Nenport landrwa kot ou ete tann lavwa Zeova
Nenport landrwa kot ou ete tann lavwa Zeova
“Ou prop zorey pou tann en parol deryer ou dir: ‘La sa semen.’”—IZA. 30:21.
KI OU POU REPONN?
Ki mannyer Satan i esey anpes nou tann lavwa Zeova?
Ki tandans nou leker ki kapab anpes nou ekout Zeova?
Ki nou devret fer pour ganny gidans Bondye?
1, 2. Ki mannyer Zeova i kominik avek son bann serviter?
TOU dilon listwar Labib bann dimoun ti personnelman ganny gidans Zeova dan diferan fason. Pour serten, Bondye ti koz swa atraver lanz, vizyon oubyen rev pour dir zot sa ki ti pou arive dan lavenir. Zeova ti osi donn zot bann misyon spesifik. (Nom. 7:89; Ezek. 1:1; Dan. 2:19) Lezot ti ganny gidans atraver bann imen ki ti pe reprezant Zeova dan parti son lorganizasyon lo later. Nenport ki fason pep Zeova ti tann son parol, bann ki ti swiv son bann lenstriksyon ti ganny beni.
2 Ozordi, Zeova i gid son pep atraver Labib, son lespri sen ek kongregasyon. (Akt 9:31; 15:28; 2 Tim. 3:16, 17) Bann gidans ki nou gannyen sorti kot li i sitan kler, ki i konmsi ‘nou prop zorey i tann en parol deryer nou dir: “La sa semen. Mars lo la.”’ (Iza. 30:21) Annefe, Zezi i osi fer nou tann lavwa Zeova anmezir ki i gid kongregasyon atraver “lesklav fidel e pridan.” (Mat. 24:45, NW) Nou bezwen pran sa gidans o serye, parski nou lavi eternel i depan lo nou lobeisans.—Ebr. 5:9.
3. Kwa ki kapab annan en move lefe lo lafason ki nou reazir anver gidans Zeova? (Vwar portre anler.)
3 Satan i oule anpes nou ekout gidans sorti kot Zeova ki kapab sov nou lavi. An plis, nou prop ‘leker tret’ i kapab annan en move lefe lo lafason ki nou reazir anver gidans Zeova. (Zer. 17:9) Alor annou vwar ki mannyer nou kapab sirmont bann lobstak ki fer li difisil pour ekout lavwa Bondye. Annou osi diskit lo ki mannyer annan en bon kominikasyon avek Zeova pou protez nou relasyon avek li dan nenport sirkonstans.
SIRMONT BANN RIZ SATAN
4. Ki mannyer Satan i esey enfliyans fason panse dimoun?
4 Satan i esey enfliyans fason panse dimoun par donn bann fo lenformasyon e bann propagann ki anbet zot. (Lir 1 Zan 5:19.) Bann zournal, liv, magazin, progranm lo radyo, televizyon oubyen Enternet i donn lenformasyon partou dan lemonn, menm dan bann landrwa pli lwen lo later. Menm si zot kapab annan bann keksoz enteresan, souvandfwa zot promot bann kondwit ek standar ki tou lekontrer avek standar Zeova. (Zer. 2:13) Par egzanp, lendistri nouvel ek divertisman i koz lo maryaz omoseksyel konman en keksoz normal e bokou dimoun i santi ki sa ki Labib i dir lo omoseksyel i tro strik.—1 Kor. 6:9, 10.
5. Ki mannyer nou kapab evite ganny antrennen par propagann Satan?
5 Ki mannyer bann ki kontan ladrwatir Bondye i kapab evite ganny antrennen par bann propagann Satan? Ki mannyer zot kapab fer ladiferans ant sa ki byen ek sa ki mal? “Par les parol [Bondye] ed li reste vizilan.” (Ps. 119:9) Dan Parol Bondye i annan bann gidans ki nou bezwen ki ed nou konn ladiferans ant sa ki vre ek bann propagann ki anbet dimoun. (Prov. 23:23) Zezi ti pe sit Lekritir kan i ti dir ki “zonm pa viv zis lo dipen . . . me lo tou parol ki sorti dan labous Bondye.” (Mat. 4:4) Nou bezwen aprann ki mannyer pour aplik bann prensip Labib dan nou lavi. Par egzanp, byen lontan avan ki Moiz ti met an ekri lalwa Zeova konsernan adilter, Zozef ki ti en zenn onm ti konpran ki sa ti en pese kont Bondye. I pa ti ni menm mazinen pour dezobei Zeova kan madanm Potifar ti esey sedwir li pour fer sa ki mal. (Lir Zenez 39:7-9. *) Malgre ki sa madanm ti kontinyen met presyon lo li pour en pe letan, Zozef pa ti les son lavwa anpes li ekout lavwa Bondye. Pour disteng ant sa ki byen ek sa ki mal, nou bezwen ekout lavwa Zeova e bous nou zorey pour pa ekout propagann ki Satan pe kontinyelman fer.
