Labib i reponn

Eski i annan lespwar pour bann dimoun mor?

Lanmor i parey en sonmey akoz bann mor pa konnen ki pe pase e zot pa kapab fer nanryen. Par kont, Kreater lavi i kapab resisit zot oubyen redonn zot lavi. I annan bann laprev pour sa akoz Bondye ti donn Zezi pouvwar pour resisit plizyer dimoun mor.​—Lir Eklezyast 9:5; Zan 11:11, 43, 44.

Bondye in promet ki bann dimoun mor ki dan son memwar pou ganny resisite pour viv dan en nouvo lemonn drwat isi lo later. Bann ki pou resisite i bezwen reste dan sa kondisyon pour lemoman ziska ki Bondye i redonn zot lavi. Bondye Tou pwisan i vreman anvi servi son pouvwar pour resisit bann dimoun mor.​—Lir Zob 14:14, 15.

Ki mannyer rezireksyon pou ete?

Ler Bondye pou resisit bann dimoun, zot pou kapab rekonnet zot prop lekor, zot zanmi ek zot fanmir. Menm si lekor en dimoun i dekonpoze, Bondye pou kapab resisit sa dimoun avek en nouvo lekor.​—Lir 1 Korentyen 15:35, 38.

Pa bokou dimoun ki ganny resisite pour al viv dan lesyel. (Revelasyon 20:6) Laplipar dimoun ki resisite pou viv lo later ki pou’n vin en paradi. Zot pou rekonmans en nouvo lavi avek sa lespwar pour viv pour touzour.​—Lir Psonm 37:29; Akt 24:15.

Pour plis lenformasyon, vwar sapit 6 ek 7 dan liv Ki Labib i vreman dir? pibliye par Temwen Zeova

Ou kapab download li lo www.pr418.com

[Portre lo paz 16]

Dan ki sans lanmor i parey ler ou pe dormi?