KONPARE avek en gran pye sed Liban, en pye zoliv tou tord tord ki annan bann kos kos lo la i kapab pa paret enpresyonan. Me bann pye zoliv i remarkab akoz zot kapab sirviv menm dan bann kondisyon difisil. Serten i annan apepre 1,000 an. En pye zoliv i annan bann rasin ki dan fon later e sa i fer ki i kapab repouse menm ler son tron in ganny abimen. Tan ki bann rasin i ankor vivan i pou rebourzonnen.

Zob ti en zonm fidel ki ti asire ki menm si i mor i ti pou reviv ankor. (Zob 14:13-15) I ti servi legzanp en pye dibwa, petet en pye zoliv, pour montre ki i ti annan konfyans ki Bondye i kapab resisit li. Zob ti dir: “Menm en pye dibwa i annan lespwar. Si i ganny koupe, i pou rebourzonnen.” Ler lapli i tonbe apre lasesres, en pye zoliv sek i kapab repouse e ganny “bann brans parey en nouvo plant.”—Zob 14:9.

Zis parey en zardinyen i enpasyan pour vwar en pye zoliv ki’n ganny koupe rebourzonnen, Zeova i enpasyan pour resisit son bann serviter e bokou lezot dimoun. (Mat 22:31, 32; Zan 5:28, 29; Akt 24:15) Pa i pou en lazwa pour akeyir bann ki pou resisite e vwar zot pe rezouir lavi ankor!