Jesuh a sih ma deuhin a nungzui mi li ahi—Peter, James, Johan le Andrew-te a tuamin na hopih hi. Jesuh in hun bei hun sungin ama hong tun’ kik lam, a ki theih nading a gen kholh lai-in a thupi dotna khat hih bangin na dongh hi: “A pil a citak nasem i cih a bangci te ahi hiam? A naseppih dangte ukin a hun manmanin amaute’ nekzah ding ciat an a pia dingin a topa in a seh a nasempa ahi hi.” (Matthai 24:3, 45; Marka 13:3, 4) Jesuh in a nungzuite ii “topa” ahihna kiciansak a, hun bei hun sungin a nungzuite ading kha an manman a, a pia dingte na seh hi. Tua nasem mite sungah kuateng kihel hiam?

Jesuh ii nungzui sathau a ki nilh mi tawmno te hi uh hi. Tua “nasem” te pen Jehovah Tecite ii Governing Body in na kilangsak hi. Nasemte in Jehovah a bia thu uppih mite kha an manmanin na pia uh hi. A citak nasemte in “hun manmanin” ka “nek zah ding ciat” uh hong pia ding cih ka muang uh hi.—Luka 12:42.

Pasian innkuan sung vaihawm sak uh hi. (1 Timoti 3:15) Jesuh in tua nasemte pen Jehovah ii leitung lama a pawlpi sungah na a vaihawm dingin a thupi mahmah nasep pia a, tua te sungah—van thupi a tuamtuam kepcingnate, tangko nasepna lamlakin le pawlpi tungtawnin thuhilhnate kihel hi. Tua danin ka kisapna uh a kisap hunin ‘a pil le a citak nasem’ te’n tangko nasepna a, ka zat uh a kihawm laibute pan ahi zong kikhopna le kikhoppite tungtawnin kha an hong pia uh hi.

Nasemte in Lai Siangtho thumanna le lungdamna thu tangko ding tavuanah citak in Khrih ii neihsa leitung nate tungah pilvang takin a kepna-ah na pil uh hi. (Sawltak 10:42) Jehovah in mi tampi ama teci dingin kaikhawm a, kha an kicing takin a vak theih nading a pil le a citak nasemte thupha na pia hi.—Isaiah 60:22; 65:13.

• Ama nungzuite kha an a vak dingin Jesuh in kuate na seh hiam?

• Nasemte koi ci bangin na pilin na citak uh hiam?