Labib i dir ki dan tou bann imen ek zannimo ki lo later, zis en pti gin imen ki pou al dan lesyel. (Revelasyon 14:1, 3) Zot pou al laba pour dirize konman bann lerwa ek pret avek Zezi. (Lik 22:28-30; Revelasyon 5:9, 10) Laplipar imen pou resisite pour viv dan Paradi lo later.​—Psonm 37:11, 29.

 I napa okenn lendikasyon dan Labib ki serten zannimo ti al dan lesyel. Sa i akoz bann zannimo pa kapab fer sa ki neseser pour zot “ganny swazir pour al dan lesyel.” (Ebre 3:1) Sa i enkli ganny konnesans, demontre lafwa e obei bann komannman Bondye. (Matye 19:17; Zan 3:16; 17:3) Zis imen ki’n ganny kree pour viv pour touzour.​—Zenez 2:16, 17; 3:22, 23.

 Pour al dan lesyel, bann imen lo later i bezwen ganny resisite. (1 Korentyen 15:42) Labib i koz lo plizyer rezireksyon. (1 Lerwa 17:17-24; 2 Lerwa 4:32-37; 13:20, 21; Lik 7:11-15; 8:41, 42, 49-56; Zan 11:38-44; Akt 9:36-42; 20:7-12) Par kont, dan tou sa bann rezireksyon, i annan zis dimoun e i ti napa zannimo ki ti resisite.

•  Eski zannimo i annan en nanm?

•  Eski nanm i kapab mor?

•  Eski zannimo i fer pese?

•  Eski i normal pour maltret zannimo?

 Non. Labib i dir ki zannimo ek imen i bann nanm. (Nonm 31:28, New World Translation) Ler Bondye ti kree sa premye zonm, Adan, i pa ti donn li en nanm, me i ti plito “vin en et vivan” oubyen en nanm vivan. (Zenez 2:7, NWT) Nanm i ganny fer avek de keksoz, “lapousyer later” ek “souf lavi.”

 Wi, Labib i dir nanm i kapab mor. (Levitik 21:11, Ezekyel 18:20, not dan NWT.) Ler en zannimo oubyen en imen i mor, i retourn an pousyer dan later. (Eklezyast 3:19, 20) Andotmo, i nepli egziste. a

 Non. Fer pese i vedir mazin, re santi oubyen fer en keksoz ki kont lalwa Bondye. Pour en dimoun fer pese, i bezwen kapab fer bann desizyon dapre sa ki byen ek sa ki mal. Sa i en abilite ki bann zannimo napa. Dan sa pti gin letan ki zot viv, zot normalman azir dapre zot lensten. (2 Pyer 2:12) A lafen zot lavi, zot mor menm si zot pa’n fer okenn pese.

 Non. Bondye in donn imen lotorite lo zannimo, me i’n pa’n donn drwa pour maltret zot. (Zenez 1:28; Psonm 8:6-8) Bondye i enterese avek byennet sak zannimo, menm bann pli pti zwazo. (Zonas 4:11; Matye 10:29) I ti donn lord son bann adorater pour tret bann zannimo byen.​—Egzod 23:12; Deterononm 25:4; Proverb 12:10.