Bethel innkuanpih te’n zum tuamtuamah na sem uh a, gam khat ahih kei leh gam pawlkhat a, tangko nasepna en-in panpih uh hi. Amaute in kampau letkhiatna-ah, magazine khetna-ah, laibu khuina-ah, laibute kholna-ah, audio/video nasepnate ahih kei leh a dang nasepnate-ah sem uh hi.

Branch Committee in nasepnate na vaan hi. Governing Body in Branch zumte-ah a kisem nasepte en cik dingin Branch Committee-te tavuan na pia a, tua Committee-ah a picing upa thum ahih kei leh tua sang mi a tamzaw kihel hi. Tua Committee in amau khutnuai-a om khawk a tuamtuama khantohnate le hong piang buainate Governing Body-te kiang thu zasak uh hi. Tua a kikaikhawm laite in a kithoh ding laibute, hong pai ding pawlpi kikhopnate le kikhoppite-ah bang thute gelh ding kilawm hiam cih a khensat theih nading Governing Body-te huhna pia hi. Governing Body-te tangin zum vaante’n zumte manmanin vaan uh a, Branch Committee-te’ zum nasep dan ding lamlahnate pia uh hi. (Paunak 11:14) Tua hunta ciang zum ii khawk kiima om mite tha a piak theih nadingin headquarter-te tanga hong pai zum vaanpa ii thugenna khat a kihel hunpha khat kigel hi.

Khua sunga pawlpite huh in panpih uh hi. Zumah tavuan nei unaupate in pawlpi thak phuat theih nadinga a kisam sep dingte sepsak uh hi. Zum ii khawk kiima om pioneer-te, Khristian missionary-te le khawk makaipite ii nasepnate thu hilhin lamlak uh hi. Kikhoppi le khawk kikhoppite vaihawm sakin Biakinn thak a kilamnate-ah hoih takin kikuppih a, pawlpite ading a kisam laibute khakna-ah zong vaan uh hi. Zuma a kisem nasep khempeuhin tangko nasepna hoihtakin a kizawh sitset nading na huh hi.—1 Korin 14:33, 40.

• Branch Committee in Governing Body-te koi bangin na panpih uh hiam?

• Branch office-ah bang nasepte sem uh hiam?