Kum tampi sung Jehovah Tecite in Lai Siangtho teikhiatna a tuamtuam zangin khenkhia a, zong na thoh khia uh hi. Ahih hang Pasian deihna ahi “thuman” kician takin mite’n a theih nading a hoih pen in a huh ding, Lai Siangtho a thak letkhiat ding a kisapna ka mu uh hi. (1 Timoti 2:3, 4) Tua ahih manin kum 1950 in khangthak kampau tawh New World Translation Lai Siangtho hawmkhiat ka kipan uh hi. Tua Lai Siangtho pen kician takin le mantakin kampau nam 130 val kiletkhia hi.

Lai Siangtho pen theihnop in telbaih ding kisam hi. A tawntungin kampau kikhel den ahih na le Lai Siangtho tei mi tampi in a kician lo, tu hun tawh a kizui nawn lo kammal te tawh at uh a hih manin theih ding haksa hi. Tanglai-a Lai Siangthote pen na kician zaw in le a ki-at masa lai tawh kinai zaw hi. Tua hi a, Hebru, Aramaic le Greek Lai Siangtho te kitel zaw ta hi.

Pasian kammal tungah citaka lai a letkhia ding te kisam hi. Pasian kha siangtho tawh a ki-at ahih teh hepkhiat ding sangin Lai Siangtho a letkhiate in a ki-at masa laigui pan kician takin a tei ding uh kisam hi. Ahih hang a kiteikhia Lai Siangtho a tamzaw ah Pasian min, Jehovah na om nawn lo hi.

Lai Siangtho in amah a Bawlpa a pahtawi ding kisam hi. (2 Samuel 23:2) Gentehna in a nuai-a kilak lim bangin kum ham Lai Siangthote sungah Jehovah’ min 7,000 bang kimu a, a om nading munte-ah a om dingin New World Translation Lai Siangtho sungah kikoih kik hi. (Late 83:18 *) Kum tampi hahkat taka thu kankhiatna in tua Lai Siangtho pen sim nuamin Pasian ngaihsutnate siang takin hong thei sak hi. Nang ii kampau tawh New World Translation Lai Siangtho na nei a, na nei kei zong Jehovah’ Kammal ni simin manman na sim ding kong hanthawn nuam uh hi.—Joshua 1:8; Late 1:2, 3.

• Lai Siangtho a thakin letkhiat ding kisam cih ba’hang khensat ka hi uh hiam?

• Pasian deihna a sin nuam kuamapeuh ading ni simin bang sepding hoih hiam?