Tanglai hun peka kipan Jehovah in innkuan simin hun pia-in kha lama thahat na’ng le innkuan pihte tha kipiak ding deih hi. (Thu Hilhkikna 6:6, 7) Tua ahih manin Jehovah Tecite in innkuanpihte tawh kalsimin biakpiak theih nading hoih takin hun seh uh a, tua hunah—thu kikupna a nuam theithei-in bawl a, innkuan sunga a kisam kha ante kipan pihna nei uh hi. Nang beka om na hi zong Lai Siangtho sin nading gel a, nateel thute pan Pasian tawh na kizop na’ng hun piathei hi teh.

Jehovah tawh kinaih theih nading hun hoihpen hi. “Pasian kiang nai un. Amah in zong hong nai ding hi.” (James 4:8) Jehovah’ hoihnate le a gamtatziate ama at Kammal tungtawnin kician takin i sin ciang ama thu hong theisak zaw ding hi. Innkuan kikhop nuam takin na kipat theih nading lam khat in hun tomno sung Lai Siangtho awgingin simkhopna le Khristian Nuntakna le Tangko Nasep ading kalsim hun gelna bangin simin kipan thei hi uh teh. Innkuanpih khat ciat ii sim ding Lai Siangtho munte sehin Lai siangtho pan i theih thute kikumkik thei hi.

Innkuanpih khat ciat kinai na’ng hunpha khat zong hi. Innkuan bupin Lai Siangtho i sin khawp ciang zite le pasalte, nu le pate le tate khatlekhat kizopna tha hong khauhsak hi. Tua hun pen lungnopna, lungmuanna le nipi kal sunga innkuanpih sim ii a lamet hun hi sak in. Naupangte kum tawh kituakin nu le pa te’n nuntakpih theih ding thulu-te kikup dingin teel a , ahih theih leh Vilnatausang le Khanglo In! magazine-te pan thuhoih tuamtuamte ahih kei leh jw.org website-te pan zong teel thei hi teh.Sanga na tate’n a tuak haksatnate na theih nading na hopih kul a, tua thu bangci khensat ding cih kikuppih thei hi teh. TV tawh hungelna ahi JW Thugenna (tv.pr418.com) enin kikumkik le’ng hoih lo ding a hiam? Kikhopna-a lasakte kisinkikna in i lung hong nuamsak ding a, innkuan-kikhop mankhit ciang lungnop nading a tuamtuam bawlthei hi teh.

Kal sim hih bangin hun hoih bawla Jehovah biakkhopna in, innkuanpihte khempeuhin Pasian’ Kammal Sinna-ah nuam a sakna uh na mu ding a, nang ii hanciamnate Pasian in a kicing takin thupha hong pia ding hi.—Late 1:1-3.

• Innkuan kikhopna ading ba’hang hun sehkhol i hi hiam?

• Hih a lungnophuai hun sungah innkuanpih khempeuh a lungnop nading nu le pa te’n bang bawl thei ding uh hiam?