Sa madanm ti sorti dan fanmir Kaif
Sa madanm ti sorti dan fanmir Kaif
Parler, bann dekouvert arkeolozik i konfirmen direkteman ouswa endirekteman ki en personnaz dan Labib ti vreman egziste. Par egzanp, an 2011, bann spesyalis Labib Izraelyen ti pibliy en lenformasyon konsernan en dekouvert ki ti prouv sa. Dan en kof an ros, ki annan apepre 2,000 an, i ti annan lezo en dimoun mor ki ti’n ganny mete ladan apre ki sa lekor ti’n dekonpoze.
Lo sa kof, i ti annan sa lenskripsyon: “Miryam, fiy Yesoua garson Kaif, pret Maazya sorti Bet Imri.” Kaif ki ti sa gran pret Zwif ki ti enplike dan zizman ek egzekisyon Zezi. (Zan 11:48-50) Istoryen Flavius Josephus i refer avek li konman “Joseph, ki ti osi ganny apele Kaif.” Sa kof ti aparaman pour enn son fanmir. Vi ki lenskripsyon lo en kof ki ti’n ganny dekouver pli boner ti pour gran pret li menm e i ti annan sa lenskripsyon: Yehosef bar Caiapha, ouswa Joseph garson Kaif, * alor, Miryam ti en fanmir Joseph.
Dapre lenformasyon ki Israel Antiquities Authority (IAA), i donnen, kof Miryam ti ganny pran avek bann voler ki ti’n fouy en vye latonm. Bann analiz lo sa dekouvert ek son lenskripsyon i prouve ki i otantik.
Sa kof i osi dir nou en keksoz nouvo. I refer avek “Maazya” ki ti dernyen group pret parmi sa 24 group pret ki ti pe servi sakenn son tour kot tanp Zerizalenm. (1 Kron. 24:18) IAA i dir ki sa lenskripsyon lo sa kof i revele ki “fanmir Kaif ti tonm dan group Maazya.”
Sa lenskripsyon i osi mansyonn Bet Imri e i kapab ganny enterprete dan de fason. IAA i dir: “Premye se ki i posib ki Bet Imri i non en fanmir pret, bann garson Imer, (Ezra 2:36, 37; Neemya 7:39-42) ki son desandans ti tonm dan group Maazya.” “Dezyenm posibilite se ki [Bet Imri] i landrwa kot sa defen ti sorti ouswa son fanmir antye.” Tou fason, kof Miryam i donn laprev ki Labib i koz lo bann dimoun ki ti vreman egziste e ki ti form parti bann vre fanmir.
[Not anba lo paz]
^ par. 3 Konsernan kof Kaif, vwar sa lartik ki annan pour tit “Sa gran pret ki ti kondann Zezi” dan Latour Veyer le 15 Zanvye 2006 paz 10-13 an Angle oubyen Franse.
[Portre lo paz 30]
Potre par deryer: Landrwa kot sa bann kof ti ganny mete
[Portre par]
Todd Bolen/BiblePlaces.com
[Portre lo paz 30]
[Portre par]
Boaz Zissu, Liniversite Bar-Ilan, Izrael
