En nouvo manm lo Konsey Direkter

Merkredi bomaten, le 5 Septanm 2012, i ti ganny anonse avek lafanmir Betel Leta-z-ini ek Kanada ki en nouvo manm ti’n ganny azoute lo Konsey Direkter Temwen Zeova. Depi le 1 Septanm 2012, Mark Sanderson ti konmans son servis.

Frer Sanderson ti ganny elve par son paran Kretyen dan lavil San Diego, California, Leta-z-ini, e i ti batize le 9 Fevriye 1975. Le 1 Septanm 1983, i ti konmans servi konman pionye Saskatchewan, Kanada. Desanm 1990, i ti termin son formasyon setyenm laklas Lekol Formasyon Ministeryel Leta-z-ini (ki aprezan i apel Lekol pour bann frer selibater). An Avril 1991, Frer Sanderson ti ganny apwente pionye spesyal lo zil Newfoundland, Kanada. Apre ki i ti’n servi konman en sirveyan rezyonal ranplasan, i ti ganny envite pour form parti lafanmir Betel Kanada an Fevriye 1997. An Novanm 2000, i ti ganny transfer biro brans Leta-z-ini pour travay dan Servis Lenformasyon Lopital e plitar dan Departman Servis.

An Septanm 2008, Frer Sanderson ti asiste Lekol pour manm Komite Biro Brans e apre sa i ti ganny apwente konman en manm Komite Brans Filipin. An Septanm 2010, i ti ganny envite pour retourn Leta-z-ini kot i ti servi konman en led lo Komite Servis Konsey Direkter.

[Portre lo paz 26]

[Bwat lo paz 26]

Manm Konsey Direkter konmela

Deryer, gos ziska drwat: David Splane, Anthony Morris III, Mark Sanderson, Geoffrey Jackson, Stephen Lett. Devan, gos ziska drwat: Samuel Herd, Gerrit Lösch, Guy Pierce. Tou manm Konsey Direkter i en Kretyen swazir.

[Portre]