Bethel cih in Hebru min hi a, a khiatna pen “Pasian inn” cih na hi. (Piancilna 28:17, 19) Tua min pen tangko nasepna lamlah nading le a huh dingin Jehovah Tecite’n leitungbupa alam innte ading a kilawm min hi. Governing Body-te in New York State, U.S.A. a, om leitungbup headquarter-ah na semin gam tampi a, om zum dangte na vaan uh hi. Tua taka na a semkhawm mite khempeuh pen Bethel innkuanpihte kici hi. Innkuan khat bangin kipumkhat takin tengkhawmin na semkhawm a, an nekhawmin Lai Siangtho sinkhawm uh hi.—Late 133:1.

Kipiakkhiat nopna lungsim le innkuanpih banga nasepna munpi hi. Bethel inn khempeuhah na asem Khristian pasal le numeite pen Pasian deihna sem dingin a ki-apte hi uh a, Pasiam Gam nasepna-ah hun bitin na sem uh hi. (Matthai 6:33) Amau kha sum ahih kei leh thaman a ngah loh uh hang omna ding inn, annek tuidawn ding le sumlepai zattawm ding kipia hi. Bethel innkuanpih khat ciatin nasep kinei tek a, zum, anhuan buk, annekna mun cihte-ah na nasem uh hi. Pawlkhat in laikhetna ahih kei leh laibu khuina, ahih kei leh inn siangtho nading nasep, puansawp, na bawla kepna, ahih kei leh na a tuamtuam sem lai uh hi.

Pasian Gam tangko nasep panpih nading a, nasep tamna mun hi. Bethel khempeuh ii a ngimna bulpi in mi tampi te’n Lai Siangtho thuman a ngah theih nading hi. Gentehna in hih laibu zong na kihel hi. Laibute pen Governing Body khutnuai-ah ki-atin leitungbupa laitei pawl, za val bangah electronic tawh kipuak hi. Bethel laikhetna set tawh manlang takin kithoh a, pawlpi 110,000 valah kikhak hi. Nasepna a tuam tek pan Bethel innkuanpih te’n a thupi pen nasep ahi—lungdamna thu tangko nasepna-ah na panpih uh hi.—Marka 13:10.

• Bethel-ah kua te’n nasem a, amau bang huhna ngah uh hiam?

• Bethel inn khempeuh ii nasepte in a thupi bang nasep panpih hiam?