Eski ou rapel?

Eski ou’n lir byen bann dernyen nimero Latour Veyer? Vwar si ou kapab reponn sa bann kestyon swivan:

Kan ki Zezi ti pres avek sa bann “lespri prizonnyen”? (1 Pyer 3:19)

I paret ki en pe letan apre son rezireksyon, Zezi ti dir avek sa bann move lanz ki pinisyon ti pe esper zot.​—15/6-SC, paz 23.

Ki trwa defi pour reisi dan en dezyenm maryaz?

Sa i: pa anpes ou premye maryaz afekte ou maryaz aktyel; koz avek bann zanmi ki pa tro konn ou nouvo konzwen; annan konfyans dan ou nouvo konzwen menm si ou premye konzwen pa ti fidel.​—1/9-SC, paz 11-12.

Kan ki Zezi pou ziz dimoun konman mouton ouswa kabri? (Mat. 25:32)

Sa pou kan Zezi i vini pour ziz bann dimoun pandan gran ladetres, apre ki fo larelizyon i ganny detri.​—15/7-SC, paz 6.

Kan ki bann ki fer lemal dan parabol dible ek move zerb pou plere e grens zot ledan? (Mat. 13:36, 41, 42)

Zot pou fer sa pandan gran ladetres kan zot pou’n realize ki zot pa pou kapab sap destriksyon.​—15/7-SC, paz 13.

Kan ki parol Zezi konsernan lesklav fidel e pridan i ganny realize? (Mat. 24:45-47)

I pa ti konmans ganny realize lannen 33 N.L., me plito apre 1914. An 1919 sa lesklav ti ansarz tou lezot serviter, sa i enkli tou Kretyen ki pe ganny nouri spirityelman.​—15/7-SC, paz 21-23.

Kan ki Zezi i plas ansarz lesklav fidel lo tou son byen?

Sa pou dan lavenir, pandan gran ladetres kan lesklav fidel pou resevwar zot rekonpans dan lesyel.​—15/7-SC, paz 25.

Eski Labib pa donn non serten dimoun akoz zot move oubyen akoz zot pa enportan?

Nou pa kapab tonm lo sa konklizyon. Labib pa donn non serten dimoun ki ti bon ni serten dimoun ki ti move. (Rit 4:1-3; Mat. 26:18) Labib i donn nou non zis de lanz fidel.​—1/8-E, paz 10.

An plis ki pwisans Bondye, kwa ki ti ed 230 Temwen Zeova pour sirviv en lamars sorti dan kan konsantrasyon Sachsenhausen?

Menm si zot ti fay fay akoz mankman manze ek maladi zot ti kontinyelman ankouraz kanmarad pour kontinyen marse.​—15/8-SC, paz 18.

Akoz sa resi kan bann Izraelit ti pe travers Larivyer Zourden pour antre dan Later Promiz i ankouraz nou?

Menm si larivyer ti’n deborde, Zeova ti aret larivyer pour ki son pep i kapab traverse. Lafwa ek konfyans bann Izraelit dan Zeova ti’n bezwen vin pli for e sa resi i kapab ankourazan pour nou osi.​—15/9-SC, paz 16.

Kwa ki evidan lefe ki Labib i souvandfwa mansyonn kouler?

Vi ki Labib i koz lo kouler sa i demontre nou ki Bondye i konpran ki kouler i kapab annan en lefe lo lemosyon bann imen e ki kouler i kapab ed nou pour rapel bann keksoz.​—1/10-E, paz 14-15.

Ki mannyer sa profesi dan Mika 5:5 konsernan bann berze ek prens pe ganny akonpli dan nou letan?

Nou konpran ki sa ‘set berze ek wit prens’ ki ganny mansyonnen dan Mika 5:5 i bann ansyen dan kongregasyon ki pe fortifye son pep Bondye pour en latak ki’n ganny predir kont zot.​—15/11-SC, paz 20.

Ki serten rezon ki montre nou bezwen Bondye?

Nou bezwen bon gidans ek larepons pour nou bann problenm dan lavi e Bondye i donn nou tou le de. I donn nou led pour ki nou kapab viv byen e ere, i pou osi akonpli bann promes dan son Parol pour fer sa posib.​—1/14-SC, paz 4-6.