6, 7. Ki nou devret fer pour nou kapab evit bann move konsey Satan?
6 I telman annan diferan doktrin ek lansennyman relizye ki pa annakor avek kanmarad dan sa lemonn, ki bokou i santi ki i pa vo lapenn rod sa vre larelizyon. Me, Zeova in fer son gidans kler pour bann ki pare pour ekout li. Nou Zan 10:3-5.
bezwen deside lekel ki nou pou ekoute. Vi ki i enposib pour ekout de lavwa an menm tan, nou bezwen ‘konn lavwa’ Zezi e ekout li. I sa enn ki Zeova in swazir pour diriz Son mouton.—Lir7 Zezi ti dir “fer byen atansyon sa ki zot tande.” (Mark 4:24) Bann konsey Zeova i drwat e kler, me nou devret port atansyon e ekout li par prepar nou leker pour resevwar li. Si nou pa fer atansyon, nou kapab ekout bann move konsey Satan dan plas ekout konsey Bondye ki ranpli avek lanmour. Pa zanmen les bann lanmizik lemonn, video, progranm televizyon, liv, dimoun ki ou pas letan avek, ansenyan oubyen bann swadizan eksper kontrol ou lavi.—Kol. 2:8.
8. (a) Ki mannyer nou leker i kapab fer li fasil pour Satan enfliyans nou? (b) Ki i kapab arive avek nou si nou inyor bann siny ki averti nou?
8 Satan i konnen ki nou annan sa tandans pour fer pese e i esey tant nou pour satisfer nou move dezir. Kan Satan i target nou dan sa fason, i vin pli difisil pour nou gard nou lentegrite. (Zan 8:44-47) Ki mannyer nou kapab reisi fer fas avek sa defi? Annou vwar legzanp en dimoun ki sitan pe profit bann moman plezir ki a lafen dizour i fer en keksoz mal ki i pa’n zanmen krwar i ti pou kapab fer. (Rom. 7:15) Ki mannyer in ariv dan sa sityasyon tris? I tre probab ki ptitapti sa dimoun ti nepli pe tann lavwa Zeova. Swa i pa ti remark bann siny ki ti pe averti li konsernan sa ki ti pe arive avek son leker ouswa i ti’n swazir pour inyor zot. Par egzanp, petet i ti’n aret priye, apenn si i ti pe prese, oubyen i ti’n konmans mank mank lasal. Avek letan i ti les son dezir kontrol li e fer sa ki i ti konnen i mal. Nou kapab evit en fot parey si nou reste vizilan anver okenn siny ki averti nou e azir deswit pour rezourd sa sityasyon. Si nou pe ekout lavwa Zeova, nou pa pou zanmen ekout okenn nide aposta.—Prov. 11:9.
9. Akoz i vreman enportan ki nou dekouver byen boner bann tandans pour fer pese?
9 Si en dimoun i dekouver byen boner ki i ganny en maladi sa i kapab sov son lavi. Pareyman, nou kapab evite fer fot si deswit nou idantifye bann tandans ki kapab fer nou tonm dan tantasyon. Dek ki nou remarke ki nou annan sa bann tandans, i ti pou saz pour nou azir deswit, avan ki ‘Satan i graponn nou, pour fer nou fer son lavolonte.’ (2 Tim. 2:26) Ki nou devret fer si nou remarke ki nou’n les nou panse ek dezir elwanny nou avek sa ki Zeova i ekspekte avek nou? San tarde, nou bezwen retourn ver li avek limilite, ouver nou zorey gran pour ekout son konsey e ekout li avek tou nou leker. (Iza. 44:22) Nou bezwen realize ki fer en move desizyon i kapab kit en gran sikatris ki kapab fer nou sibir bann move konsekans dan sa lemonn. Pa i pli mye alor ki nou pa kit sa bon semen e azir deswit pour evite fer en tel fot grav!
