Labib I Reponn

Eski tou larelizyon i onor Bondye?

Ler ou ekout nouvel, petet ou’n remarke ki parfwa larelizyon i ganny servi pour fer sa ki mal. Pa tou larelizyon ki sorti kot sa vre Bondye. (Matye 7:15) Annefe, bokou dimoun in ganny anbete.​—1 Zan 5:19.

Toudmenm, Bondye i rekonnet bann dimoun senser ki kontan laverite ek sa ki byen. (Zan 4:23) Bondye pe envit sa bann dimoun pour aprann laverite dan son Parol, Labib.​—1 Timote 2:3-5.

Ki mannyer ou kapab konn sa vre larelizyon?

Zeova pe ini dimoun ki sorti dan diferan larelizyon par ansenny zot laverite e osi pour kontan kanmarad. (Mika 4:2, 3) Alor, ou kapab rekonnet bann vre adorater par lafason ki zot pran swen avek lezot.​—Zan 13:35.

Lafwa ek fason viv bann vre adorater i baze lo sa ki’n ganny ekrir dan Labib. (2 Timote 3:16) Zot osi onor non Bondye. (Psonm 83:18) Zot siport Rwayonm Bondye konman sa sel lespwar pour limanite. (Danyel 2:44) Zot imit Zezi par fer zot ‘lalimyer klere’ pour fer dibyen lezot. (Matye 5:16) Alor, bann vre Kretyen i kapab ganny rekonnet par zot bann vizit ki zot fer kot lakour bann dimoun avek bi pour partaz sa bon nouvel konsernan Rwayonm Bondye.​—Matye 24:14; Akt 5:42; 20:20.

Pour plis lenformasyon vwar sapit 15 dan sa liv Ki Labib i vreman dir? pibliye par Temwen Zeova

Ou kapab download li lo www.pr418.com

[Ekstre lo paz 16]

Zeova pe ini tou sort kalite dimoun par mwayen vre ladorasyon.​—Psonm 133:1