dan en lot kote, bokou i vreman per bann kestyon parey: Lekel bann pei ki annan zarm destriksyon lamas? Eski zot pou vreman servi li? Ki pou arive si zot servi sa bann zarm?

Listwar i montre ki depi lontan konfli ek prezidis i souvandfwa bann lobstak ki fer li enposib pour annan okenn lespwar pour linite. Larelizyon osi in fer son par pour entansifye bann konfli olye elimin zot. En zournalis ki apel James Haught ti dir: “Nenport ki size ki diviz dimoun i kapab kree en konfli, e larelizyon i en keksoz ki pli diviz bann imen. Malgre sa krwayans popiler ki larelizyon i fer dimoun vin pli ‘bon,’ i evidan o kontrer ki i fer serten dimoun komet bann aksyon vreman kriyel.” En ekriven ki apel Steven Weinberg ti annan menm pwennvi, i ti dir: “Pour en bon dimoun fer sa ki mal, zis larelizyon i sifi.”

Eski i annan okenn lespwar ki en zour sa lemonn pou ini? Wi! Parey nou pou vwar sa sours linite dan lemonn antye pa pou sorti ni kot zonm ni kot bann larelizyon ki ganny fer par zonm.

[Blurb lo paz 3]

Eski lemonn i parey en grenad ki pros pour pete?