Gammangtulakte khetawh tawnin, khuahun zong a hoih loh hang Khristian kikhopnate-ah manmanin kikhawm dingin ka pai uh hi. Nuntakna a haksa zongin ni tha nasep man ciang a tawl uh hang Jehovah Teci te’n thu uppihte tawh kikholh ding ba’hang in na hanciam uh hiam?

I nuntakna-ah lungnopna hong pia hi. Pawlpi-ah i kikholhpihte tawh kiho a, “khat le khat ki hanthawn ciat” ding Paul in na gen hi. (Hebru 10:24) A cih nopna pen khat le khat i kitheih semsem na’ng i hanciam ding a gen nopna hi. Tua ahih manin Paul ii thugente in mi dangte thu i lunglut ding hong hanthotna hi. Pawlpi mite tawh i kitheih semsem ciang amaute sungah pawlkhat pen ei’ thuak dan mah bangin haksatnate thuak a, tua haksatnate a gualzawhna uh ka thei uh a, tua mah bangin en zong i thuakzawh nading hong huh thei hi.

Lawmta ki-itna hong kip sak hi. Kikhopna-ah ka kikhop uh ciang khat le khat kithei bek hi lo-in a ki-it mahmah lawm hoih te ka hi uh hi. Khat veivei tawldam nading hunphate ka zang khawm zel uh hi. Tua banga kikholhna in bang phattuamna hong ngahsak hiam? Khat le khat hong kipi muh sak a, ki-itna zong hong khangsak semsem hi. Unaunu unaupa te’n haksatna a thuak uh ciang a kip lawmta ki-itna nei ka hih manun ka huh pah uh hi. (Paunak 17:17) Pawlpi sunga mite tawh kikholhna in khat le khat kidon ka hihna uh na lak hi.—1 Korin 12:25, 26.

Pasian deihna a sem mite bek lawmin nateel ding kong hanthawn uh hi. Jehovah Tecite sungah lawm hoih na muthei hi. Hehpihna in kote tawh kikholh ding na nungkiin kei in.

• Kikhopna munte-ah mite tawh kikholhna in bang hamphatna hong pia hiam?

• Cik ciangin ko pawlpi thu teltakin thei nuam ding na hiam?