Aprann avek Parol Bondye

Ki mannyer nou devret rapel lanmor Zezi?

Sa lartik i soulev bann kestyon ki petet ou’n deza demande e i montre kote ou kapab trouv larepons sa bann kestyon dan ou Labib. I pou en plezir pour Temwen Zeova ed ou pour trouv larepons sa bann kestyon.

1. Ki mannyer nou devret rapel lanmor Zezi?

Zezi ti dir son bann zapot kontinyen rapel son lanmor atraver en repa senbolik kot i ti annan dipen ek diven. Sa dipen i reprezant lekor Zezi e sa diven i reprezant son disan.​—Lir Lik 22:19, 20.

Dan sa dipen ki Zezi ti servi ti napa lelven. Lelven i souvan ganny servi dan Labib pour reprezant pese. Alor, sa dipen ti en senbol apropriye pour reprezant lekor parfe Zezi. I ti ofer son lekor konman en sakrifis e son sakrifis ti aboli sakrifis zannimo ki ti ganny fer dapre Lalwa Moiz. (Ebre 10:5, 9, 10) Sa diven ti reprezant disan presye Zezi ki ti ganny verse konman en sakrifis pour nou pese.​—Lir 1 Pyer 1:19; 2:24; 3:18.

2. Kan ki nou devret komemor lanmor Zezi?

Zezi ti mor le 14 Nizan, zour Lapak. Pour bann zwif, en zour i konmans apre soley kouse. Zezi ti manz repa Lapak avek son bann zapot sa zour swar avan ki i ti mor. Apre sa repa, Zezi ti entrodwir en nouvo repa, setadir repa Memoryal pour komemor son lanmor.​—Lir Lik 22:14, 15.

Ozordi, bann serviter Bondye i komemor sa ki Bondye ti fer atraver Zezi pour liber lemonn antye dan pese ek lanmor. (Egzod 12:5-7, 13, 17) Zis parey Lapak ti ganny selebre enn fwa par an, alor Memoryal lanmor Zezi i ganny komemore zis enn fwa par an apre soley kouse le 14 Nizan ki dapre kalandriye Zwif.​—Lir Zan 1:29.

 3. Lekel ki devret manz sa dipen e bwar sa diven?

Kan Zezi ti pas ver diven avek son bann zapot, i ti dir zot: ‘Sa lakoup i reprezant nouvo lalyans.’ (1 Korentyen 11:25) Sa nouvo lalyans ti ranplas lalyans Lalwa Moiz kot Bondye ti promet bann Izraelit ki si zot ti egzakteman obeir tou sa ki i ti dir, zot ti pou vin son pep. (Egzod 19:5, 6) Me pep Izrael pa ti obeir Bondye alor Bondye ti fer en nouvo lalyans.​—Lir Zeremi 31:31.

Gras a sa nouvo lalyans, Zeova pou beni en kantite dimoun atraver en ptigin dimoun. I annan zis 144,000 dimoun ki form parti sa lalyans e atraver zot plizyer milyon dimoun sorti dan tou nasyon pou ganny sa benediksyon pour reste pour touzour lo later ki pou vin en paradi. Serten sa bann dimoun ki dan sa nouvo lalyans i ankor lo later e pe servi Zeova. Zis zot ki kapab manz sa dipen e bwar sa diven akoz sa lakoup i reprezant sa “nouvo lalyans.”​—Lir Lik 12:32; Revelasyon 14:1, 3.

4. Ki byenfe nou kapab gannyen atraver Memoryal lanmor Zezi?

Memoryal lanmor Zezi ki ganny fer tou le-z-an i ogmant nou lapresyasyon pour sa gran lanmour ki Zeova in demontre. I ti anvoy son Garson pour vin mor pour nou pese. Alor kan nou asiste Memoryal, nou devret reflesir lo sa ki lanmor Zezi in fer posib pour nou. Nou devret osi mazin lo ki mannyer nou kapab demontre lapresyasyon pour sa ki Zeova ek Zezi in fer pour nou.​—Lir Zan 3:16; 2 Korentyen 5:14, 15.

Pour plis lenformasyon, vwar paz 206-208 dan liv Ki Labib i vreman dir? pibliye par Temwen Zeova.