Lai Siangtho in pawlpi sungah nasem dingin—“vaihawm upa le pawlpi nasemte” ci-in Kristian pasalte pawl nih na khen hi. (Filippi 1:1, NW) A tamzaw in pawlpi khat ciatah upa le pawlpi nasemte om uh hi. Eite i hamphat nading pawlpi nasemte ii nasep bang hiam?

Amau pawlpi upate na huh uh hi. Pawlpi nasemte pen kha lamah a thahat, a citak mi muanhuai le sawl tang zangin tha nuamte hi a, pawlkhat khangno, pawlkhat khanghamte hi. Amau pawlpi le biakinn-a kisapnate huh ahih manin upate’n thuhilhna le tuucing nasepna-ah limtakin en zo uh hi.

A kisam nasepte sepsak uh hi. Pawlpi nasem pawlkhat te’n kikhopna-ah hong paite khempeuh a dawn dingin tavuan kipia hi. Pawlkhat in zong pawlpi sunga nasep ding ahi music a len ding, a kihawm laibute kem ding, pawlpi sazian a len dingin le teci pan’ theih nading mun geelnate-ah na a sem uh hi. Biakinn kem a, puahphat nadingah zong nasem uh hi. A kumhaam a, a teekte a huh dingin zong upate’n pawlpi nasemte kiang huhna ngen thei uh hi. Tavuan bangbang a kipia zongin pawlpi nasemte’n lungsim takpi tawh a sepna uh pawlpi mite’n na zahtak uh hi.—1 Timoti 3:13.

Khristian pasalte ahih mah bangin gamtat hoihte na lak uh hi. Pawlpi nasemte pen Khristian gamtat hoih a neite lak pan kiteel hi. Kikhopna a, tavuan a let uh ciang ka upna uh hong thakhauh sak hi. Tangko nasepna-ah hong makaih uh teh hahkat taka sepnopna lungsim hong nei sak hi. Amau’ sepkhop nopna lungsim in lungnopna le kipumkhatna khangsak hi. (Efesa 4:16) Mai lamah amau zong pawlpi upa sem dingin picinna nei thei ding uh hi.

• Pawlpi nasemte pen koi bang pasalte hi uh hiam?

• Pawlpi nasepziate hoih taka sep theih nading pawlpi nasemte’n bangci panpih uh hiam?