SIRMONT LORGEY EK VORASITE
10, 11. (a) Ki mannyer en dimoun i kapab rekonnet lorgey? (b) Ki leson nou aprann avek move legzanp Kora, Datann ek Abiram?
10 Nou bezwen rekonnet ki nou leker i kapab fer nou kit sa bon semen. Pa nou tandans pour fer pese i annan en gran lenpak lo nou! Annou pran par egzanp lorgey ek vorasite. Annou vwar ki mannyer sa de tre i kapab anpes nou ekout lavwa Zeova e fer nou fer en move desizyon. En dimoun ki orgeye i annan en tro gran lopinyon lo li menm. I kapab santi ki i annan drwa fer nenport kwa ki i anvi e personn pa kapab dir li ki pour fer. Alor i kapab santi ki gidans ek konsey lezot Kretyen, bann ansyen oubyen menm lorganizasyon Bondye pa aplik pour li. Pour en tel dimoun, i tann lavwa Zeova dan lwen.
11 Pandan traze nasyon Izrael dan dezer, Kora, Datann ek Abiram ti rebel kont lotorite Moiz ek Aaron. Akoz lorgey, bann rebel ti fer zot prop laranzman pour ador Zeova. Ki mannyer Zeova ti reazir? I ti touy zot. (Nom. 26:8-10) Pa sa resi istorik i ansenny nou en leson enportan! Rebelyon kont Zeova i anmenn move konsekans. Annou mazinen ki “avan maler i annan lorgey.”—Prov. 16:18; Iza. 13:11.
12, 13. (a) Donn en legzanp pour montre ki mannyer vorasite i kapab anmenn move konsekans. (b) Eksplike ki mannyer vorasite i kapab devlop vitman si nou pa fer atansyon.
12 Aprezan, annou vwar konsernan vorasite. En dimoun voras i souvandfwa fer sa ki i oule e i napa okenn respe pour lezot. Apre ki Naamann, sef larme Siri ki ti ganny lalep ti ganny geri, i ti ofer bann kado profet Elisa me i pa ti aksepte. Annefe, Geazi serviter Elisa ti anvi sa bann kado. Geazi ti dir dan li menm: “Otan ki Zeova i vivan, mon pour tay deryer [Naamann] e pran en keksoz avek li.” Deryer ledo Elisa, i ti tay deryer Naamann e koz manti pour demann “en talan larzan ek de lenz.” Ki ti arive lefet ki Geazi ti fer sa e koz manti avek profet Zeova? Akoz vorasite Geazi, lalep Naamann ti frap li.—2 Rwa. 5:20-27.
13 Vorasite i kapab konmans par bann pti keksoz me si nou pa kontrol li, sa dezir i kapab devlop vitman e anvair en dimoun. Sa resi Labib konsernan Akann i montre nou pouvwar vorasite. Annou vwar ki mannyer vorasite Akann ti devlop vitman. I ti dir: “Kan mon ti vwar en zoli lenz ofisyel parmi bann depouy pei Sinear e 200 pyes larzan ek en bar lor ki pez 50 sekel, mon ti anvi zot, alor mon ti pran zot.” Olye rezet sa move dezir, avek vorasite Akann ti vol sa bann keksoz e kasyet zot dan son latant. Kan Akann ti ganny dekouver pour sa move keksoz ki i ti’n fer, Zozye ti dir li ki Zeova pou detri li. Akann ek son fanmir ti ganny saboule amor sa menm zour. (Zoz. 7:11, 21, 24, 25) Vorasite i en danze ki toultan la e ki kapab anvair nou. Alor annou “fer atansyon, lavaris” oubyen groker. (Lik 12:15) I kapab ki tanzantan nou annan en move panse oubyen mazin bann keksoz imoral, me i vreman enportan ki nou kontrol nou fason panse e pa les nou bann dezir devlope ziska ki nou komet en pese.—Lir Zak 1:14, 15.
14. Ki nou devret fer si nou remarke ki nou annan sa tandans pour vin orgeye e voras?
14 Lorgey ek vorasite, tou le de i kapab anmenn move konsekans. Kan nou Det. 32:29) Dan Labib, sa vre Bondye pa zis dir nou sa bon semen pour pran, me i osi eksplik nou bann byenfe ki nou gannyen ler nou pran sa semen e bann konsekans si nou pran sa move semen. Si nou leker i pous nou pour mazin fer en keksoz akoz lorgey oubyen vorasite, pa i pou saz pour mazin lo bann konsekans! Nou devret mazin ki mannyer fer sa ki mal ti pou afekte nou, bann ki nou kontan e sirtou nou relasyon avek Zeova.
mazin lo sa ki pou arive si nou swiv en move semen sa pou ed nou pour anpes bann dezir touf lavwa Zeova. (GARD EN BON KOMINIKASYON AVEK ZEOVA
15. Ki nou kapab aprann lo kominikasyon atraver legzanp Zezi?
15 Zeova i anvi sa ki pli bon pour nou. (Ps. 1:1-3) I donn bokou gidans zis a tan. (Lir Ebre 4:16.) Menm si Zezi ti parfe, i ti depan lo kominikasyon regilye avek Zeova e i ti priye tou letan. Zeova ti siport e gid Zezi dan bann fason merveye. I ti anvoy bann lanz pour pran swen avek li, donn Son lespri sen pour ed li e gid li pour swazir sa 12 zapot. Lavwa Zeova sorti dan lesyel ti eksprim Son sipor ek laprouvasyon pour Zezi. (Mat. 3:17; 17:5; Mark 1:12, 13; Lik 6:12, 13; Zan 12:28) Parey Zezi, nou bezwen devid nou leker dan lapriyer avek Bondye. (Ps. 62:7, 8; Ebr. 5:7) Atraver lapriyer, nou kapab annan en bon kominikasyon avek Zeova e reisi viv dan en fason ki anmenn loner lo li.
16. Ki mannyer nou kapab ganny led Zeova pour ganny sa abilite pour ekout son lavwa?
16 Menm si Zeova i donn son konsey pour nanryen, i pa fors personn pour swiv son konsey. Nou bezwen demann li son lespri sen e i pou donn nou annabondans. (Lir Lik 11:10-13.) Me selman i enportan ki nou ‘fer byen atansyon konman nou ekoute.’ (Lik 8:18) Par egzanp, i ti pou ipokrit si nou ti demann Zeova son led pour sirmont sa tandans pour fer bann keksoz imoral an menm tan ki nou kontinyen get pornografi oubyen bann film imoral. Nou bezwen met nou lekor dan bann landrwa oubyen sirkonstans kot i annan lespri sen Zeova. Nou konnen ki son lespri sen i kot bann renyon kongregasyon. Bokou serviter Zeova in evit en maler par ekout lavwa Zeova dan nou bann renyon. Sa in fer ki zot in remark bann move dezir ki ti pe devlope dan zot leker e zot in koriz zot problenm.—Ps. 73:12-17; 143:10.
KONTINYEN EKOUT BYEN LAVWA ZEOVA
17. Akoz i danzere pour depan lo nou menm?
17 Annou vwar legzanp David lerwa Izrael dan letan lontan. Konman en zenn onm, i ti ganny laviktwar lo Golyat en zean Filisten. David ti vin en solda, en lerwa, enn ki proteze e enn ki fer desizyon pour en nasyon. Me ler David ti depan lo li menm, son leker ti anbet li e i ti komet en pese grav avek Bat-seba e menm fer laranzman pour ki son msye Ouriya i ganny touye. Kan David ti ganny disiplinen, avek limilite i ti admet son fot e reetabli son relasyon avek Zeova.—Ps. 51:4, 6, 10, 11.
18. Kwa ki kapab ed nou kontinyen ekout lavwa Zeova?
18 Annou pran aker sa konsey ki trouve dan 1 Korentyen 10:12 e pa annan tro bokou konfyans dan nou menm. Vi ki nou pa kapab ‘diriz nou lepa,’ avek letan swa nou pou ekout lavwa Zeova oubyen lavwa son Adverser. (Zer. 10:23) Annou priye toultan, swiv gidans lespri sen e toultan ekout byen lavwa Zeova.
[Not anba lo paz]
^ par. 5 Zenez 39:7-9: “7 Apre sa bann keksoz, madanm son met ti konmans get Zozef e dir: ‘Dormi avek mwan.’ 8 Me i ti refize e dir avek madanm son met: ‘La mon met pa konnen kwa ki avek mwan dan lakaz e i’n konfye mwan pour pran swen avek tou son keksoz. 9 Napa personn ki pli gran ki mwan dan sa lakaz e i pa’n refiz mwan nanryen eksepte ou, akoz ou son madanm. Alor ki mannyer mon kapab fer sa gran keksoz mal e fer pese kont Bondye?’”
[Kestyon]
[Portre lo paz 22]
Ki mannyer en bon progranm spirityel i kapab protez nou kont bann riz Satan? (Vwar paragraf 4-9)